طارق شاہ
محفلین
غزل
مولانا حسرتؔ موہانی
شُکرِالطاف نہیں، شکوۂ بیداد نہیں
کُچھ ہَمَیں تیری تمنّا کے سِوا یاد نہیں
گیسوئے دوست کی خوشبُو ہے دوعالَم کی مُراد
آہ! وہ نِکہتِ برباد، کہ برباد نہیں
محوِ گُل ہیں یہ عنادل، کہ چَمن میں گویا
خوف گُلچِیں کا نہیں، خطرۂ صیّاد نہیں
جان کردی تھی کسی نے تِرے قدموں پہ نِثار
یہ بھی تُو بُھول گیا، یہ بھی تُجھے یاد نہیں
تُجھ سے، یا تیری محبّت سے اُسے کیا سَروکار
دِل جو ناکام نہیں، رُوح جو ناشاد نہیں
شِکوۂ چرخِ جَفا جُو سے گُزر کر جو کہے!
کُچھ تُجھے بھی یہ مجالِ لَبِ فریاد نہیں
قیدِ مذہب سے بھی کُچھ بڑھ کے ہے قیدِ غَمِ عِشق
حسرتؔ آزاد ہے کہنے ہی کو، آزاد نہیں
حسرتؔ موہانی
مولانا حسرتؔ موہانی
شُکرِالطاف نہیں، شکوۂ بیداد نہیں
کُچھ ہَمَیں تیری تمنّا کے سِوا یاد نہیں
گیسوئے دوست کی خوشبُو ہے دوعالَم کی مُراد
آہ! وہ نِکہتِ برباد، کہ برباد نہیں
محوِ گُل ہیں یہ عنادل، کہ چَمن میں گویا
خوف گُلچِیں کا نہیں، خطرۂ صیّاد نہیں
جان کردی تھی کسی نے تِرے قدموں پہ نِثار
یہ بھی تُو بُھول گیا، یہ بھی تُجھے یاد نہیں
تُجھ سے، یا تیری محبّت سے اُسے کیا سَروکار
دِل جو ناکام نہیں، رُوح جو ناشاد نہیں
شِکوۂ چرخِ جَفا جُو سے گُزر کر جو کہے!
کُچھ تُجھے بھی یہ مجالِ لَبِ فریاد نہیں
قیدِ مذہب سے بھی کُچھ بڑھ کے ہے قیدِ غَمِ عِشق
حسرتؔ آزاد ہے کہنے ہی کو، آزاد نہیں
حسرتؔ موہانی
