شمالی وزیرستان میں دو ڈرون حملے، 16 افراد ہلاک

[اقبال جہانگیر]

میرانشاہ: قبائلی علاقے شمالی وزیرستان میں دو مختلف ڈرون حملوں کے نتیجے میں 16 عسکریت پسند ہلاک ہوچکے ہیں۔
ڈان نیوز کے مطابق پہلا ڈرون حملہ کے دوران تحصیل غلام خان کے ایک گھر اور ایک گاڑی پر دو میزائل داغے گئے جس کے نتیجے میں چھ ہلاکتیں پیش آئیں۔

اطلاعات کے مطابق اس حملے میں ایک 'ہائی ویلیو ٹارگٹ' بھی ہلاک ہوا ہے تاہم تاحال اس کی شناخت نہیں ہوسکی۔
خبر رساں ادارے اے ایف پی نے انٹیلیجنس ذرائع کے حوالے سے بتایا کہ حملے کے نتیجے میں چار ازبک اور دو پنجابی طالبان ہلاک ہوئے ہیں۔
حکام کا کہنا ہے کہ عسکریت پسندوں نے پک اپ ٹرک ایک گھر کے باہر پارک کیا جس کے بعد حملہ کردیا گیا۔
حملے کے باعث گھر اور ٹرک دونوں مکمل طور پر تباہ ہوگئے ہیں۔

مزید پڑھیے: لائیو کوریج کا چورن

مقامی مخبروں کا کہنا ہے کہ گھر اور ٹرک دونوں میں تاحال آگ لگی ہوئی ہے۔

ایک اور سیکورٹی افسر نے واقعے کی تصدیق کرتے ہوئے ہلاکتوں بڑھ جانے کے خدشے کا اظہار کیا ہے۔

ایک اور ڈرون حملہ

دوسری جانب میران شاہ کے قریب درپہ خیل میں ایک اور ڈرون حملے کے نتیجے میں دس افراد ہلاک جبکہ چار زخمی ہوگئے۔

اطلاعات کے مطابق ڈرونز نے چار مختلف کمپاؤنڈ اور ایک پک اپ ٹرک کو آٹھ میزائلوں سے نشانہ بنایا۔

انٹیلیجنس ذرائع کا کہنا ہے کہ علاقے میں کم از کم دس ڈرونز پرواز کررہے ہیں۔

مزید پڑھیے: ایک دن -- دو قیامتیں

یہ ڈرون حملے ایک ایسے موقع پر کیے گئے ہیں جب ازبک جنگجو گروپ اسلامی تحریک ازبکستان نے کراچی ایئر پورٹ حملے کی ذمہ داری قبول کی۔

اتوار اور پیر کی درمیانی شب پوری رات چلنے والے اس حملے کے نتیجے میں دس حملہ آوروں سمیت 37 افراد ہلاک ہوچکے ہیں۔

خیال رہے کہ رواں سال پاکستانی حدود میں ڈرون حملوں کا یہ پہلا واقعہ ہے۔

اس سے قبل دسمبر دو ہزار تیرہ میں شمالی وزیرستان میں دو اور ضلع ہنگو میں ایک ڈرون حملہ کیا گیا تھا۔

25 دسمبر 2013 کو پاکستانی سکیورٹی حکام کے مطابق شمالی وزیرستان میں ہونے والے ایک امریکی ڈرون حملےمیں کم سے کم تین مبینہ ’عرب جنگجو‘ ہلاک ہو گئے تھے۔

بدھ اور جمعرات کی درمیانی شب ہونے والا یہ حملہ شمالی وزیرستان کے گاؤں قطب خیل میں کیا گیا۔
http://urdu.dawn.com/news/1005777/drone-attack

 

[اقبال جہانگیر]

دہشت گرد ،یہ طالبان ظالمان ہوں یا القائدہ و ازبک وغیرہ وغیرہ ، صرف گولی و طاقت کی زبان سمجھتے ہیں۔
دنیا بھر کے دہشت گرد پاکستان میں موجود ہیں۔ "ہر کوئی شمالی وزیرستان میں ہے،وہاں عرب ہیں ،ازبک ہیں ،تاجک ،انڈونیشی ،بنگالی، پنجابی ،افغان ، چیچن اور سفید جہادی ۔ یورپین جہادی" کامران خان ممبر پارلیمنٹ، میران شاہ۔ "تقریبا ۔10 ہزار غیر ملکی جہادی شمالی وزیرستان میں ہیں"( ڈیلی ڈان) وہان القائدہ ہے،طالبان ہیں، پنجابی طالبان ہیں ،حقانی نیٹ ورک ہے،حرکت جہاد اسلامی ہے،لشکر جھنگوی ہے وغیرہ وغیرہ ۔
اسامہ بن لادن کے ساتھی غیرملکی دہشت گرد شمالی وزیرستان پر قبضہ کئے بیٹھے ہیں اور انہون نے پاکستان کی خود مختاری اور سالمیت کو خطرے میں ڈال دیا ہے اور شمالی وزیرستان سے یہ سارے ملک میں پھیل گئے ہیں ۔ کراچی کا حالیہ حملہ اس کی مثال ہے۔
ان غیر ملکی جہادیوں کا پاکستان میں کیا کام ہے؟کیا ان دہشت گردوں کو قابو میں لانا ہمارا کام نہ ہے اور ہم نے اس ضمن میں کیا، کیا ہے؟
یہ لاتوں کے بھوت باتوں سے نہیں مانیں گے، انکو اس علاقہ سے طاقت کے بل بوتے پر نکال باہر کرنا ہو گا۔
معصوم انسانی جانوں سے کھیلنے والے درندے ہیں ‘ ان کا نہ تو اسلام اور نہ ہی پاکستان سے کوئی تعلق ہے۔ ایسے درندوں سے آہنی ہاتھوں سے نمٹا جانا چاہیے۔
دہشت گردی کی وجہ سے انسانوں کی جان، مال اور آبرو کو خطرے میں نہیں ڈالاجاسکتا ہے۔یہ ہماری موجودہ اور آیندہ نسلوں کے وسیع تر مفاد میں ہے کہ دہشت گردی اور انتہاپسندی کو ہر ممکن طریقے سے اور ہر قیمت پر روکا اور ناکام بنایا جائے۔ہم کب تک دہشت گردوں کے ہاتھوں یرغمال بنے رہیں گے؟

 

[سید زبیر]

کیا خبر ، ڈرون مستقبل میں کراچی کے لئے بھی استعمال ہونے لگے ۔ اندھے راکٹ اور میزائیل یا بمباری سے ڈرون غالباً بہتر ہیں ۔

 

[amirnawazkhan]

دہشت گردوں اور خصوصی طور پر غیر ملکی دہشت گردوںکا مارا جانا اس چیز کا ثبوت ہے کہ ڈرون حملے دہشت گردوں کے خلاف ہو رہے ہیں .ڈرون حملوں کی وجہ سے دہشت گردپریشان ہیں۔ دہشت گردوں کا ختم ہونا پاکستان کے مفاد میں ہے۔ القاعدہ ،طالبان سمیت دیگر دوسرے شدت پسندگروپوں کی پناہ گاہیں پاکستان کے لیے بڑا مسئلہ ہے.