حبیب جالب عورتوں کا ترانہ

[سید زبیر]

​

عورتوں کا ترانہ​

​

جہاں ہیں محبوس اب بھی ہم ' وہ حرم سرائیں نہیں رہیں گی​

لرزتے ہونٹوں پہ اب ہمارے فقط دعائیں نہیں رہیں گی​

​

غصب شدہ حق پہ چپ نہ رہناہمارا منشور بن گیا ہے​

اٹھے اب شور ہر ستم پر ' دبی صدائیں نہیں رہیں گی​

​

ہمارے عزمِ جہاں کے آگے 'ہمارے سیل رواں کے آگے​

پرانے ظالم نہیں ٹکیں گے ' نئی بلائیں نہیں رہیں گی​

​

ہیں قتل گاہیں یہ عدل گاہیں ' انہیں بھلا کس طرح سراہیں ؟​

غلام عادل نہیں رہیں گے ' غلط سزائیں نہیں رہیں گی​

​

بنے ہیں جو خادمان ملت ' وہ کرنا سیکھیں ہماری عزت​

وگرنہ ان کے تنوں پہ بھی یہ سجی قبائیں نہیں رہیں گی​

​

حبیب جالب​

​

 

[محمود احمد غزنوی]

ساری زندگی یہی کچھ کہتے کہتے، حبیب جالب دنیا سے رخصت ہوگئے۔۔۔لیکن اب بھی:
پھر وہی ہم ہیں وہی تیشہ و رسوائی ہے
دودھ کی نہر تو پرویز کے کام آئی ہے

 

[نیرنگ خیال]

ہیں قتل گاہیں یہ عدل گاہیں ' انہیں بھلا کس طرح سراہیں ؟​

غلام عادل نہیں رہیں گے ' غلط سزائیں نہیں رہیں گی​

بہت ہی خوبصورت انتخاب ہے سر۔۔۔ ​

یہ حسرت لیے ہی جالب اس دنیا سے رخصت ہوگئے۔۔ اور یہ عدل گاہیں جوں کی توں انصاف کے تماشا میں مصروف ہیں۔​

پس نوشت: محمود احمد غزنوی بھائی یہ محض اتفاق ہے کہ ہم نے بھی وہی بات کی۔ اسے سرقہ نہ سمجھا جائے

 

[عاطف بٹ]

واہ، بہت ہی عمدہ انتخاب ہے۔
شئیر کرنے کے لئے شکریہ سر

 

[محسن وقار علی]

عمدہ انتخاب ہے سر جی
شریک محفل کرنے کا شکریہ

 

[نایاب]

بنت حوا اگر ہم سے کسی رشتے میں منسلک ہو تو اسے اپنی غیرت کی علامت بنا اپنی جان بھی اس پر وار دیتے ہیں ۔
اور اسی غیرت کو قائم رکھنے کے لیئے اسے مار بھی دیتے ہیں ۔۔۔۔۔۔۔۔
کیا یہ غیرت صرف " مرد " کا ہی اثاثہ ہے ۔۔۔۔۔۔۔۔۔ ؟

بنے ہیں جو خادمان ملت ' وہ کرنا سیکھیں ہماری عزت
وگرنہ ان کے تنوں پہ بھی یہ سجی قبائیں نہیں رہیں گی

 

[سید شہزاد ناصر]

بہت خوب شراکت
شاد و آباد رہیں