غزل برائے اصلاح

[ارشد چوہدری]

بحر (ہزج مثمن سالم ) مفاعیلن مفاعیلن مفاعیلن مفاعیلن
٭٭٭٭٭٭٭٭٭٭٭٭٭٭٭٭٭٭٭٭
محبّت میں کسی کی چاہتیں سب بھول جاتی ہیں
یہ الفت ہے کسی کی راحتیں سب بھول جاتی ہیں
٭٭٭٭٭٭٭٭٭٭٭٭٭٭٭٭٭٭٭
یہ جذبہ ہے محبّت کا بُھلاتا ہے سبھی کچھ ہی
محبّت میں کسی کی صحبتیں سب بھول جاتی ہیں
٭٭٭٭٭٭٭٭٭٭٭٭٭٭٭٭٭٭
لگی ہو بھوک پوری تو ہو جاتا ہے ہضم سب کچھ
اگر ہو کچّا بھی تو بافتیں سب بھول جاتی ہیں
٭٭٭٭٭٭٭٭٭٭٭٭٭٭٭٭
یہ مطلب کی ہی دنیا ہے یہاں مطلب ہی سب کچھ ہے
نکل جاتا ہے مطلب قربتیں سب بھول جاتی ہیں
٭٭٭٭٭٭٭٭٭٭٭٭٭٭٭٭٭٭٭
اگر اچّھا لگے کوئی تو لے آؤ اُسے گھر میں
یہی ہوتا ہے یارو غربتیں سب بھول جاتی ہیں
٭٭٭٭٭٭٭٭٭٭٭٭٭٭٭٭
اگر غلطی ہو جائے تم سے مانو اپنی غلطی کو
اگر مانو گے غلطی نفرتیں سب بھول جاتی ہیں
٭٭٭٭٭٭٭٭٭٭٭٭٭
بدل جاتے ہیںسب حالات جب مانگو دعا رب سے
ملے گا جب تو تیری حسرتیں سب بھول جاتی ہیں
٭٭٭٭٭٭٭٭٭٭٭٭٭٭٭
کبھی بُجھنے نہ دینا یہ محبّت کی تم آگ ارشد
ہو جب چاہت خدا کی چاہتیں سب بھول جاتی ہیں
٭٭٭٭٭٭٭٭٭٭٭٭٭٭

 

[ارشد چوہدری]

الف عین،خلیل الرحمن

 

[الف عین]

پہلے اغلاط کی نشاندہی
ہضم میں ض ساکن ہے، مفتوح نہیں
غلطی میں ل ساکن نہیں مفتوح ہے
بافت، ف ساکن سے ہندی کی طرح جمع بنانا عجیب ضرور ہے لیکن اس صورت میں بھی ف ساکن ہی رہے گا، مفتوح نہیں
مفہوم کے اعتبار سے کسی شعر میں شاید ہی قافیہ کا درست استعمال ہو
الفاظ کی نشست بدلنے سے روانی میں جیسا اضافہ ممکن ہے افسوس اس طرف کوشش نہیں کی گئی جیسے
یہ جذبہ ہے محبّت کا بُھلاتا ہے سبھی کچھ ہی
کو
یہ جذبہ ہے محبّت کا بھلا دیتا ہے سب کچھ ہی

اگر ہو کچّا بھی تو بافتیں سب بھول جاتی ہیں
بافتیں کے تلفظ سے قطع نظر
اگر کچّا بھی ہو تو بافتیں سب بھول جاتی ہیں
کبھی بُجھنے نہ دینا یہ محبّت کی تم آگ ارشد
کو
کبھی بُجھنے نہیں دینا محبّت کی تم آگ ارشد
مزید یہ کہ اب تک جتنی بھی غزلوں پر میں یا دوسرے اظہار کر چکے ہیں ان میں ترمیمات کیا کیا کی گئی ہیں ان کا علم نہیں

 

[ارشد چوہدری]

استادِ محترم مطلع بھی تبدیل کیا ہے اور کچھ تبدیلیاں کی ہیں باقی غزلوں کی بھی آہستہ آہستہ تصحیح کر رہا ہوں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہی چاہت ہے تیری چاہتیں سب بھول جاتی ہیں
یہی الفت ہے تیری الفتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ جذبہ ہے محبّت کا بُھلا دیتا ہے سب کچھ ہی
یہی چاہت ہے تیری صحبتیں سب بھول جاتی ہیں ( بُھلا دیتا ہے یاری صحبتیں سب بھول جاتی ہیں )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہضم ہو جائے گا سب کچھ اگر ہو بھوک شدّت کی
ہو بھوکا کوئی یارو لذّتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مطلب کی ہی دنیا ہے یہاں مطلب ہی سب کچھ ہے
نکل جاتا ہے مطلب قربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر اچّھا لگے کوئی لے آؤ اُسے گھر میں
یہی ہوتا ہے یارو غربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خطا ہو جائے تم سے مان لو اپنی خطا یارو
خطا کو مان لو گے نفرتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدل جاتے ہیں سب حالات جب مانگو دعا رب سے
خدا دیتا ہے جب تو حسرتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی بُجھنے نہیں دینا محبّت کی تم آگ ارشد
ہو جب چاہت خدا کی چاہتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین،خلیل الرحمن

 

[ارشد چوہدری]

الف عین

 

[الف عین]

مطلع اور اگلے شعر میں اب بھی کوئی بات نہیں نظر آ رہی ہے

میں نے لکھا تھا

ہضم میں ض ساکن ہے، مفتوح نہیں

لیکن وہی غلطی دہرائی گئی ہے
سبھی کچھ ہضم ہو جائے گا گر ہو بھوک میں شدت
کیا جا سکتا ہے

یہ مطلب کی ہی دنیا ہے یہاں مطلب ہی سب کچھ ہے
نکل جاتا ہے مطلب قربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔ قربتوں سے پہلے مصرع کا تعلق؟

اگر اچّھا لگے کوئی لے آؤ اُسے گھر میں
یہی ہوتا ہے یارو غربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع میں شاید ٹائپو ہے، 'تو لے آؤ اسے گھر میں' وزن میں آتا ہے۔ پھر یہ مصرع امریہ ہے جب کہ دوسرے میں عمومی بات کہی گئی ہے پہلے میں۔ پھر 'یہی ہوتا ہے ' میں ایسا ہونا ناگزیر بنا دیا گیا ہے۔ یوں ہو تو شاید
اگر اچھا لگے کوئی کسی نادار کو، تب بھی
اسے لاتے ہیں گھر میں، غربتیں سب بھول جاتی ہیں

خطا ہو جائے تم سے مان لو اپنی خطا یارو
خطا کو مان لو گے نفرتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔' خطائیں' زیادہ نہیں ہو گئیں؟ دوسرا مصرع یوں کر دیں تو چل جائے
اگر تم مان لو گے، نفرتیں۔۔۔
بدل جاتے ہیں سب حالات جب مانگو دعا رب سے
خدا دیتا ہے جب تو حسرتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔ ٹھیک
کبھی بُجھنے نہیں دینا محبّت کی تم آگ ارشد
ہو جب چاہت خدا کی چاہتیں سب بھول جاتی ہیں
. ۔۔عشق حقیقی کا ذکر ہے یا مجازی کا؟
اور جیسا کہ کہہ چکا ہوں کہ اکثر اشعار میں قافیہ اور اس کی جمع کے صیغے کی وجہ سے بیانیہ عجیب ہو گیا ہے

 

[ارشد چوہدری]

برائے اصلاح ایک بار پھر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے یہ ہی تو محبّت چاہتیں سب بھول جاتی ہیں
کسی کی چاہ میں تو راحتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ہو جان کا خطرہ تو کھا جاؤ جو مل جائے
اگر بچنا ہو مقصد لذّتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں مطلب کی خاطر ہیں ساری قربتیں یارو
نکل جاتا مطلب قربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر اچّھا لگے کوئی نادار کو تب بھی
اسے لاتیں ہیں گھر میں غربتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خطا ہو جائے تم سے مان لو اپنی خطا یارو
اگر تم مان لو گے نفرتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا سے تم محبّت کو بُھلانا نا کبھی ارشد
خدا کے عشق میں تو چاہتیں سب بھول جاتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اس کا بیانیہ تو پہلے سے بھی خراب اور روانی کی کمی کا شکار ہے ۔
مطلع میں ہی، تو بھرتی کے الفاظ
دوسرا شعر تو درست کر دیا تھا اب زبردستی بگاڑ دیا
تیسرا چوتھا بحر سے خارج ہو گیا ہے
اگلا شعر ٹھیک ہے
مقطع درست ہو گیا تھا اسے بھی بگاڑ دیا گیا، صرف میں نے سوال پوچھا تھا کہ عشق مجازی ہے یا حقیقی؟

 

[ارشد چوہدری]

محترم آئی ایم سوری ۔کیا میں پہلے اشعار کو صحیح سمجھوں ۔باقی رہی بات عشقِ حقیقی یا مجازی کی تو میں نے مقطع کے دوسرے مصرعے میں خدا کی چاہت کا ذکر کیا تھا جسے میں نے کافی سمجھ کر پہلے مصرعے بات نہ کی ۔بہت مشکور ہوں آپ میرے لئے اتنا تردّد کرتے ہیں ۔بہت بہت شکریہ۔ ایک دو اور غزلیں بھی ہیں ذرا دیکھ لیں۔

 

[ارشد چوہدری]

الف عین

 

[الف عین]

میری مجوزہ ترمیم کے بعد پچھلی غزل ہی قابل قبول ہے