رضا عرشِ حق ہے مسندِ رفعت رسول اللہ کی

[مہ جبین]

عرشِ حق ہے مسندِ رفعت رسول اللہ کی​

دیکھنی ہے حشر میں عزت رسول اللہ​

قبر میں لہرائیں گے تا حشر چشمے نور کے​

جلو فرما ہوگی جب طلعت رسول اللہ کے​

کافروں پر تیغ والا سے گری برقِ غضب​

ابر آسا چھاگئی ہیبت رسول اللہ کی​

لاَ وَ رَبِّ اَلعَرش جس کو جو ملا اُن سے ملا​

بٹتی ہے کونین میں نعمت رسول اللہ کی​

وہ جہنم میں گیا جو اُن سے مستغنی ہوا​

ہے خلیل اللہ کو حاجت رسول اللہ کی​

سورج الٹے پاؤں پلٹے چاند اشارے سے ہو چاک​

اندھے نجدی دیکھ لے قدرت رسول اللہ کی​

تجھ سے اور جنت سے کیا مطلب وہابی دور ہو​

ہم رسول اللہ کے جنت رسول اللہ کی​

نجدی اُس نے تجھ کو مہلت دی کہ اِس عالَم میں ہے​

کافر و مرتد پہ بھی رحمت رسول اللہ کی​

ہم بھکاری وہ کریم ، اُن کا خدا اُن سے فزوں​

اور نا کہنا نہیں عادت رسول اللہ کی​

اہلِ سنّت کا ہے بیڑا پار اصحابِ حضور​

نجم ہیں اور ناؤ ہے عترت رسول اللہ کی​

خاک ہو کر عشق میں آرام سے سونا ملا​

جان کی اکسیر ہے الفت رسول اللہ کی​

ٹوٹ جائیں گے گنہ گاروں کے فوراً قید و بند​

حشر کو کھل جائے گی طاقت رسول اللہ کی​

یارب اک ساعت میں دُھل جائیں سیہ کاروں کے جرم​

جوش میں آجائے اب رحمت رسول اللہ کی​

ہے گُلِ باغِ قدس رخسار زیبائے حضور​

سروِ گلزارِ قِدم قامت رسول اللہ کی​

اے رضا خود صاحبِ قرآں ہے مدّاحِ حضور​

تجھ سے کب ممکن ہے پھر مدحت رسول اللہ کی​

​

اعلیٰ حضرت الشاہ امام احمد رضا خان فاضلِ بریلوی رحمۃ اللہ علیہ​

​

​

 

[حسیب نذیر گِل]

یارب اک ساعت میں دُھل جائیں سیہ کاروں کے جرم
جوش میں آجائے اب رحمت رسول اللہ کی

سبحان اللہ۔انتہائی لاجواب اور عمدہ​

 

[مہ جبین]

حسیب نذیر گِل بیٹا !

اللہ تم کو عشقِ حقیقی کی لذتوں سے سرشار فرمائے آمین


اعلیٰ حضرت کے نعتیہ کلام کو پسند کرنے والے لوگ یقیناً عشقِ حقیقی کی دولت سے محروم نہیں رہتے