عذرا ناز :کیہہ پچھدے او حال اساڈا کلم کلے رہ گئے آں

[بھلکڑ]

کیہہ پچھدے او حال اساڈا کلم کلے رہ گئے آں

کیہہ پچھدے او حال اساڈا کلم کلے رہ گئے آں
سرِ تے آ گئی شام غماں دی دل نوں پھڑ کے بہہ گئے آں

معاف کریں نیںٔ ہوش ٹھکانے جگ نے کملی کیتا اے
خورے کیہہ کہنا سی تینوں،خورے کیہہ کجھ کہہ گئے آں

ویلے مٹی وانگر ڈھایا کنے ہی شہ زوراں نوں
ساڈی کیہہ اوقات سی ایتھے،ڈھیری وانگوں ڈھے گئے آں

سانوں جس تے مان بڑا سی ودھ کے ساری دنیا توں
اوہنے وی اج کہہ دِتا اے،اوہدے دِل توں لہہ گئے آں

پیار دی خاطر کیہڑا صدمہ اپنے دِل تے جھلیا نیںٔ ؟
پیار دی راہ وچ جو وی آیا ،اوہدے نال ای کھہہ گئے آں

سانوں صبر کرن دی عادت عذراؔ مار مکایا اے
قسمت نے جو دکھ دِتے سن چپ کر کے ای سہہ گئے آں

(عذرا ناز)​

 

[بھلکڑ]

تلمیذ سر سید زبیر سر فلک شیر سر نیرنگ خیال بھائی باباجی سید شہزاد ناصر محمود احمد غزنوی

 

[تلمیذ]

بہت ای ودھیا۔
بڑے چر پچھوں عذرا ناز ہوراں دا کلام رلتی کیتا جے۔ کِتھے رہ گئے ساؤ، سرکار؟

 

[شمشاد]

ودھیا کلام ہے۔ پر اے دسو کہ تہانوں

کیہہ پچھدے او حال اساڈا کلم کلے رہ گئے آں
سرِ تے آ گئی شام غماں دی دل نوں پھڑ کے بہہ گئے آں

اے جہی شاعری کیوں پسند اے؟

 

[نیرنگ خیال]

واہ۔۔۔۔ بوت ودیا کلام سرکار۔۔۔۔ چس آگئی۔۔۔ وسدا رہ۔۔۔۔

 

[ثامر شعور]

بہت ودھیا کلام

ویلے مٹی وانگر ڈھایا کنے ہی شہ زوراں نوں
ساڈی کیہہ اوقات سی ایتھے،ڈھیری وانگوں ڈھے گئے آں

واہ

 

[سید زبیر]

جیوندے رہویں تے سدا سکھی رہویں یار@بھلکڑ ۔ سوہنا کلام
ویلے مٹی وانگر ڈھایا کنے ہی شہ زوراں نوں
ساڈی کیہہ اوقات سی ایتھے،ڈھیری وانگوں ڈھے گئے آں

 

[نایاب]

بہوں سوہنا کلام ،،،
ڈھیر دعاواں

 

[بھلکڑ]

بہت ای ودھیا۔
بڑے چر پچھوں عذرا ناز ہوراں دا کلام رلتی کیتا جے۔ کِتھے رہ گئے ساؤ، سرکار؟

بس جی ازلی کاہلی

ودھیا کلام ہے۔ پر اے دسو کہ تہانوں
اے جہی شاعری کیوں پسند اے؟

پسند دا کیہہ اے ۔جتھے مرضی ، جو مرضی آجائے !

واہ۔۔۔ ۔ بوت ودیا کلام سرکار۔۔۔ ۔ چس آگئی۔۔۔ وسدا رہ۔۔۔ ۔

د

بہت ودھیا کلام
واہ

جناب!

جیوندے رہویں تے سدا سکھی رہویں یار@بھلکڑ ۔ سوہنا کلام
ویلے مٹی وانگر ڈھایا کنے ہی شہ زوراں نوں
ساڈی کیہہ اوقات سی ایتھے،ڈھیری وانگوں ڈھے گئے آں

شکریہ سر جی!

بہوں سوہنا کلام ،،،
ڈھیر دعاواں