متفق۔
یہاں ایک صراحت کی ضرورت ہے ، مضاف پر عامل کے مطابق اعراب آتا ہے ، جبکہ مضاف الیہ ہمیشہ مجرور ہوتا ہے۔
ترجمہ ٹھیک ہے لیکن با محاورہ نہیں ۔
یہاں ترجمہ درست ہے ،مگر "تمہاری" کا لفظ زیادہ ہے۔تذکر کا تلفظ تَفَعَّل ہے۔ذکر اور تذکر کے معنی وسیع ہیں ۔کہیں ذکر کرنے کہیں یاد کرنے کہیں یاد دلانے کہیں نصیحت و مشورہ بھی ہوتے ہیں ۔ یہاں یاد دلانے کے معنی مناسب لگ رہے ہیں ۔تفعّل کا امر فعّل بھی استعمال ہو تا ہے۔چناں چہ۔ ذکّرنی۔مجھ یاد دلانا ۔بھی ہو سکتا ہے۔ آپ نے گفتگو میں تفضّل کو فضّل اکثر سنا ہوگا۔اس کے استعمال میں کچھ ورائٹی ہے ۔واللہ اعلم۔
یہ تو اچھی بات ہے کہ آپ کا شوق جاگ گیا ہے۔
توجہ کے لءے شکر گذار ہوں بھاءی جان ۔
ایک عرب اہلِ زباں نے مجھے یہاں ان دونوں کے درمیان یہ فرق بتایا ہے کہ ذَکَرَ کا بنیادی مطلب 'ذہن میں لانا، ذکر کرنا، اشارہ کرنا اور پکارنا' ہے جبکہ تَذَكَّرَ کا مطلب 'یاد کرنا، یاد ہونا، یاد رکھنا، ذہن میں رکھنا، سوچنا، کسی شے کے بارے میں سوچنا' ہے۔ معاملہ اب کچھ کچھ صاف ہوا ہے، لیکن تھوڑی بہت الجھن ابھی بھی موجود ہے۔ بہر حال، اگر سیکھنے کا عمل جاری رہے گا تو انشاءاللہ اس طرح کی تمام چھوٹی بڑی الجھنیں حل ہوتی رہیں گی۔
شکریہ عاطف بھائی۔ بہت عمدہ درسی تقریریں ہیں۔
لفظی طور پر تو" آپ کے پاس آتی ہیں" ۔ محاوراتی طور پر" آپ کو ملتی ہیں" یا میسّر آتی ہیں ہو گا۔واللہ اعلم
باب ’’تفعل‘‘۔ ثلاثی مزید فیہ کے ابواب میں سے چوتھا باب ہے۔ افعال، تفعیل مفاعلہ، تفعل، جس میں دو حروف زیادہ کیے جاتے ہیں۔ دو حروف کے اضافے کے ساتھ یہ ثلاثی مزید فیہ کے ابواب: تفعل، تفاعل، افتعال، انفعال۔ ہیں۔
جہاں تک مجھے یاد پڑتا ہے، کہ مدت ہو گئی عربی کے قواعد دیکھے، عربی میں کچھ اسما ایسے ہیں کہ جو کبھی بھی جری حالت میں نہیں آتے، جیسے مُوسیٰ عیسیٰ وغیرہ، ہو سکتا ہے یہ فرعون بھی انہی اسما میں سے ہو۔
اس میں تمام غیر عرب اسماء بھی آتے ہیں مثلا۔۔۔ ابراہیم اسمعیل اسحق وغیرہ یہ مجرور تو ہوتے ہیں مگر مکسور نہیں۔ ان کی جری حالت یہی ہوتی ہے۔ واللہ اعلم
