فراز غزل۔ وہی عشق جو تھا کبھی جنوں اسے روزگار بنا دیا

[فرحت کیانی]

وہی عشق جو تھا کبھی جنُوں اسے روزگار بنا دیا
کہیں زخم بیچ کے آ گئے کہیں شعر کوئی سُنا دیا

وہی ہم کہ جن کو عزیز تھی دُرِ آبرو کی چمک دمک
یہی ہم کہ روزِ سیاہ میں زرِ داغِ دل بھی لُٹا دیا

کبھی یوں بھی تھا کہ ہزار تیر جگر میں تھے تو دُکھی نہ تھے
مگر اب یہ ہے کسی مہرباں کے تپاک نے بھی رُلا دیا

کبھی خود کو ٹوٹتے پھوٹتے بھی جو دیکھتے تو حزیں نہ تھے
مگر آج خود پہ نظر پڑی تو شکستِ جاں نے ہلا دیا

کوئی نامہ دلبرِ شہر کا کہ غزل گری کا بہانہ ہو
وہی حرفِ دل جسے مدتوں سے ہم اہلِ دل نے بھلا دیا

کلام: احمد فراز

 

[فاتح]

سبحان اللہ! عمدہ انتخاب ہے۔ بہت شکریہ فرحت۔
درج ذیل مصرع کو ذرا ایک نظر دوبارہ کتاب سے دیکھیے گا کہ کیا اسی طرح ہے؟

مگر اب یہ ہے کہ کسی مہرباں کے تپاک نے رُلا دیا
​

 

[فرخ منظور]

واہ! بہت خوب انتخاب ہے۔ شکریہ فرحت صاحبہ۔ امید ہے اردو محفل میں آتی رہیں گی۔

 

[فرحت کیانی]

بہت شکریہ فاتح
میں اور لکھتے ہوئے غلطی نہ کروں یہ ہو نہیں سکتا۔ درست مصرعہ یوں ہے:
مگر اب یہ ہے کسی مہرباں کے تپاک نے بھی رُلا دیا

میں نے غزل میں ٹھیک کر دیا ہے۔ بہت شکریہ

 

[فرحت کیانی]

واہ! بہت خوب انتخاب ہے۔ شکریہ فرحت صاحبہ۔ امید ہے اردو محفل میں آتی رہیں گی۔

بہت شکریہ سخنور ۔ انشاءاللہ کوشش تو یہی ہے کہ باقاعدگی سے آیا جائے

 

[عبدالحسیب]

لاجواب۔ بہترین شراکت

 

[مہ جبین]

کبھی یوں بھی تھا کہ ہزار تیر جگر میں تھے تو دُکھی نہ تھے​

مگر اب یہ ہے کسی مہرباں کے تپاک نے بھی رُلا دیا​

کبھی خود کو ٹوٹتے پھوٹتے بھی جو دیکھتے تو حزیں نہ تھے​

مگر آج خود پہ نظر پڑی تو شکستِ جاں نے ہلا دیا​

بہت عمدہ انتخابِ کلام فرحت کیانی​

 

[محسن وقار علی]

اعلیٰ انتخاب ہے فرحت

وہی ہم کہ جن کو عزیز تھی دُرِ آبرو کی چمک دمک​

یہی ہم کہ روزِ سیاہ میں زرِ داغِ دل بھی لُٹا دیا​

کبھی یوں بھی تھا کہ ہزار تیر جگر میں تھے تو دُکھی نہ تھے​

مگر اب یہ ہے کسی مہرباں کے تپاک نے بھی رُلا دیا​

کبھی خود کو ٹوٹتے پھوٹتے بھی جو دیکھتے تو حزیں نہ تھے​

مگر آج خود پہ نظر پڑی تو شکستِ جاں نے ہلا دیا​