مکی
معطل
بسم اللہ الرحمن الرحیم
کچھ دیر پہلے آئی آر سی پر عرب آئیز کے چینل پر آن لائن ہوا تو خالد حسنی صاحب نے فوراً دھر لیا.. کہنے لگے کہ ‘کنت ادور علیک بشمعہ’ یعنی وہ مجھے موم بتی لے کر تلاش کر رہے تھے.. شکایت کرنے لگے کہ آتے ہو اور فوراً آف لائن چلے جاتے ہو.. اب کیا بتاتا کہ انٹرنیٹ کی کیا صورتحال ہے.. وجہ پوچھنے پر انہوں نے بتایا کہ وہ مجھے ایک فونٹ ٹیسٹ کرنے کے سلسلے میں تلاش کر رہے تھے.. ظاہر سی بات تھی کہ اگر مجھے کسی فونٹ کو ٹیسٹ کرنے کے لیے تلاش کیا جارہا ہو تو لازمی بات ہے کہ اس میں اردو سپورٹ ہوگی.. چنانچہ فوراً اردو کی بابت استفسار کیا تو اپنا شبہ درست پایا.. انہوں نے فوراً فونٹ کا ربط دیا اور میں نے اتار کر فوراً اسے ٹیسٹ کیا.. فونٹ نسخ ہی ہے اور شہرزاد نامی ایک فونٹ سے تیار کیا گیا ہے، فونٹ میں ایک خامی جو میں نے نوٹ کی ہے وہ یہ ہے کہ بڑی ‘ھ’ کے بعد جو بھی حرف لگایا جائے کچھ تھوڑا سا خلا سا محسوس ہوتا ہے جیسے ٹوٹا لگایا گیا ہو جو میں نے انہیں مطلع کردیا.. ان کا کہنا تھا کہ یہ ابھی بیٹا مراحل میں ہے اور مجھے اور اردو کمیونٹی کے حوالے کرنے کا مقصد یہی ہے کہ اسے ٹیسٹ کرکے انہیں خامیوں سے مطلع کیا جائے تاکہ انہیں دور کیا جاسکے..
یہ فونٹ عرب آئیز کے پراجیکٹس کے تحت جاری کیا جائے گا، اور جیسا کہ سب جانتے ہیں کہ عرب آئیز کے فونٹ انتہائی پروفیشنل انداز میں بنائے جاتے ہیں اور لینکس کے اکثر پراجیکٹس کا حصہ ہوتے ہیں، عرب آیز والوں نے کچھ عرصہ پہلے یہ خواہش ظاہر کی تھی کہ وہ اپنے موجودہ فونٹس میں بھی اردو کی سپورٹ شامل کرنا چاہتے ہیں، اس کا فائدہ نہ صرف لینکس میں اردو ورڈ پراسیسنگ کو ہوگا بلکہ لینکس میں اردو اطلاقیوں میں درست اردو ظاہر کرنے کے لیے ان فونٹس سے استفادہ کیا جاسکے گا اور ونڈوز کے فونٹس کی ضرورت باقی نہیں رہے گی..
فی الحال یہ فونٹ عرب آئیز کی طرف سے اردو کمیونٹی کو بیٹا ٹیسٹنگ کے لیے پیش ہے جس کا نام عربی میں ‘نسخ مبسط’ اور اردو میں ‘نسخ سادہ’ رکھا جائے گا.. اچھی بات یہ ہے کہ اس فونٹ سے عربی لکھتے وقت قطعی محسوس نہیں ہوتا کہ اس میں اردو کا بھی کوئی حرف ہے، اور اردو لکھتے وقت قطعی محسوس نہیں ہوتا کہ اس میں عربی بھی ہے..
فونٹ کا ایک نمونہ:
فونٹ اٹیچمنٹ سے اتار لیں..
بلاگ میں پوسٹ
واللہ الموفق
کچھ دیر پہلے آئی آر سی پر عرب آئیز کے چینل پر آن لائن ہوا تو خالد حسنی صاحب نے فوراً دھر لیا.. کہنے لگے کہ ‘کنت ادور علیک بشمعہ’ یعنی وہ مجھے موم بتی لے کر تلاش کر رہے تھے.. شکایت کرنے لگے کہ آتے ہو اور فوراً آف لائن چلے جاتے ہو.. اب کیا بتاتا کہ انٹرنیٹ کی کیا صورتحال ہے.. وجہ پوچھنے پر انہوں نے بتایا کہ وہ مجھے ایک فونٹ ٹیسٹ کرنے کے سلسلے میں تلاش کر رہے تھے.. ظاہر سی بات تھی کہ اگر مجھے کسی فونٹ کو ٹیسٹ کرنے کے لیے تلاش کیا جارہا ہو تو لازمی بات ہے کہ اس میں اردو سپورٹ ہوگی.. چنانچہ فوراً اردو کی بابت استفسار کیا تو اپنا شبہ درست پایا.. انہوں نے فوراً فونٹ کا ربط دیا اور میں نے اتار کر فوراً اسے ٹیسٹ کیا.. فونٹ نسخ ہی ہے اور شہرزاد نامی ایک فونٹ سے تیار کیا گیا ہے، فونٹ میں ایک خامی جو میں نے نوٹ کی ہے وہ یہ ہے کہ بڑی ‘ھ’ کے بعد جو بھی حرف لگایا جائے کچھ تھوڑا سا خلا سا محسوس ہوتا ہے جیسے ٹوٹا لگایا گیا ہو جو میں نے انہیں مطلع کردیا.. ان کا کہنا تھا کہ یہ ابھی بیٹا مراحل میں ہے اور مجھے اور اردو کمیونٹی کے حوالے کرنے کا مقصد یہی ہے کہ اسے ٹیسٹ کرکے انہیں خامیوں سے مطلع کیا جائے تاکہ انہیں دور کیا جاسکے..
یہ فونٹ عرب آئیز کے پراجیکٹس کے تحت جاری کیا جائے گا، اور جیسا کہ سب جانتے ہیں کہ عرب آئیز کے فونٹ انتہائی پروفیشنل انداز میں بنائے جاتے ہیں اور لینکس کے اکثر پراجیکٹس کا حصہ ہوتے ہیں، عرب آیز والوں نے کچھ عرصہ پہلے یہ خواہش ظاہر کی تھی کہ وہ اپنے موجودہ فونٹس میں بھی اردو کی سپورٹ شامل کرنا چاہتے ہیں، اس کا فائدہ نہ صرف لینکس میں اردو ورڈ پراسیسنگ کو ہوگا بلکہ لینکس میں اردو اطلاقیوں میں درست اردو ظاہر کرنے کے لیے ان فونٹس سے استفادہ کیا جاسکے گا اور ونڈوز کے فونٹس کی ضرورت باقی نہیں رہے گی..
فی الحال یہ فونٹ عرب آئیز کی طرف سے اردو کمیونٹی کو بیٹا ٹیسٹنگ کے لیے پیش ہے جس کا نام عربی میں ‘نسخ مبسط’ اور اردو میں ‘نسخ سادہ’ رکھا جائے گا.. اچھی بات یہ ہے کہ اس فونٹ سے عربی لکھتے وقت قطعی محسوس نہیں ہوتا کہ اس میں اردو کا بھی کوئی حرف ہے، اور اردو لکھتے وقت قطعی محسوس نہیں ہوتا کہ اس میں عربی بھی ہے..
فونٹ کا ایک نمونہ:
فونٹ اٹیچمنٹ سے اتار لیں..
بلاگ میں پوسٹ
واللہ الموفق
