عذرا ناز: شاید کے میرے پاس تدبر کی کمی تھی

[بھلکڑ]

شاید کے میرے پاس تدبر کی کمی تھی​

یا میرے مقدر پہ کوئی راکھ جمی تھی​

​

پھر تم نے میری زیست میں ہلچل سی مچا دی​

مشکل سے تو حالات کی رفتار تھمی تھی​

​

حالات نے جب مجھ کو بنا ڈالا تھا پتھر ​

پھر میرے لئیے کوئی خوشی تھی نہ غمی تھی
​

اب کیسے کہیں کیسا تھا وہ ضبط کا عالم​

ہونٹو ں پہ تبسم تھا تو آنکھوں میں نمی تھی​

​

یا اُس کے ارادوں میں کوئی کھوٹ تھا عذرا ​

یا میری محبت میں کہیں کوئی کمی تھی​

​

( عذرا ناز )​

 

[تلمیذ]

واہ، ان کا تو اردو کلام بھی بہت معیاری ہے۔ شراکت کا شکریہ۔
آپ نے ان کی پنجابی کی کوئی چیز کافی دنوں سےپوسٹ نہیں کی۔

 

[سید زبیر]

بہت خوب​

​

اب کیسے کہیں کیسا تھا وہ ضبط کا عالم​

ہونٹو ں پہ تبسم تھا تو آنکھوں میں نمی تھی​

​