متلاشی
محفلین
کسی سے سیکھ لے بُلبل سراپا داستاں رہنا
ہے ننگ عشق حالِ دل کا محتاجِ بیاں رہنا
کھٹکتا ہے یہ تنکوں کا گُلوں کے درمیاں رہنا
بہت مشکل ہے اے بلبل چمن میں آشیاں رہنا
ہمیں دونوں برابر ہیں گلستاں ہو کہ صحرا ہو
وہیں کے ہو گئے ہم ،ہوگیا اپنا جہاں رہنا
یہ کیا طرفہ ادا، طرفہ تماشا، طرفہ پردہ ہے
مری آنکھوں میں پھرنا پھر بھی آنکھوں سے نہاں رہنا
خدایا رحم کر اے چارہ گر اُف کیسے گزرے گی
پڑا ہم کو جو دُنیا میں نصیبِ دشمناں رہنا
خلاصہ ہم سے سن لے کوئی آدابِ محبت کا
دُعائیں دل میں دینا ، ظلم سہنا ، بے زباں رہنا
بھلا یہ بھی کوئی اندا زہے اے بلبلِ نالاں
گُلوں کے درمیاں رہ کر بھی مشغولِ فغاں رہنا
بھروسہ کچھ نہیں اس نفسِ امّارہ کا اَے زاہد
فرشتہ بھی یہ ہو جائے تو اس سے بدگماں رہنا
نہ رہ ناشاد سالک مسلکِ مجذوبؔ پر آجا
اگر ہر حال میں تُو چاہتا ہے شادماں رہنا
خواجہ عزیز الحسن مجذوب
ہے ننگ عشق حالِ دل کا محتاجِ بیاں رہنا
کھٹکتا ہے یہ تنکوں کا گُلوں کے درمیاں رہنا
بہت مشکل ہے اے بلبل چمن میں آشیاں رہنا
ہمیں دونوں برابر ہیں گلستاں ہو کہ صحرا ہو
وہیں کے ہو گئے ہم ،ہوگیا اپنا جہاں رہنا
یہ کیا طرفہ ادا، طرفہ تماشا، طرفہ پردہ ہے
مری آنکھوں میں پھرنا پھر بھی آنکھوں سے نہاں رہنا
خدایا رحم کر اے چارہ گر اُف کیسے گزرے گی
پڑا ہم کو جو دُنیا میں نصیبِ دشمناں رہنا
خلاصہ ہم سے سن لے کوئی آدابِ محبت کا
دُعائیں دل میں دینا ، ظلم سہنا ، بے زباں رہنا
بھلا یہ بھی کوئی اندا زہے اے بلبلِ نالاں
گُلوں کے درمیاں رہ کر بھی مشغولِ فغاں رہنا
بھروسہ کچھ نہیں اس نفسِ امّارہ کا اَے زاہد
فرشتہ بھی یہ ہو جائے تو اس سے بدگماں رہنا
نہ رہ ناشاد سالک مسلکِ مجذوبؔ پر آجا
اگر ہر حال میں تُو چاہتا ہے شادماں رہنا
خواجہ عزیز الحسن مجذوب
