غزل اس نے چھیڑی مجھے ساز دینا ۔ صفی لکھنوی

[فرخ منظور]

غزل اس نے چھیڑی مجھے ساز دینا
ذرا عمرِ رفتہ کو آواز دینا

قفس لے اڑوں میں، ہوا اب جو سنکے
مدد اتنی اے بال و پرواز دینا

نہ خاموش رہنا مرے ہم صفیرو
جب آواز دوں ، تم بھی آواز دینا

کوئی سیکھ لے دل کی بے تابیوں کو
ہر انجام میں رنگِ آغاز دینا

دلیلِ گراں باریِ سنگِ غم سے
صفی ٹوٹ کر دل کا آواز دینا

(صفی لکھنوی)

 

[فاتح]

بہت شکریہ جناب۔ آج تک مطلع ہی سن رکھا تھا۔

 

[فرخ منظور]

بہت شکریہ جناب۔ آج تک مطلع ہی سن رکھا تھا۔

بہت شکریہ حضرت! میں نے بھی کچھ دیر پہلے تک مطلع ہی سن رکھا تھا۔

 

[کاشفی]

عمدہ جناب!

 

[ملائکہ]

شکریہ، غزل اچھی ہے

 

[محمد وارث]

شکریہ جناب خوبصورت غزل پوسٹ کرنے کیلیے، کیا لاجواب غزل ہے۔

'غزل' اس نے چھیڑی، مجھے 'ناز' دینا

 

[ماظق]

نہ خاموش رہنا مرے ہم صفیرو
جب آواز دوں تم بھی آواز دینا
بہت خوب،اچھی غزل ھے

 

[فرخ منظور]

پسند کرنے کے لئے شکریہ کاشفی صاحب ، ملائکہ ، اعجاز صاحب، زونی اور شاعر بدنام!

 

[فرخ منظور]

شکریہ جناب خوبصورت غزل پوسٹ کرنے کیلیے، کیا لاجواب غزل ہے۔

'غزل' اس نے چھیڑی، مجھے 'ناز' دینا

ارے صاحب! یہ ناز کیا ہے؟ یہاں تو "بال" ہونا چاہیے۔

نہ خاموش رہنا مرے ہم صفیرو
جب آواز دوں تم بھی آواز دینا
بہت خوب،اچھی غزل ھے

شکریہ ماظق بھائی!

 

[فاتح]

شکریہ جناب خوبصورت غزل پوسٹ کرنے کیلیے، کیا لاجواب غزل ہے۔

'غزل' اس نے چھیڑی، مجھے 'ناز' دینا

قبلہ! اب اس عمر میں ہم محض کسی منچلے کی "غزل" کے ساتھ چھیڑ خانیوں پر ظاہری سرزنش ہی کر سکتے ہیں۔۔۔ رہی بات حسداً ناز صاحبہ کو چھیڑنے کی تو رہنے ہی دو ساغر و مینا

 

[شاہ حسین]

اس غزل کا مطلع پنکھج اداس کے ایک پروگرام میں میزبان کی زبانی سن رکھا تھا ۔

شکریہ جناب سخنور صاحب عمدہ شراکت ہے

 

[فرخ منظور]

اس غزل کا مطلع پنکھج اداس کے ایک پروگرام میں میزبان کی زبانی سن رکھا تھا ۔

شکریہ جناب سخنور صاحب عمدہ شراکت ہے

شکریہ شاہ جی! ہم بھی بچپن سے اس غزل کا مطلع سنتے آئے ہیں لیکن پوری غزل کچھ دن پہلے ہی پڑھی۔

 

[محمد وارث]

ارے صاحب! یہ ناز کیا ہے؟ یہاں تو "بال" ہونا چاہیے۔

آپ کے 'نیاز' کے صدقے قبلہ، آپ تو 'بال' دوسروں کی کورٹ (گود) میں پھینکنے کے ایکسپرٹ معلوم ہوتے ہیں

قبلہ! اب اس عمر میں ہم محض کسی منچلے کی "غزل" کے ساتھ چھیڑ خانیوں پر ظاہری سرزنش ہی کر سکتے ہیں۔۔۔ رہی بات حسداً ناز صاحبہ کو چھیڑنے کی تو رہنے ہی دو ساغر و مینا

واہ واہ واہ صاحب کیا فہم رسا طبیعت پائی ہے آپ نے، ایں سعادت بزورِ بازو نیست

 

[محمد بلال اعظم]

شکریہ جناب خوبصورت غزل پوسٹ کرنے کیلیے، کیا لاجواب غزل ہے۔

'غزل' اس نے چھیڑی، مجھے 'ناز' دینا

واہ
اصل غزل سے زیادہ مزہ دیا اس ایک مصرع نے۔
کیا ہی خوب ہو کہ اگر مطلع ہو جائے

 

[جاسمن]

بہت خوبصورت۔