محمد احسن سمیع راحلؔ
محفلین
عزیزانِ گرامی، آداب!
ایک پرانی غزل آپ سب کی بصارتوں کی نذر۔ کچھ بعید نہیں کہ احباب کو کہیں کوئی سقم محسوس ہو کہ غزل کافی پرانی ہے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک پرانی غزل آپ سب کی بصارتوں کی نذر۔ کچھ بعید نہیں کہ احباب کو کہیں کوئی سقم محسوس ہو کہ غزل کافی پرانی ہے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آگئے ہیں تنگ اب، اے آسماں، آلام سے
کیا برا ہے؟ زندگی گزرے اگر آرام سے!
واعظو! طرزِ عمل سے ہی بدلتا قلب ہے
کچھ نہیں حاصل وعید و پند کے کہرام سے!
رندِ مے خانہ ہیں، ہم سے دوستی اچھی نہیں
جوڑنا کیوں چاہتے ہو نام اس بدنام سے
رہزنوں سے تم ذرا ہشیار رہنا ہم نفس!
میں تو واقف تھا رہِ الفت کے ہر ہر گام سے
راستہ مشکل تو ہے، لیکن مزا بھی آئے گا
حوصلہ مت چھوڑیئے اندیشۂِ انجام سے
میں نہیں حیراں، پشیماں کیوں ہو تم دل توڑ کر؟
نام تو تم نے کمایا تھا بہت اس کام سے!
بس خلوصِ دل، بکف ہمت سفر کی شرط تھے
جاوداں وہ بھی ہوئے جو آدمی تھے عام سے
اڑ رہا ہے دل ہواؤں میں مسرت کے سبب
ان کو دیکھا چپکے چپکے جھانکتے کل بام سے
اس کی تصویروں کے لوٹانے پر افسردہ نہیں
حیف! مدت بعد بھی آیا، تو وہ اک کام سے!
چاندنی اوڑھے سرِ شب کون آیا ہے ادھر؟
جھومتا ہوں خودبخود گرچہ پرے ہوں جام سے
کیوں نہ ہوں راحلؔ عقیدت مند ہم دیوبند کے
اس تعلق نے بچایا ہے برے انجام سے
کیا برا ہے؟ زندگی گزرے اگر آرام سے!
واعظو! طرزِ عمل سے ہی بدلتا قلب ہے
کچھ نہیں حاصل وعید و پند کے کہرام سے!
رندِ مے خانہ ہیں، ہم سے دوستی اچھی نہیں
جوڑنا کیوں چاہتے ہو نام اس بدنام سے
رہزنوں سے تم ذرا ہشیار رہنا ہم نفس!
میں تو واقف تھا رہِ الفت کے ہر ہر گام سے
راستہ مشکل تو ہے، لیکن مزا بھی آئے گا
حوصلہ مت چھوڑیئے اندیشۂِ انجام سے
میں نہیں حیراں، پشیماں کیوں ہو تم دل توڑ کر؟
نام تو تم نے کمایا تھا بہت اس کام سے!
بس خلوصِ دل، بکف ہمت سفر کی شرط تھے
جاوداں وہ بھی ہوئے جو آدمی تھے عام سے
اڑ رہا ہے دل ہواؤں میں مسرت کے سبب
ان کو دیکھا چپکے چپکے جھانکتے کل بام سے
اس کی تصویروں کے لوٹانے پر افسردہ نہیں
حیف! مدت بعد بھی آیا، تو وہ اک کام سے!
چاندنی اوڑھے سرِ شب کون آیا ہے ادھر؟
جھومتا ہوں خودبخود گرچہ پرے ہوں جام سے
کیوں نہ ہوں راحلؔ عقیدت مند ہم دیوبند کے
اس تعلق نے بچایا ہے برے انجام سے
آخری تدوین:
