علم جو ایام کی تفسیر کا ہے خاص علم ۔۔۔

[Saadullah Husami]

مکرم قارئین​

کوشش تو بہت کی کہ عربی اصل بھی منسلک کروں مگر یہی ہدایت از فورم بار بار آرہا تھا کہ متن کو مختصر کرو ۔​

اس لئے عربی متن آئندہ سہی۔​

​

​

مناجاۃ مولانا علی کا منظوم ترجمہ ​

​

ہفتے کے سات دنوں کے اثرات و تفسیر کے بارے میں ​

​

جو شکاری چاہتا ہے ،کرنا شکار بے روک و ٹوک ​

ہے اُسی کے واسطے بہتر یہی ہفتے کا روز ​

آسماں کی خلقتیں ،رحماں نے کی جب ابتداء ​

چُن لیا تعمیر کے ہی واسطے شنبے کا روز ​

سفر کرنا ہو تمہیں ،پانا ہو اس میں برتری ​

نیز خوشیوں سے پلٹنا ہو تو دو شنبے کا روز ​

خون ِفاسد کو اگر خارج جو کرنا ہو تمہیں ​

روز و شب کی ہر گھڑی بہتر ہے وہ منگل کا روز ​

گر دوا پینے کو چاہے جب بھی انسانِ مریض ​

کیا ہی بہتر وقت ہے اوقات میں وہ بدھ کا روز ​

حاجتیں تیری، تمنا مانگ بر حکمِ خدا ​

روز وہ تکمیل خواہش کا ، وہ جمعرات کا روز ​

شادی ہو کہ شادمانی ،نیز خوشیاں ایسی وہ ​

لطف ،صحبت سے جو حاصل ہو وہی جمعہ کا روز ​

علم جو ایام کی تفسیر کا ہے خاص علم ​

جانے ہے بس ایک نبی یا ہو وصی ،ممثولِ روز​

ان علومِ عین کو اردو میں تو منظوم کر ​

جس سے تیرے عین چمکیں ،سعد پھر قائم کے روز ​

دن یہی ممثول ہیں کہ جن کا ذکر ِ خیر ہو ​

تاکہ تیرا ہاتھ ہو اُن ہاتھ میں محشر کے روز ​

آسمانِ فکر میں تیری ُڑانیں خوب ہوں ​

علم اور اعمال کے دو پرلئے داور کے روز ​

علم اور حلم و تدبر ،صبر اور طاعت، وفا​

یہی سعدی کام آئیں گے فقط سرور کے روز ​

 

[سید زبیر]

علم اور حلم و تدبر ،صبر اور طاعت، وفا
یہی سعدی کام آئیں گے فقط سرور کے روز
واہ ۔ سبحان اللہ ​

​