ظہیر بھائی کا فن اور ہماری خوش قسمتی

[محمداحمد]

ہمیں کچھ عرصے پہلے ہی پتہ چلا کہ محفل کے ہر دلعزیز دوست اور باکمال شاعر جناب ظہیراحمدظہیر صاحب کیلیگرافی اور مصوری سے بھی شغف رکھتے ہیں۔ ناصرف شغف رکھتے ہیں بلکہ ید طولیٰ بھی رکھتے ہیں۔

ہماری خوش قسمتی دیکھیے کہ ظہیر بھائی نے اپنے ہاتھ سے ہمارا نام لکھا اور اسے کیا ہی خوب سجایا۔ مزید یہ کہ اُسے گرافک سوفٹویر کی مدد سے رنگوں سے رنگ دیا۔

اللہ کرے زورِ قلم اور زیادہ

ہم ظہیر بھائی کا شکریہ ہرگز ادا نہیں کریں گے کہ ہم چاہیں بھی تو کرنہیں سکتے۔

حسابِ دوستاں درِ دل

​

 

[ابن توقیر]

بہترین، لاجواب

 

[محمد تابش صدیقی]

لاجواب۔
دیدہ زیب آرٹ ہیں۔

 

[محمد وارث]

لاجواب!

 

[یوسف سلطان]

خوبصورت ہیں سب مگر آخری تین زیادہ پسند آئیں

 

[راحیل فاروق]

اس خوش خطی پہ کون نہ مر جائے اے خدا!​

 

[رابطہ]

نہایت عمدہ کام

 

[arifkarim]

دھاگہ خطاطی و ٹائپوگرافی میں منتقل کر دیں

 

[ظہیراحمدظہیر]

بہت بہت شکریہ احمد بھائی ہماری ٹامک ٹوئیوں کو شاملِ محفل کرنے کا ۔ یہ تو اس حقیر کا نذرانہء انسیت تھا آپ کی نستعلیق شخصیت کیلئے کہ جومحبتوں سے اور اقدار و روایات سے بھرپور شخصیت ہے اور جس کی گلکاریاں محفل پر جابجا نظر آتی ہیں۔ اس لڑی کے عنوان میں فن کا لفظ جو استعمال ہواہے وہ میرے نزدیک انگریزی کا ہے۔ خط کشی اور خاکہ کشی میرے لئے ہمیشہ ہی سے باعث ِ حظ اور سکون بخش مشغلہ رہےہیں ۔ جب کبھی ذہنی تھکن ہو یا بوریت ہو تو اپنی اسکیچ بک ہی میں پناہ ڈھونڈتا ہوں ۔ جیسا کہ آپ کو بتایا تھا کہ یہ عام نب والے پین سے لکھے ہیں ۔ باقی سارا کمال تو عرفان ویو کا ہے ۔ البتہ بیل بوٹوں والا طغرہ سارے کا سارا پین سے بنایا ہے ۔ خطِ نستعلیق لکھ کر الفاظ کے اندر پھول پتیاں وغیرہ بنادی جائیں تو اسے خطِ بہاری کہاجاتا ہے ۔ اب تو خطِ بہاری کوئی نہیں لکھتا ۔ صرف عجائب گھروں یا کتب میں اس کےنمونے ملتے ہیں ۔ قدیم زمانے میں جب خطاط حضرات خطِ بہاری کی وصلیاں بنایا کرتے تھے تو پہلے بالکل ہی پھیکی روشنائی سے (خطاطی کے) قلم سے متن لکھ لیا کرتے تھے ۔ اور پھر نوکیلے قلم کی مدد سے ان الفاظ کے اندر سیاہی یا مختلف رنگوں سے نقش و نگار بنا دیا کرتے تھے ۔ لیکن میں دو پینسلیں باہم ملا کر پہلے نستعلیق میں آؤٹ لائن لکھتا ہوں اور پھر بقیہ سارا کام عام پین سے ۔ چونکہ روایت پسند ہوں اس لئے ایسے ہی الٹے سیدھے ’’بے فضول کام ‘‘ کرتا رہتا ہوں ۔ احمد بھائی آپ کی محبت ہے کہ انہیں پسند کیا اور پھر سب کے ساتھ شیئر کیا ۔ ان تمام احباب کا بھی بہت بہت بہت شکریہ کہ جنہوں نے پسندیدگی کا اظہار کیا اور حوصلہ افزائی فرمائی ۔

پس نوشت: ایک بات لکھنا بھول گیا اور وہ یہ کہ خط بہاری کو خطِ گلزار بھی کہا جاتا ہے ۔ ارژنگِ چین میں اس خط کا یہی نام مذکور ہے ۔​

 

[عاطف ملک]

بہت بہت شکریہ احمد بھائی ہماری ٹامک ٹوئیوں کو شاملِ محفل کرنے کا ...........
.......... میں دو پینسلیں باہم ملا کر پہلے نستعلیق میں آؤٹ لائن لکھتا ہوں اور پھر بقیہ سارا کام عام پین سے ۔ چونکہ روایت پسند ہوں اس لئے ایسے ہی الٹے سیدھے ’’بے فضول کام ‘‘ کرتا رہتا ہوں ۔​

خدارا! ایسے "بے فضول کام" کرتے رہا کریں
ماشااللہ بہت ہی خوبصورت ہیں سب کے سبظہیراحمدظہیر بھائی!

 

[اے خان]

لاجواب!!

 

[الف عین]

ماشاء اللہ۔ اگر یہ بے فضول کام ہیں تو فضول کام کیسا ہو گا؟

 

[لئیق احمد]

کمال کر دیا جناب

 

[محمداحمد]

بہت بہت شکریہ احمد بھائی ہماری ٹامک ٹوئیوں کو شاملِ محفل کرنے کا ۔ یہ تو اس حقیر کا نذرانہء انسیت تھا آپ کی نستعلیق شخصیت کیلئے کہ جومحبتوں سے اور اقدار و روایات سے بھرپور شخصیت ہے اور جس کی گلکاریاں محفل پر جابجا نظر آتی ہیں۔ اس لڑی کے عنوان میں فن کا لفظ جو استعمال ہواہے وہ میرے نزدیک انگریزی کا ہے۔

انگریزی والے فن میں فن کار کی انکساری ہے اور اردو والے فن میں مداحوں کا کمالِ فن کا اعتراف

خط کشی اور خاکہ کشی میرے لئے ہمیشہ ہی سے باعث ِ حظ اور سکون بخش مشغلہ رہےہیں ۔ جب کبھی ذہنی تھکن ہو یا بوریت ہو تو اپنی اسکیچ بک ہی میں پناہ ڈھونڈتا ہوں ۔

بڑے لوگوں کی بڑی باتیں۔۔۔!

جیسا کہ آپ کو بتایا تھا کہ یہ عام نب والے پین سے لکھے ہیں ۔ باقی سارا کمال تو عرفان ویو کا ہے ۔ البتہ بیل بوٹوں والا طغرہ سارے کا سارا پین سے بنایا ہے ۔ خطِ نستعلیق لکھ کر الفاظ کے اندر پھول پتیاں وغیرہ بنادی جائیں تو اسے خطِ بہاری کہاجاتا ہے ۔ اب تو خطِ بہاری کوئی نہیں لکھتا ۔ صرف عجائب گھروں یا کتب میں اس کےنمونے ملتے ہیں ۔ قدیم زمانے میں جب خطاط حضرات خطِ بہاری کی وصلیاں بنایا کرتے تھے تو پہلے بالکل ہی پھیکی روشنائی سے (خطاطی کے) قلم سے متن لکھ لیا کرتے تھے ۔ اور پھر نوکیلے قلم کی مدد سے ان الفاظ کے اندر سیاہی یا مختلف رنگوں سے نقش و نگار بنا دیا کرتے تھے ۔ لیکن میں دو پینسلیں باہم ملا کر پہلے نستعلیق میں آؤٹ لائن لکھتا ہوں اور پھر بقیہ سارا کام عام پین سے ۔

ماشاءاللہ۔ بہت خوب بنایا ہے اور یہ گل بوٹے تو بہت ہی اعلیٰ ہیں۔

چونکہ روایت پسند ہوں اس لئے ایسے ہی الٹے سیدھے ’’بے فضول کام ‘‘ کرتا رہتا ہوں ۔

روایت پسند ہیں جبھی تو عرفان ویو پر کام کرتے ہیں۔

سرگوشی

اردو نام کی وجہ سے کہہ رہا ہوں۔

احمد بھائی آپ کی محبت ہے کہ انہیں پسند کیا اور پھر سب کے ساتھ شیئر کیا ۔ ان تمام احباب کا بھی بہت بہت بہت شکریہ کہ جنہوں نے پسندیدگی کا اظہار کیا اور حوصلہ افزائی فرمائی ۔

پس نوشت: ایک بات لکھنا بھول گیا اور وہ یہ کہ خط بہاری کو خطِ گلزار بھی کہا جاتا ہے ۔ ارژنگِ چین میں اس خط کا یہی نام مذکور ہے ۔

معلوماتی۔

 

[محمداحمد]

باقی تمام احباب کا بھی بے حد شکریہ۔

 

[arifkarim]

یہ بھی ڈی پی میں اچھی لگے گی

 

[جاسمن]

یہ بے فضول فن پارے خوبصورت ترین ہیں۔
خوبصورت مشغلے ہیں ظہیر بھائی آپ کے۔
اور احمد بھائی کی اپنی ممنونیت ظاہر کرنے کی یہ اچھی عادت ہے ۔

 

[محمد شعیب]

واقعی لاجواب!

 

[محمداحمد]

یہ بے فضول فن پارے خوبصورت ترین ہیں۔
خوبصورت مشغلے ہیں ظہیر بھائی آپ کے۔

بلاشبہ!

بہت شکریہ!

 

[آورکزئی]

ماشاء اللہ ۔۔۔۔۔۔۔۔۔۔۔ بہت ہی خوبصورت اور دیدہ زیب۔۔۔۔
اللہ تعالیٰ موصوف کے علم میں مزید اضافہ فرمائیں۔۔۔۔۔۔آمین
بہت بہت شکریہ اشتراک کے لیے۔۔
خوش رہیں