نورالحسن جوئیہ
محفلین
ظفر اقبال جدید غزل کے نمائندہ شاعر ہیں۔ایک اچھا شاعر شاعری تخلیق کرتے کے ساتھ ساتھ شعری زبان اور نئے رجحانات بھی تخلیق کرتا ہے۔ ظفر اقبال کی شاعری اس کا مدلل ثبوت ہے۔ ظفر اقبال نے زبان کی مروجہ اسالیب سے ہٹ کر اپنا رستہ بنایا ہوا ہے اور ان کی شاعری میں زبان سے بے تکلفی جابجا دیکھنے کو ملتی ہے جس نے ان کی شاعری کو لسانی تجربہ گاہ بنا دیا ہے۔ظفر اقبال کا شمار ان گنے چنے شعراء میں ہوتا ہے جن کا پہلا مسئلہ شاعری ہے۔ان کی کلیات 'اب تک' کی اب تک پانچ جلدیں شائع ہوچکی ہیں جس میں ہر جلد کم و بیش پانچ سے چھے شعری مجموعوں پر مشتمل ہے۔ اس کے علاوہ نثر کی کتاب 'لاتنقید' بھی منظرِ عام پر آچکی ہے۔
'اب تک' جلد دوم کے آخری شعری مجموعہ 'عیب و ہنر ' سے چند اشعار پیشِ خدمت ہیں
انتخاب : نور جوئیہ
کچھ نہ کچھ آثار رہ جاتے ہیں اُس کے جابجا
وہ یہاں سے جائے بھی تواِس قدر جاتا نہیں
مجھ سا بزدل جائے گا بزمِ عدو میں کیا ظفرؔ
میں تو مدت ہوگئی اپنے بھی گھر جاتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خیرات کا مجھے کچھ لالچ نہیں ظفرؔ
میں اس گلی میں صرف صدا کرنے آیاہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے ظفر سچ پوچھئے تو کامیابی عشق میں
سربسر جتنی بھی ہے ناکام رہ جانے میں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس شوخ پہ مرنا تو بڑی بات ہے لیکن
کہتے ہیں کہ اس عمر میں اچھا نہیں لگتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آخر کو اس غبار نے غائب کیا ہمیں
کس کاروبارِ خاک پہ اپنا اجارہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرق اتنا نہ سہی عشق و ہوس میں لیکن
میں تو مرجاؤں ترا رنگ بھی میلا کرکے
صاف شفاف بھی پانی کی طرح نیتِ دل
دیکھنے والے نے دیکھا اسے گدلا کرکے
مجھ سے چھڑوائے مرے سارے اصول اس نے ظفرؔ
کتنا چالاک تھا مارا مجھے تنہا کر کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلے میں مشکل میں تھا اس بے مروت کے طفیل
اور اب میرے سبب سے سارا گھر مشکل میں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر سارا ہی مرے گھر سے ترے گھر تک ہے
ایک دیوار نہیں ہے جسے میں ڈھا سکتا
ایسی ویسی کوئی امید نہ رکھنا مجھ سے
میں ترے ساتھ بہت دور نہیں جاسکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبت واجبی اچھی ہے ، اے دل!
اسے اعصاب پہ طاری نہ کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم خود خراب ہیں تو ہمارے لئے ظفرؔ
ساری خدائی سارا زمانہ خراب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خوش اخلاق تھا ، اس نے انکار بھی
کیا ہے ، ظفر ، مسکراتے ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جتنا ہنستے جانا ہے
اتنا پھنستے جانا ہے
اپنی راہ نکالیں کیا
رستے رستے جانا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ فتنہ خو ہم ایسے شریفوں کی بزم میں
موجود تو نہیں مگر ہونا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسائل اپنے اپنے تھے ، ضرورت اپنی اپنی تھی
نہ میں ممنون ہوں اس کا ، نہ وہ مشکور ہے میرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو برسوں میں ہوا کرتا تھا پہلے
یہاں برسوں سے اکثر ہورہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا تماشا ہے کہ صبح و شام رازِ آسماں
خاک پر کھلتا ہے لیکن سربسر کھلتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بند ہی رہنا تھا اس کے دل کا دروازہ کہ ، ہم
کھولتے تھے خود ہی اس جانب جدھر کھلتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چلو ، کچھ اس کی توجہ ادھر ہوئی تو سہی
وہ اب کی بار بہت بدگماں دکھائی دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواب سا آنکھوں میں رکھ کر اک تلاشِ رایگاں کا
جو کہیں ہوتا نہیں ہے اس کو اکثر ڈھونڈتے ہیں
جو کہیں باہر ہے اس کو کھوجتے ہیں جان و دل میں
جو چھپا بیٹھا ہے اندر اس کو باہر ڈھونڈتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر کافی نہیں جاں سے گزرنا
ہمارے پاس کرتب اور بھی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیاس رکھتی ہے تازہ دم مجھ کو
دھوپ میں اور لہلہاتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پناہ چاہتا ہوں اور ظلم توڑتے ہیں
زمیں سمجھتا ہوں اور آسماں نکلتا ہے
کچھ اعتبار کسی طرح کا نہیں باقی
یقیں کرتا ہوں جس کا ، گماں نکلتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے حصے کی ملاوٹ یہی کیا کم ہے کہ میں
شور میں شعر ملانے کے لئے زندہ ہوں
راس ہے سب کو مرے خون پسینے کی مہک
یعنی میں سارے گھرانے کے لئے زندہ ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کچھ ایسے ٹوٹتا ہے پیڑ سے پھل
کہ جیسے کوئی ناتا ٹوٹتا ہے
کچھ ایسے ٹوٹنا ہے اس دفعہ تو
کہ جیسے کوئی وعدہ ٹوٹتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ میری آگ ہے لیکن دھواں میرا نہیں ہے
بیاں میرا سہی رنگِ بیاں میرا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے مطلب کی ہے خاص
ہنس مکھ اور آوارہ سی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممکن ہے صد ہزار سُخن اس کی بزم میں
کرنے اور بات نہ کرنے کے درمیاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قریب آنے کی تمہید ایک یہ بھی رہی
وہ پہلے پہلے ذرا فاصلے سے گزرے گا
قصور وار نہیں پھر بھی چھپتا پھرتا ہوں
وہ میرے چور ہے اور سامنے سے گزرے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زباں کھینچی گئی جس بات پر حلقوم کی حد تک
ہمیں معلوم تھی وہ صرف نامعلوم کی حد تک
پسِ آواز بھی اک حشر برپا ہے ، اگر دیکھیں
وگرنہ آپ کی تو دوڑ ہے مفہوم کی حد تک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک فاصلہ رہتا ہے ، پانی سے روانی تک
دریائے ہوس میں بھی ، اک موج وفا کی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ فکر ہے تو اس کو کوئی شکل ہو عطا
تجویز ہے تو اس پہ عمل ہونا چاہیے
وہ دسترس سے دور سہی ، اس کے باوجود
یہ ہے دماغ ، اس میں خلل ہونا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
'اب تک' جلد دوم کے آخری شعری مجموعہ 'عیب و ہنر ' سے چند اشعار پیشِ خدمت ہیں
انتخاب : نور جوئیہ
کچھ نہ کچھ آثار رہ جاتے ہیں اُس کے جابجا
وہ یہاں سے جائے بھی تواِس قدر جاتا نہیں
مجھ سا بزدل جائے گا بزمِ عدو میں کیا ظفرؔ
میں تو مدت ہوگئی اپنے بھی گھر جاتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خیرات کا مجھے کچھ لالچ نہیں ظفرؔ
میں اس گلی میں صرف صدا کرنے آیاہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے ظفر سچ پوچھئے تو کامیابی عشق میں
سربسر جتنی بھی ہے ناکام رہ جانے میں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس شوخ پہ مرنا تو بڑی بات ہے لیکن
کہتے ہیں کہ اس عمر میں اچھا نہیں لگتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آخر کو اس غبار نے غائب کیا ہمیں
کس کاروبارِ خاک پہ اپنا اجارہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرق اتنا نہ سہی عشق و ہوس میں لیکن
میں تو مرجاؤں ترا رنگ بھی میلا کرکے
صاف شفاف بھی پانی کی طرح نیتِ دل
دیکھنے والے نے دیکھا اسے گدلا کرکے
مجھ سے چھڑوائے مرے سارے اصول اس نے ظفرؔ
کتنا چالاک تھا مارا مجھے تنہا کر کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلے میں مشکل میں تھا اس بے مروت کے طفیل
اور اب میرے سبب سے سارا گھر مشکل میں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر سارا ہی مرے گھر سے ترے گھر تک ہے
ایک دیوار نہیں ہے جسے میں ڈھا سکتا
ایسی ویسی کوئی امید نہ رکھنا مجھ سے
میں ترے ساتھ بہت دور نہیں جاسکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبت واجبی اچھی ہے ، اے دل!
اسے اعصاب پہ طاری نہ کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم خود خراب ہیں تو ہمارے لئے ظفرؔ
ساری خدائی سارا زمانہ خراب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خوش اخلاق تھا ، اس نے انکار بھی
کیا ہے ، ظفر ، مسکراتے ہوئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جتنا ہنستے جانا ہے
اتنا پھنستے جانا ہے
اپنی راہ نکالیں کیا
رستے رستے جانا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ فتنہ خو ہم ایسے شریفوں کی بزم میں
موجود تو نہیں مگر ہونا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسائل اپنے اپنے تھے ، ضرورت اپنی اپنی تھی
نہ میں ممنون ہوں اس کا ، نہ وہ مشکور ہے میرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو برسوں میں ہوا کرتا تھا پہلے
یہاں برسوں سے اکثر ہورہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا تماشا ہے کہ صبح و شام رازِ آسماں
خاک پر کھلتا ہے لیکن سربسر کھلتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بند ہی رہنا تھا اس کے دل کا دروازہ کہ ، ہم
کھولتے تھے خود ہی اس جانب جدھر کھلتا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چلو ، کچھ اس کی توجہ ادھر ہوئی تو سہی
وہ اب کی بار بہت بدگماں دکھائی دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواب سا آنکھوں میں رکھ کر اک تلاشِ رایگاں کا
جو کہیں ہوتا نہیں ہے اس کو اکثر ڈھونڈتے ہیں
جو کہیں باہر ہے اس کو کھوجتے ہیں جان و دل میں
جو چھپا بیٹھا ہے اندر اس کو باہر ڈھونڈتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر کافی نہیں جاں سے گزرنا
ہمارے پاس کرتب اور بھی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیاس رکھتی ہے تازہ دم مجھ کو
دھوپ میں اور لہلہاتا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پناہ چاہتا ہوں اور ظلم توڑتے ہیں
زمیں سمجھتا ہوں اور آسماں نکلتا ہے
کچھ اعتبار کسی طرح کا نہیں باقی
یقیں کرتا ہوں جس کا ، گماں نکلتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے حصے کی ملاوٹ یہی کیا کم ہے کہ میں
شور میں شعر ملانے کے لئے زندہ ہوں
راس ہے سب کو مرے خون پسینے کی مہک
یعنی میں سارے گھرانے کے لئے زندہ ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کچھ ایسے ٹوٹتا ہے پیڑ سے پھل
کہ جیسے کوئی ناتا ٹوٹتا ہے
کچھ ایسے ٹوٹنا ہے اس دفعہ تو
کہ جیسے کوئی وعدہ ٹوٹتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ میری آگ ہے لیکن دھواں میرا نہیں ہے
بیاں میرا سہی رنگِ بیاں میرا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے مطلب کی ہے خاص
ہنس مکھ اور آوارہ سی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممکن ہے صد ہزار سُخن اس کی بزم میں
کرنے اور بات نہ کرنے کے درمیاں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قریب آنے کی تمہید ایک یہ بھی رہی
وہ پہلے پہلے ذرا فاصلے سے گزرے گا
قصور وار نہیں پھر بھی چھپتا پھرتا ہوں
وہ میرے چور ہے اور سامنے سے گزرے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زباں کھینچی گئی جس بات پر حلقوم کی حد تک
ہمیں معلوم تھی وہ صرف نامعلوم کی حد تک
پسِ آواز بھی اک حشر برپا ہے ، اگر دیکھیں
وگرنہ آپ کی تو دوڑ ہے مفہوم کی حد تک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک فاصلہ رہتا ہے ، پانی سے روانی تک
دریائے ہوس میں بھی ، اک موج وفا کی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ فکر ہے تو اس کو کوئی شکل ہو عطا
تجویز ہے تو اس پہ عمل ہونا چاہیے
وہ دسترس سے دور سہی ، اس کے باوجود
یہ ہے دماغ ، اس میں خلل ہونا چاہیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آخری تدوین:
