ابن انشا شہرِ دل کی گلیوں میں

[غدیر زھرا]

شہرِ دل کی گلیوں میں​

شام سے بھٹکتے ہیں​

​

چاند کے تمنائی!​

​

بے قرار سودائی​

دل گداز تاریکی​

​

روح جاں کو ڈستی یے​

روح و جاں میں بستی ہے​

شہرِ دل کی گلیوں میں​

​

تاک شب کی بیلوں پر​

شبنمیں سر شکوں کی​

بے قرار لوگوں نے​

بے شمار لوگوں نے​

یاد گار چھوڑی ہے​

اتنی بات تھوڑی ہے​

​

صد ہزار باتیں تھیں​

حیلۂ شکیبائی​

صورتوں کی زیبائی​

قامتوں کی رعنائی​

ان سیاہ راتوں میں​

ایک بھی نہ یاد آئی​

جا بجا بھٹکتے ہیں​

کس کی راہ تکتے ہیں​

​

چاند کے تمنائی​

​

یہ نگر کبھی پہلے​

اس قدر نہ ویراں تھا​

کہنے والے کہتے ہیں​

قریہ نگاراں تھا​

خیر اپنے جینے کا​

یہ بھی ایک ساماں تھا​

​

آج دل میں ویرانی​

ابر بن کے گھر آئی​

آج دل کو کیا کہیے​

با وفا نہ ہرجائی​

پھر بھی لوگ دیوانے​

آ گئے ہیں سمجھانے​

​

اپنی وحشت دل کے​

بن لیے ہیں افسانے​

خوش خیال دنیا نے​

گرمیاں تو جاتی ہیں​

وہ رتیں بھی آتیں ہیں​

جب ملول راتوں میں​

دوستوں کی باتوں میں​

جی نہ چین پائے گا​

اور اوب جائے گا​

آہٹوں سے گونجے گی​

شہرِ دل کی پہنائی​

اور چاند راتوں میں​

چاندنی کے شیدائی​

ہر بہانے نکلیں گے​

آزمانے نکلیں گے​

آرزو کی گہرائی​

ڈھونڈنے کو رسوائی​

سرد سرد راتوں کو​

زرد چاند بخشے گا​

بے حساب تنہائی​

بے حجاب تنہائی​

شہرِ دل کی گلیوں میں!​

​

( ابنِ انشاء )​

 

[عینی شاہ]

واہ بھئی واہ ۔۔کوئی حال نہی

 

[نایاب]

واہہہہ بہت خوب انتخاب
انشاء جی نے جو کہا خوب کہا ۔۔۔۔۔۔۔۔۔۔۔۔۔

 

[غدیر زھرا]

واہ بھئی واہ ۔۔کوئی حال نہی

ہاں ناں عینی کا کوئی حال نہیں ایسے دیتے ہیں داد ؟

 

[شوکت پرویز]

زبردست !!

 

[عینی شاہ]

ہاں ناں عینی کا کوئی حال نہیں ایسے دیتے ہیں داد ؟

تو اور کیا ایسے ہی تو مزا آتا ہے نا

 

[شوکت پرویز]

ہی بھی ایک ساماں تھا​

یہ بھی ایک ساماں تھا

آرزو کی گھرائی​

گہرائی

 

[سید شہزاد ناصر]

سدا بہار کلام
شریک محفل کرنے کا شکریہ
شاد و آبار رہیں

 

[غدیر زھرا]

واہہہہ بہت خوب انتخاب
انشاء جی نے جو کہا خوب کہا ۔۔۔ ۔۔۔ ۔۔۔ ۔۔۔ ۔

شکریہ بھیا

 

[غدیر زھرا]

زبردست !!

شکریہ سر

یہ بھی ایک ساماں تھا

گہرائی

اب تو اپنے الفاظ واپس لے لیں کہ میں نے مبالغہ آرائی کی تھی بہت شکریہ اغلاط کی نشاندہی کے لیے

 

[غدیر زھرا]

سدا بہار کلام
شریک محفل کرنے کا شکریہ
شاد و آبار رہیں

بہت شکریہ سر

 

[غدیر زھرا]

تو اور کیا ایسے ہی تو مزا آتا ہے نا

ہاں ناں چلو مان لیا جیسے مرضی ہے داد دو

(نوٹ: آخری دو لفظوں کو "دادو" نہ پڑھا جائے )

 

[فارقلیط رحمانی]

ہاں ناں عینی کا کوئی حال نہیں ایسے دیتے ہیں داد ؟

تو پھر کیسے دیتے ہیں؟
ایسا کیجیے۔ آج تو آپ عینی کو داد دینے کے آداب سکھا ہی دیجیے۔

 

[غدیر زھرا]

تو پھر کیسے دیتے ہیں؟
ایسا کیجیے۔ آج تو آپ عینی کو داد دینے کے آداب سکھا ہی دیجیے۔

وعلیکم السلام سر عینی کو داد دینا آپ سے ، نایاب بھیا یا سید شہزاد ناصر صاحب سے سیکھنی چاہیئے ۔ میں تو خود آداب نہیں جانتی داد دینے کے

 

[ماہی احمد]

زبردست

 

[غدیر زھرا]

زبردست

شکریہ بہنا

 

[عمر سیف]

بہت خوب ۔۔

 

[کاشفی]

بہت ہی عمدہ!

 

[غدیر زھرا]

بہت خوب ۔۔

بہت ہی عمدہ!

بہت شکریہ