غزل برائے اصلاح -راہ چلتے ملا تھا، جدا سا لگا ۔ از محمد اظہر نذیر

[ایم اے راجا]

اچھی غزل کہی ہے، انشاءاللہ بہت جلد سمجھ جاؤ گے، یہاں پر جو استاد ہیں وہ واقعی استاد ہیں

 

[محمد اظہر نذیر]

اِس میں قطعٍ کوئی شک نہیں کے اساتذہ قابِلِ ستائش ہیں - بس اپنی فِکر سے مجبور ہوں کہ ماں کی محبت اور اساتذہ کی رہ نمائی میں کوئی امتیاز نہیں سمجھتا- ایک حرف جس نے سکھا دیا وہ بھی اُستاد ہوا اور احترام فرض
بہت شکریہ راجہ صاحب

 

[الف عین]

نہیں اظہر، بات نہیں بنتی اس طرح بھی۔

 

[محمد اظہر نذیر]

وہ مرا کچھ نہیں تھا، تو تم ہی کہو
کِس لئے مجھ کو اپنا ہُوا سا لگا

اُستادِ محترم،
میری ناقص سمجھ میں اس سے بہتر کچھ سمجھ نہیں آ رھا، درخواست ہے رہ نمائی کی- کہنا یہ چاہا تھا کہ وہ کیوں ایسا لگا کے جیسے اپنا ہو چکا ہو
بے حد ممنون
اظہر

 

[الف عین]

مطلب تو میں‌سمجھ چکا ہوں، لیکن اس زمین میں اس کو لانا مشکل لگتا ہے۔ یعنی "سا لگا‘ کی ردیف میں۔