اقبال جہانگیر
محفلین
ڈان اردو تاریخ اشاعت 10 جولائ, 2014
تصویر بشکریہ ظاہر شاہ شیرازی۔
اسلام آباد: پاکستانی فوج کا جمعرات کے روز کہنا ہے کہ شمالی وزیرستان میں آپریشن ضرب عضب کا پہلا مرحلہ کامیابی سے مکمل کرلیا گیا ہے۔
ڈان نیوز کے مطابق ڈی جی آئی ایس پی آر عاصم باجوہ کا کہنا تھا کہ آپریشن کا 'فیز ون' مکمل کرلیا گیا جس کے دوران تقریباً 400 'دہشت گردوں' کو ہلاک کیا گیا جبکہ آپریشن سے قبل متعدد 'دہشت گرد' علاقہ چھوڑ کر فرار ہوگئے۔
تصویر بشکریہ ظاہر شاہ شیرازی
عاصم باجوہ کے مطابق ہلاک ہونےوالوں میں ازبک اورترکش دہشت گردوں کی بڑی تعداد شامل ہے۔
ان کا کہنا تھا کہ آپریشن کے دوران 23 ٹن دھماکا خیزمواد برآمد کیا گیا ہے جبکہ بم بنانے کی 11 فیکٹریاں بھی پکڑی گئی ہیں۔
ان کا مزید کہنا تھا کہ تحریک طالبان پاکستان (ٹی ٹی پی کے دہشت گرد افغانستان فرار ہوگئے ہیں۔
خیال رہے کہ فاٹا ڈیزاسٹر منیجمنٹ اتھارٹی ( ایف ڈی ایم اے) کے تازہ ترین اعداد و شمار کے مطابق شمالی وزیرستان سے نقلِ مکانی کرنے والے آئی ڈی پیز کی تعداد اب آٹھ لاکھ ہوچکی ہے۔
ایف ڈی ایم اے کا کہنا ہے کہ اب تک سات لاکھ ستاسی ہزار آٹھ سو اٹھاسی افراد کی رجسٹریشن کی جاچکی ہے۔
حکام کے مطابق ان افراد میں 62 ہزار چار سو ترانوے خاندان شامل ہیں۔
شمالی وزیرستان میں گزشتہ مہینے شروع ہونے والے فوجی آپریشن ضربِ عضب کے بعد سے متاثرہ بے گھر افراد کی ایک بڑی تعداد صوبہ خیبرپختونخوا کے مختلف اضلاع میں موجود ہے۔
یاد رہے کہ آپریشن ضربِ عضب کراچی ائیرپورٹ پر آٹھ جون کو ہونے والے دہشت گرد حملے کے ایک ہفتے بعد شروع کیا گیا تھا۔
اس واقعے کے دوران حملہ آوروں سمیت 35 سے زائد افراد مارے گئے تھے۔
http://urdu.dawn.com/news/1006908/
تصویر بشکریہ ظاہر شاہ شیرازی۔
اسلام آباد: پاکستانی فوج کا جمعرات کے روز کہنا ہے کہ شمالی وزیرستان میں آپریشن ضرب عضب کا پہلا مرحلہ کامیابی سے مکمل کرلیا گیا ہے۔
ڈان نیوز کے مطابق ڈی جی آئی ایس پی آر عاصم باجوہ کا کہنا تھا کہ آپریشن کا 'فیز ون' مکمل کرلیا گیا جس کے دوران تقریباً 400 'دہشت گردوں' کو ہلاک کیا گیا جبکہ آپریشن سے قبل متعدد 'دہشت گرد' علاقہ چھوڑ کر فرار ہوگئے۔
تصویر بشکریہ ظاہر شاہ شیرازی
عاصم باجوہ کے مطابق ہلاک ہونےوالوں میں ازبک اورترکش دہشت گردوں کی بڑی تعداد شامل ہے۔
ان کا کہنا تھا کہ آپریشن کے دوران 23 ٹن دھماکا خیزمواد برآمد کیا گیا ہے جبکہ بم بنانے کی 11 فیکٹریاں بھی پکڑی گئی ہیں۔
ان کا مزید کہنا تھا کہ تحریک طالبان پاکستان (ٹی ٹی پی کے دہشت گرد افغانستان فرار ہوگئے ہیں۔
خیال رہے کہ فاٹا ڈیزاسٹر منیجمنٹ اتھارٹی ( ایف ڈی ایم اے) کے تازہ ترین اعداد و شمار کے مطابق شمالی وزیرستان سے نقلِ مکانی کرنے والے آئی ڈی پیز کی تعداد اب آٹھ لاکھ ہوچکی ہے۔
ایف ڈی ایم اے کا کہنا ہے کہ اب تک سات لاکھ ستاسی ہزار آٹھ سو اٹھاسی افراد کی رجسٹریشن کی جاچکی ہے۔
حکام کے مطابق ان افراد میں 62 ہزار چار سو ترانوے خاندان شامل ہیں۔
شمالی وزیرستان میں گزشتہ مہینے شروع ہونے والے فوجی آپریشن ضربِ عضب کے بعد سے متاثرہ بے گھر افراد کی ایک بڑی تعداد صوبہ خیبرپختونخوا کے مختلف اضلاع میں موجود ہے۔
یاد رہے کہ آپریشن ضربِ عضب کراچی ائیرپورٹ پر آٹھ جون کو ہونے والے دہشت گرد حملے کے ایک ہفتے بعد شروع کیا گیا تھا۔
اس واقعے کے دوران حملہ آوروں سمیت 35 سے زائد افراد مارے گئے تھے۔
http://urdu.dawn.com/news/1006908/
