صداقت نہ چھوڑنا ۔۔۔۔ برائے اصلاح

[ارشد چوہدری]

بحر ( مضارع مثمن اخرب مکفوف محذوف ) مفعول فاعلاتُ مفاعل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو خطرہ جان بھی تو صداقت نہ چھوڑنا
چاہے کہے جہاں بھی شرافت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انساں گناہگار ہے ہوں گے گناہ بھی
کرنا فخر نہ اور ندامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حق پر چلو تو لوگ سمجھتے ہیں نا سمجھ
لوگوں کی بات سُن کے دیانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا تو جانتی ہے خیانت کے سب ہُنر
چلنا کبھی نہ اس پہ امانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو سکے تو ظلم کو طاقت سے روک دو
ایسا نہ کر سکو تو ملامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد پڑھو درود نبی پر سدا ہی تم
جتنا بھی ہو سکے مگر یہ ہی عادت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

بحور کے نام تو مجھے بھی نہیں آتے بس افاعیل جانتا ہوں
ہو خطرہ جان بھی تو صداقت نہ چھوڑنا
چاہے کہے جہاں بھی شرافت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خطرہ جان اور چاہے کہے جہاں بے ربط ٹکڑے ہیں ۔ یوں ہو تو شاید وہی بات واضح ہو جو کہنا چاہتے ہیں
جاں کا خطر بھی ہو تو صداقت .....
ہو جائے چاہے کچھ بھی، شرافت......
انساں گناہگار ہے ہوں گے گناہ بھی
کرنا فخر نہ اور ندامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حق پر چلو تو لوگ سمجھتے ہیں نا سمجھ
لوگوں کی بات سُن کے دیانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا تو جانتی ہے خیانت کے سب ہُنر
چلنا کبھی نہ اس پہ امانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو سکے تو ظلم کو طاقت سے روک دو
ایسا نہ کر سکو تو ملامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد پڑھو درود نبی پر سدا ہی تم
جتنا بھی ہو سکے مگر یہ ہی عادت نہ چھوڑنا

 

[الف عین]

معذرت کہ ایک شعر کی اصلاح کے بعد ہی نہ جانے کیسے پوسٹ ہو گیا اور تدوین نہیں کر سکا

انساں گناہگار ہے ہوں گے گناہ بھی
کرنا فخر نہ اور ندامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فخر کا تلفظ خ پر جزم ہے 'کرنا نہ فخر' کیا جا سکتا ہے لیکن کس بات پر فخر ؟

حق پر چلو تو لوگ سمجھتے ہیں نا سمجھ
لوگوں کی بات سُن کے دیانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دیانت کا تعلق بھی پہلے مصرع سے سمجھ میں نہیں آتا

دنیا تو جانتی ہے خیانت کے سب ہُنر
چلنا کبھی نہ اس پہ امانت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع بھی بے ربط لگتا ہے دنیا کو دیکھ کر بھی امانت.....

ہو سکے تو ظلم کو طاقت سے روک دو
ایسا نہ کر سکو تو ملامت نہ چھوڑنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع میں شاید ٹائپو ہے 'گر' کی ضرورت ہے، دوسرے میں بھی 'بھی' سے بات واضح ہوتی ہے۔ یوں شاید درست ہو
مجبور بھی اگر ہو، ملامت.....
وضاحت کے لیے 'کم از کم' بھی ضروری ہے اگر آ سکے

ارشد پڑھو درود نبی پر سدا ہی تم
جتنا بھی ہو سکے مگر یہ ہی عادت نہ چھوڑنا
دوسرا مصرع بحر سے خارج
پہلا بھی اس طرح رواں ہو گا
ارشد پڑھو درود ہمیشہ نبی پہ تم
دوسرے کا متبادل سمجھ میں نہیں آیا ہے، سوچیے خود بھی