شوق کا اعتبار ہی نہیں ہے

[ایم اے راجا]

اساتذہ سمیت تمام احباب کو السلام علیکم۔
بہت عرصے بعد ایک تازہ غزل کے ساتھ حاضر ہوں۔

شوق کا اعتبار ہی نہیں ہے
خود پہ اب اختیار ہی نہیں ہے

دن جو تھے وہ گذر گئے کب کے
اب ترا انتظار ہی نہیں ہے

عمر بھر زخم ساتھ لے کے چلوں
درد سے اتنا پیار ہی نہیں ہے

سبز رت کی دعا کروں کیونکر
جبکہ شوقِ بہار ہی نہیں ہے

جس میں دل کا زیاں ہو اے راجا
کرنا وہ کاروبار ہی نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

 

[محمد اسامہ سَرسَری]

وعلیکم السلام ورحمۃ اللہ وبرکاتہ۔
ماشاءاللہ خوب لکھی ہے غزل۔

آخری شعر کے پہلے مصرع میں لفظ ”زیاں“ غالبا نون غنے کے ساتھ ہونا چاہیے۔

 

[الف عین]

نہیں ہے، ردیف میں ی کا اسقاط اچھا نہیں لگ رہا۔ اگر اسے بدل کر ’کب ہے‘ کر دیا جائے تو شاید اکثر اشعار میں بہتری پیدا ہو جائے۔
زیاں کو واقعی غنہ کے ساتھ ہی استعمال کرو تو بہتر ہے۔

 

[محمد خلیل الرحمٰن]

جِس میں دِل کا زیاں ہو اے راجاؔ​

 

[مہدی نقوی حجاز]

اچھی ہے!

 

[ایم اے راجا]

نہیں ہے، ردیف میں ی کا اسقاط اچھا نہیں لگ رہا۔ اگر اسے بدل کر ’کب ہے‘ کر دیا جائے تو شاید اکثر اشعار میں بہتری پیدا ہو جائے۔
زیاں کو واقعی غنہ کے ساتھ ہی استعمال کرو تو بہتر ہے۔

مگر ردیف کب ہے لانے سے کچھ شعر تبدیل کرنے پڑیں گے سر، خیر دیکھتا ہوں۔

 

[ایم اے راجا]

محترم استاد الف عین صاحب ، اگر ردیف ہی نہ رہا کی جائے تو کیا خیال ہے ؟

شوق کا اعتبار ہی نہ رہا
خود پہ اب اختیار ہی نہ رہا

دن جو تھے وہ گذر گئے کب کے
اب ترا انتظار ہی نہ رہا

عمر بھر زخم ساتھ لے کے چلوں
درد سے اب وہ - اتنا پیار ہی نہ رہا

سبز رت کی دعا کروں کیونکر
جبکہ شوقِ بہار ہی نہ رہا

جس میں دل کا زیاں ہوا راجا
اب کہ وہ کاروبار ہی نہ رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہی کب ہے کی ردیف میں یوں ہوتی ہے۔
شوق کا اعتبار ہی کب ہے
خود پہ اب اختیار ہی کب ہے

دن جو تھے وہ گذر گئے کب کے
اب ترا انتظار ہی کب ہے

عمر بھر زخم ساتھ لے کے چلوں
درد سے اب وہ - اتنا پیار ہی کب ہے

سبز رت کی دعا کروں کیونکر
جبکہ شوقِ بہار ہی کب ہے

جس میں دل کا زیاں ہواے راجا
اپنا وہ کاروبار ہی کب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

سر اصل میں میرے خیال ناقص کے مطابق کب ہے ردیف لانے سے بات قطعی ہو جاتی ہے، جبکہ نہیں رہا یا نہ رہا سے یہ ثابت ہوتا ہے کہ پہلے کوئی چیز تھی جو اب ختم ہو گئی ہے، آپ اکثر شعروں میں جیسے انتظار والے میں دیکھیں کہ کب ہے سے محسوس ہوتا ہے کہ تھا ہی نہیں اور زخم والے میں بھی یہی مسئلہ پیدا ہو رہا ہے، جبکہ نہیں ہے یا نہ رہا لانے سے یہ شائبہ نہیں ملتا کہ تھا ہی نہیں بلکہ پہلے تھا اب نہیں رہا ہے۔ اور شاعر بھی یہی کہنا چاہتا ہے کہ تھا مگر اب نہیں رہا۔ مزید آپ جو فرمائیں کیونکہ پتہ نہیں میں اپنی بات آپ کو سمجھا سکا ہوں یا نہیں ؟

 

[عبد الرحمن]

وعلیکم السلام ورحمۃ اللہ وبرکاتہ!
ماشاءاللہ بہت خوب۔

 

[ایم اے راجا]

جناب استاد الف عین صاحب یہاں بھی ذرا چکر لگائیے گا

 

[ایم اے راجا]

استاد الف عین صاحب لگتا ہے آپ اسے بھول ہی گئے ہیں

 

[الف عین]

واقعی بھول گیا تھا
میں نے کب ہے کا مشورہ ‘ہی نہیں ہے‘ کے قریبی معنی کی وجہ سے دیا تھا۔ ’نہ رہا‘ بہت بہتر ہے۔
شوق کا اعتبار ہی نہ رہا
خود پہ اب اختیار ہی نہ رہا
÷÷درست

دن جو تھے وہ گذر گئے کب کے
اب ترا انتظار ہی نہ رہا
پہلا مصرع
وہ جو دن تھے، گذر۔۔۔
کر دو تو بہتر ہو

عمر بھر زخم ساتھ لے کے چلوں
درد سے اب وہ - اتنا پیار ہی نہ رہا
÷÷درد سے اب وہ‘ بہتر ہے
لیکن پہلے مصرع میں بھی ’ساتھ لے ے چلوں‘ سے بات نہیں بنتی، کچھ اور کہو۔

سبز رت کی دعا کروں کیونکر
جبکہ شوقِ بہار ہی نہ رہا
÷÷کیونکر کا استعمال غلط ہے
سبز رت کی دعا کروں بھی تو کیوں
کیسا رہے گا؟

جس میں دل کا زیاں ہوا راجا
اب کہ وہ کاروبار ہی نہ رہا
÷÷’ہوا‘ جی جگہ ’ہو‘ لانے کی کوشش کرو۔ جیسے
جس میں نقصان دل کا ہو راجا
یا
جس میں دل کا خسارہ ہو راجا
اپنا وہ کاروبار ہی نہ رہا

 

[ایم اے راجا]

بہت شکریہ سر جی

 

[ایم اے راجا]

استاد محترم الف عین صاحب اب دیکھیئے اس پرانی غزل کو

شوق کا اعتبار ہی نہ رہا
خود پہ اب اختیار ہی نہ رہا

وہ جودن تھے گذر گئے کب کے
اب ترا انتظار ہی نہ رہا

عمر بھر زخم ساتھ لے کے چلوں
درد سے اب وہ پیار ہی نہ رہا

سبز رت کی دعا کروں بھی تو کیوں
جبکہ شوقِ بہار ہی نہ رہا

جس میں دل کا خسارہو راجا
اپنا وہ کاروبار ہی نہ رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر مقطع میں جو میں نے ہوا استعمال کیا تھا اس سے یہ بتانے کی کو شش کی تھی کہ پہلے جس کاروبار میں خسارہ ہوا تھا اب وہ کاروبار نہیں ۔
جس میں دل کا زیاں ہوا راجا
اب کے وہ کاروبار ہی نہ رہا​

 

[الف عین]

اب درست ہے۔
مقطع میرے خیال میں یوں کر دو
جس میں نقصان دل کا ہو راجا
اب تو وہ کاروبار۔۔۔

 

[ایم اے راجا]

شوق کا اعتبار ہی نہ رہا
خود پہ اب اختیار ہی نہ رہا

وہ جودن تھے گذر گئے کب کے
اب ترا انتظار ہی نہ رہا

عمر بھر زخم ساتھ لے کے چلوں
درد سے اب وہ پیار ہی نہ رہا

سبز رت کی دعا کروں بھی تو کیوں
جبکہ شوقِ بہار ہی نہ رہا

جس میں نقصان دل کاہو راجا
اب تو وہ کاروبار ہی نہ رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
استاد محترم الف عین صاحب اگر مقطع کو یوں باندھوں تو ؟
جس میں نقصان دل کا تھا راجا
اب تو وہ کاروبار ہی نہ رہا​

 

[الف عین]

مقطع یہ بھی درست ہے۔
البتہ ایک اور خیال بعد میں آیا۔
زخم ساتھ لے کر چلنے کی جگہ ’زخم سینے سے لگا کر رکھوں‘ کسی طرح آ سکے تو مزا آ جائے۔

 

[شوکت پرویز]

راجا بھائی!
اگر زخم والا شعر نہ سوجھے تو نیچے قوسین کی عبارت کے رنگ کو سفید سے سیاہ کر کے دیکھ لیں۔
( زخم رکّھوں لگا کے سینے سے )

 

[ایم اے راجا]

راجا بھائی!
اگر زخم والا شعر نہ سوجھے تو نیچے قوسین کی عبارت کے رنگ کو سفید سے سیاہ کر کے دیکھ لیں۔
( زخم رکّھوں لگا کے سینے سے )

بہت شکریہ، بہت عمدہ

 

[ایم اے راجا]

شوق کا اعتبار ہی نہ رہا
خود پہ اب اختیار ہی نہ رہا

وہ جودن تھے گذر گئے کب کے
اب ترا انتظار ہی نہ رہا

زخم رکّھوں لگا کے سینے سے
درد سے اب وہ پیار ہی نہ رہا

سبز رت کی دعا کروں بھی تو کیوں
جبکہ شوقِ بہار ہی نہ رہا

جس میں نقصان دل کاتھا راجا
اب تو وہ کاروبار ہی نہ رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب دیکھیئے استاد محترم الف عین صاحب
جناب شوکت پرویز صاحب​

 

[الف عین]

دیکھو شعر کا حسن ’سینے سے لگانے‘ سے بڑھ گیا نا!!!