شیطانیاں

[طارق شاہ]

An Other Manipulator
He manipulates public opinion in his favor, with his skillful writing
۔۔۔۔ love to lace his words with comic flavors not
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا میں تین قسم کے عاشق ہیں !

ایک وہ جو خود کو عاشق کہتے ہیں
دوسرے وہ جنھیں لوگ عاشق کہتے ہیں۔
اور تیسرے وہ جو عاشق ہوتے ہیں۔

میرا دوست " ف " کہتا ہے عاشق در اصل " آ شک " ہے کہ وہ اتنا محبوب سے پیار نہیں کرتا جتنا شک کرتا ہے۔
ہمارے ہاں جتنے بھی اچھے عاشق ملتے ہیں وہ کتابوں میں ہیں یا قبرستانوں میں۔
کامیاب عاشق وہ ہوتا ہے جو عشق میں ناکام ہو ، کیونکہ جو کامیاب ہو جائے وہ عاشق نہیں خاوند کہلاتا ہے۔

کہتے ہیں عاشق خوبصورت نہیں ہوتے ،
اس کی ایک وجہ تو یہ ہے کہ جو خوبصورت ہوتے ہیں وہ عاشق نہیں ہوتے ، لوگ ان پر عاشق ہوتے ہیں۔
عاشق ، شاعر اور پاگل ان تینوں پر اعتبار نہیں کرنا چاہیے ،
کیونکہ یہ خود کسی پر اعتبار نہیں کرتے۔ اس دنیا میں جس شخص کی بدولت عاشق کی تھوڑی بہت عزت ہے
وہ رقیب ہے جب رقیب نہیں رہتا تو اچھے خاصے عاشق اور محبوب میاں بیوی بن جاتے ہیں۔

از: شیطانیاں --- ڈاکٹر یونس بٹ

 

[طارق شاہ]

گمراه اور فاسق لوگوں میں بیٹھوگے تو گناہوں پر دلیر ھوجاؤ گے اور اوندھے منہ گرنا سیکھو گے ۔
عورتوں میں بیٹھوگے تو بناؤ سنگھار، کھانا پکانا اور غیبت سیکھوگے
بچوں میں بیٹھوگے تو غیرسنجیدگی اور بے تکی باتیں سیکھو گے -
بادشاہوں، امراء اور سرداروں میں بیٹھوگے تو تکبر، ٹوپی، پگھڑی لینا، اور لمبی لمبی چھوڑنا سیکھوگے..
تم فقیروں میں بیٹھا کرو گے توعاجزی، مانگنا اور بات بے بات دعائیں دینا سیکھوگے

داناؤں ، سمجھداروں اور چالاکوں میں بیٹھو گے تو چلم یا حقہ بھرنا، چائے بنانا
گردن جھکائے جی جی کرنا سیکھو گے

اور ہم جیسوں میں بیٹھو گے تو کچھ نہیں سیکھو گے ، کچھ بھی نہیں !

یعنی آپ کی شخصیت کسی آمیزش اور influence سے پاک ہی رہے گی

نازک دِلوں کو شرط ہے آتش خیالِ یار
شیشہ خُدا جو دے تو پری کو اُتاریے

 

[طارق شاہ]

ﻣُﻮﻧﭽﮭﯿﮟ ﺁﭖ ﮐﮯ ﺑُﺮﮮ ﻭﻗﺖ ﮐﯽ ﺳﺎﺗﮭﯽ ﮨﯿﮟ ، ﺁﭖ ﮐﺴﯽ ﮐﯽ ﮔﺮﺩﻥ ﻧﮩﯿﮟ ﻣﺮﻭﮌ ﺳﮑﺘﮯ ﺗﻮ ﺍﭘﻨﯽ ﻣﻮﻧﭽﮭﯿﮟ ﻣﺮﻭﮌ ﮐﺮ ﻏﺼﮧ ﻧﮑﺎﻝ ﺳﮑﺘﮯ ﮨﯿﮟ -
ﺁﭖ ﭘﺮﯾﺸﺎﻥ ﮨﯿﮟ ، ﮐﺴﯽ ﮐﺎ ﺍﻧﺘﻈﺎﺭ ﮐﺮ ﺭﮨﮯ ﮨﯿﮟ ﺗﻮ ﺍِﻥ ﭘﺮ ﮨﺎﺗﮫ ﭘﮭﯿﺮ ﮐﺮ ﻭﻗﺖ ﮔﺰﺍﺭ ﻟﯿﮟ -
ﺁﭖ ﮐﻮ ﺑﺎﻏﺒﺎﻧﯽ ﮐﺎ ﺷﻮﻕ ﮨﮯ ﺗﻮ ﻣُﻮﻧﭽﮭﻮﮞ ﮐﯽ ﭘﺮﻭﺭﺵ ﺍﻭﺭ ﮐﺎﻧﭧ ﭼﮭﺎﻧﭧ ﮐﺮ ﮐﮯ ﺍﭘﻨﺎ ﺷﻮﻕ ﭘﻮﺭﺍ ﮐﺮ ﺳﮑﺘﮯ ﮨﯿﮟ -
ﻣُﻮﻧﭽﮭﯿﮟ ﺗﻮ ﻣَﺮﺩﻭﮞ ﮐﺎ ﺍﯾﮑﺴﯿﻠﺮﯾﭩﺮ ﮨﯿﮟ ﺍِﺱ ﻟﺌﮯ ﻭﮦ ﻟﮍﻧﮯ ﺳﮯ ﭘﮩﻠﮯ ﻣﻮﻧﭽﮭﻮﮞ ﮐﻮ ﺑَﻞ ﺩﯾﺘﮯ ﮨﯿﮟ -
ﻣُﻮﻧﭽﮭﯿﮟ ﺗﺮﺍﺷﻨﺎ ﺩﺭ ﺍﺻﻞ ﺗﻮﺍﺯﻥ ﺑﺮﻗﺮﺍﺭ ﺭﮐﮭﻨﮯ ﮐﺎ ﻧﺎﻡ ﮨﮯ -
ﺩﻧﯿﺎ ﻣﯿﮟ ﭘﮩﻠﯽ ﮐﻠﯿﻦ ﺷﯿﻮ ﺍُﺱ ﺩﻥ ﮨُﻮﺋﯽ ﺟﺐ ﻣﻮﻧﭽﮭﯿﮟ ﺗﺮﺍﺷﻨﮯ ﻭﺍﻟﮯ ﺳﮯ ﺍﯾﮏ ﻣﻮﻧﭽﮫ ﭼﮭﻮﭨﯽ ﮨﻮ ﮔﺌﯽ ﺍﻭﺭ ﺩﻭﺳﺮﯼ ﺑﮍﯼ -
ﺑﮍﯼ ﮐﻮ ﭼﮭﻮﭨﯽ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﻮ ﭼﮭﻮﭨﯽ ﺑﮍﯼ ﮨﻮ ﮔﺌﯽ - ﺍﻭﺭ ﯾﻮﮞ ﮨﻮﺗﮯ ﮨﻮﺗﮯ ﮐﻠﯿﻦ ﺷﯿﻮ ﮨﻮ ﮔﺌﯽ -

ﺍﺯ ﮈﺍﮐﭩﺮ ﯾﻮﻧﺲ ﺑﭧ ﺷﯿﻄﺎﻧﯿﺎﮞ

 

[طارق شاہ]

ایگریکلچر یونیورسٹی کے پروفیسر نے جنگل میں ایک پرانے درخت کی طرف اِشارہ کرتے ہوئے طلبا سے کہا۔۔۔
"یہ دو سوسال پُرانا برگد کا درخت ہے، اگر اِس کی زبان ہوتی تو یہ نہ جانے کیا کہتا"۔

ایک چرواہا جو وہیں قریب ہی موجود تھا، اُس نے کہا" جناب یہ کہتا میں برگد نہیں پیپل کا درخت ہوں۔