فونٹ عربی کا ایک نیا فانٹ (عطاری کوفی منقش فانٹ)

[arifkarim]

عطاری بھائی ایک لمبا عرصہ سے غائب ہیں۔ امید ہے جلد واپس آجائیں گے!

 

[فاتح]

جیسا کہ میں نے اپنے سابقہ مراسلے میں بھی لکھا تھا کہ اس فونٹ میں دو چار اشکال میں ابھی بہتری کی گنجائش ہے۔ چند ایک تبدیلیوں کے لیے گزارشات درج ہیں:
1۔ ے کی شکل میں بہتری۔ اس کے لیے مائکروسافٹ کے بنائے ہوئے کوفی فونٹ، جسے "اولڈ اینٹک" کا نام دیا گیا تھا، میں 'ے' کی شکل دیکھ کر بہتری لائی جا سکتی ہے۔ ایک صورت یہ بھی ہو سکتی ہے کہ اسی عطاری کوفی منقش میں شامل ک کو الٹ کر بھی ے بنائی جا سکتی ہے۔ مثلاً

​

2۔ ہ کی علیحدہ ابتدائی، درمیانی اور آخری اشکال جو ھ کی اشکال سے مختلف ہوں۔ مائکروسافٹ کے "اولڈ اینٹک" میں ہ اور ھ کی تمام اشکال ایک دوسرے سے مختلف ہیں اور وہاں سے رہنمائی لی جا سکتی ہے۔
3۔ اس فونٹ میں ج اور چ کے لیے ایک جب کہ ح اور خ کے لیے دوسری قسم کی اشکال دی گئی ہیں۔ یہاں بھی چاروں اشکال کے لیے ایک ہی قسم کی شکل دی جائے تو بہتر ہے۔ مائکرو سافٹ کے اولڈ اینٹک میں ان چاروں کے لیے ایک ہی شکل دی گئی ہے۔
4۔ ر، ڑ، ز اور ژ کی اشکال فونٹ کی باقی اشکال سے میل کھاتی نظر نہیں آتیں۔ شاید یہی درست ہوں مگر میں فونٹس اور ان کی اشکال کی ٹیکنیکل صورتوں پر بحث نہیں کر سکتا بلکہ محض ایک عام صارف کی حیثیت سے دیکھ رہا ہوں۔
ذیل میں عطاری کوفی منقش اور مائکروسافٹ اولڈ اینٹک ڈیکوریٹِو کے سکرین شاٹ لگا رہا ہوں:

​

اس کے علاوہ ایک سوال بھی ہے کہ کیا کسی طور یہ ممکن ہے کہ دورانِ تحریر جہاں بھی الف اور لام اکٹھا لکھیں وہاں ال کے ڈنڈے آپس میں بل کھائے ہوئے ہوں؟ بطور مثال ثقال کوفی کے اس سکرین شاٹ میں دوسری اور تیسری شکل ملاحظہ ہو:

​

اب جب کہ ماشاء اللہ نسخ اردو خطوط بنانے والے کافی احباب اس فن میں مہارت حاصل کرتے جا رہے ہیں اور فونٹس کے حوالے سے بھی اردو کا دامن وسیع سے وسیع تر ہوتا چلا جاتا ہے تو کوفی خط کے سلسلے میں اگر عویدص صاحب فی الوقت عدیم الفرصتی کا شکار ہیں تو اس کارِ خیر میں اشتیاق صاحب یا مصطفیٰ صاحب جیسے احباب سے اعانت کی درخواست ہے۔

 

[عادل سومرو]

اس فانٹ کو استعمال کرنے کیلئے کس لائسنس کے تحت جاری کیا گیا؟

 

[باسم]

آپ نے اپنی ایپ میں ڈالنا ہے؟

 

[عادل سومرو]

جی بالکل۔

 

[باسم]

اس شرط پر اجازت ملے گی اردو ایڈیٹر اینڈڈرائڈ کیلیے بھی بنائیں

 

[عادل سومرو]

اس شرط پر اجازت ملے گی اردو ایڈیٹر اینڈڈرائڈ کیلیے بھی بنائیں

جی باسم بھائی، وہ بھی بن رہا ہے، یوں سمجھ لیں کہ اب ڈی بگنگ اور تزئین و آرائش ہو رہی ہے۔

 

[محمد تابش صدیقی]

جی باسم بھائی، وہ بھی بن رہا ہے، یوں سمجھ لیں کہ اب ڈی بگنگ اور تزئین و آرائش ہو رہی ہے۔

ماشاء اللہ.
منتظر رہیں گے.
اپنا تعارف بھی کروا دیں تعارف کے زمرہ میں.

 

[عادل سومرو]

ماشاء اللہ.
منتظر رہیں گے.
اپنا تعارف بھی کروا دیں تعارف کے زمرہ میں.

جی تابش بھائی، تعارفی زمرہ ڈال دیا ہے۔ توجہ دلانے کا شکریہ۔