عنائت علی خاں : میں تیرے مزار کی جالیوں ہی کی مدحتوں میں مگن رہا

[سید زبیر]

میں تیرے مزار کی جالیوں ہی کی مدحتوں میں مگن رہا ​

کسی غمگسار کی محنتوں کا یہ خوب میں نے صلہ دیا​

کہ جو میرے غم میں گھلا کیا ، اسے میں نے دل سے بھلا دیا​

جو جمال روئے حیات تھا، جو دلیل راہ نجات تھی
اسی راہبر کے نقوش پا کو مسافروں نے مٹا دیا​

میں تیرے مزار کی جالیوں ہی کی مدحتوں میں مگن رہا
تیرے دشمنوں نے تیرے چمن میں خزاں کا جال بچھا دیا​

تیرے حسن خلق کی اک رمق میری زندگی میں نہ مل سکی
میں اسی میں خوش ہوں کہ شہر کے دروبام کو تو سجا دیا​

تیرے ثور و بدر کے باب کے میں ورق الٹ کے گزر گیا
مجھے صرف تیری حکایتوں کی روایتوں نے مزا دیا​

کبھی اے عنایت کم نظر! تیرے دل میں یہ بھی کسک ہوئی
جو تبسم رخ زیست تھا اسے تیرے غم نے رلا دیا​

پروفیسر عنایت علی خان​

 

[محمداحمد]

سبحان اللہ
سبحان اللہ

کمال ہے یہ کلام ۔ بہت خوب، بڑا اثر آفریں۔

 

[باباجی]

واہ واہ واہ
بہت ہی خوب کلام سید صاحب
بہت شکریہ شیئر کرنے کا

 

[مہ جبین]

بہت عمدہ و اعلیٰ کلام ، سبحان اللہ
سید زبیر بھائی بہت شکریہ شریکِ محفل کرنے کا

جزاک اللہ

 

[یوسف-2]

میں تیرے مزار کی جالیوں ہی کی مدحتوں میں مگن رہا
تیرے دشمنوں نے تیرے چمن میں خزاں کا جال بچھا دیا

تیرے حسن خلق کی اک رمق میری زندگی میں نہ مل سکی
میں اسی میں خوش ہوں کہ شہر کے دروبام کو تو سجا دیا

بہت خوب۔ اللہ ہم مسلمانوں کو عقل سلیم دے تاکہ ہم سیرت نبوی صلی اللہ علیہ وسلم سے اپنی عملی زندگی کو منور کرسکیں​

 

[فرحت کیانی]

سبحان اللہ۔
پوسٹ کرنے کے لئے جزاک اللہ۔