غزل : اب اداس پھرتے ہو سردیوں کی شاموں میں از : شعیب بن عزیز

[محمد حفیظ الرحمٰن]

غزل
از : شعیب بن عزیز

اب اداس پھرتے ہو سردیوں کی شاموں میں
اِس طرح تو ہوتا ہے اِس طرح کے کاموں میں

اب تو اس کی یادوں کے میکدے میسر ہیں
پھر سکون ڈھونڈو گے ساغروں میں جاموں میں

دوستی کا دعویٰ کیا عاشقی سے کیا مطلب
میں ترے فقیروں میں میں ترے غلاموں میں

جِس طرح شعیب اس کا نام چن لیا تم نے
اس نے بھی ہے چن رکھا ایک نام ناموں میں
​

 

[فرخ منظور]

یہ کلام یہاں پوسٹ ہو چکا ہے۔

 

[محمد حفیظ الرحمٰن]

یہ کلام یہاں پوسٹ ہو چکا ہے۔

بھائی فرخ منظور صاحب ۔ یہ بات میرے علم میں نہیں تھی ۔ پوسٹ کی تکرار پر معذرت خواہ ہوں ۔

 

[فرخ منظور]

بھائی فرخ منظور صاحب ۔ یہ بات میرے علم میں نہیں تھی ۔ پوسٹ کی تکرار پر معذرت خواہ ہوں ۔

حضور معذرت کی کوئی بات نہیں۔ ایڈمن حضرات کو چاہیے کہ اس لڑی کو پرانی لڑی میں ضم کر دیں۔