عجب کچھ واہموں میں گِھر گئے ہیں۔ نزہت عباسی

[عمران خان]

عجب کچھ واہموں میں گِھر گئے ہیں​

بہت سے دُشمنوں میں گِھر گئے ہیں​

تلاشِ ذات بھی باقی نہیں ہے!!​

انا کے بُت کدوں میں گِھر گئے ہیں​

سیاست دُور تک پھیلی ہوئی ہے​

گھروں کی سازشوں میں گِھر گئے ہیں​

سفینے آ ملے ساحل سے لیکن!!​

ہوا کے راستوں میں گِھر گئے ہیں​

خِرد کی منزلیں طے کر چکے جب​

جُنوں کے مرحلوں میں گِھر گئے ہیں​

بہت مختار ہو کے ہم نے دیکھا!!​

بہت مجبُوریوں میں گِھر گئے ہیں​

نہیں کہہ سکتے ہم دُشمن بھی جن کو​

کچھ ایسے دوستوں میں گِھر گئے ہیں​

​

​

​

 

[سید زبیر]

واہ بہت خوب

نہیں کہہ سکتے ہم دُشمن بھی جن کو​

کچھ ایسے دوستوں میں گِھر گئے ہیں​

 

[محمداحمد]

نہیں کہہ سکتے ہم دُشمن بھی جن کو
کچھ ایسے دوستوں میں گِھر گئے ہیں

واہ۔۔۔۔۔۔۔۔۔۔۔! لاجواب