غزل برائے اصلاح

[ارشد چوہدری]

بحر ---(مفعول فاعلاتن مفعول فاعلاتن )
رمل مثمن مشکول مسکّن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں عشق میں کسی کے ٭ سرشار ہو گیا ہوں
ہے روگِ عشق جس میں ٭ بیمار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری وفا نے مجھ کو ٭ جینا سکھا دیا ہے
دنیا کے ساتھ محوِ ٭ پیکار ہو گیاہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طاقت ملی ہے وہ مجھ ٭ کو راہِ حق پہ چل کر
دشمن کے واسطے میں ٭ انگار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں نے خدا کو اپنا ٭ ساتھی بنا لیا ہے
دنیا کی محفلوں سے ٭ بیزار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈرنا مجھے نہیں ہے ٭ کہنے سے حق کی باتیں
اتنا تو میں بھی ٭ ہشیار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو بات دل میں ہے لے ٭ آؤں گا میں زباں پر
ڈر جاؤں میں کیوں کیا ٭ بدکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اتنا تو جان لیتا ٭ ہوں جو ہے دل میں تیرے
تیرے لئے میں اتنا ٭ عیّار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب سے جھکا ہوں ارشد ٭ اپنے خدا کےدر پر
دنیا کے واسطے میں ٭ بیکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[محمد ریحان قریشی]

رمل مثمن مشکول مسکّن

مضارع مثمن اخرب کہنا بہتر ہوگا.

روگِ عشق

روگ سنسکرت سے ماخوذ ہے اس لیے فارسی اضافت قبول نہیں کرتا، ترکیب درست نہیں.

طاقت ملی ہے وہ مجھ ٭ کو راہِ حق پہ چل کر

اسے یوں کر دیں:
طاقت ملی ہے مجھ کو یہ راہِ حق پہ چل کر

اتنا تو میں بھی ٭ ہشیار ہو گیا ہوں

یہ مصرع ساقط الوزن ہے.

جو بات دل میں ہے لے ٭ آؤں گا میں زباں پر

ادھر بھی وہی مسئلہ ہے کہ بحر کے پہلے ٹکڑے میں بات نامکمل رہ جاتی ہے. بآسانی درست ہو سکتا ہے:
جو بات دل میں ہے وہ لے آؤں گا زباں پر

مجموعی طور پر اچھی کاوش ہے. مشق و مطالعہ جاری رکھیے.

 

[ارشد چوہدری]

ریحان قریشی صاحب السلام علیکم ۔۔۔۔۔ اصلاح کا بہت بہت شکریہ ۔ جن اغلاط کی نشاندہی فرمائی آپ نے ، تصحیح کی کوشش کی ہے
1 ۔۔ میں عشق میں کسی کے ٭ سرشار ہو گیا ہوں
ہے دل کا روگ جس میں ٭ بیمار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2 ۔۔ ڈرنا مجھے نہیں ہے ٭ کہنے سے حق کی باتیں
اتنا تو میں بھی اب ٭ ہشیار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3 ۔۔۔ جو بات دل میں ہے لے آؤں گا زباں پر
ڈر جاؤں گا میں کیوں کیا بدکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

محمد ریحان قریشی

 

[الف عین]

شعر 1. مفہوم کے اعتبار سے دو لخت ہے َسرشار کی کیفیت میں کوئی بیمار کیسے لگ سکتا ہے؟
2. بحر سے خارج دوسرا مصرع
3. پہلا مصرعہ اب بھی ریحان کے مشورے کے مطابق نہیں، مفہوم کے اعتبار سے دو لخت یہ بھی ہے
ان کے علاوہ
طاقت والے شعر میں ریحان کی بات قبول نہیں کی ہے
طاقت. مجھے ملی ہے اس راہ حق پہ چل کر
بہتر ہو گا
محوِ .. پیکار اور
لیتا... ہوں کا ٹوٹنا پسند نہیں آیا
مقطع اور بیزار والے اشعار درست ہیں

 

[ارشد چوہدری]

تبدیلیوں کے بعد دوبارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب سے کسی کا میں بھی دلدار ہو گیا ہوں
میں عشق میں اسی کے سرشار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری وفا نے مجھ کو جینا سکھا دیا ہے
تیری وفا کا اب میں حقدار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طاقت ملی ہے مجھ کو اس راہِ حق پہ چل کر
دشمن کے واسطے میں انگار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں نے خدا کو اپنا ساتھی بنا لیا ہے
دنیا کی محفلوں سے بیزار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈرتا نہیں کسی سے کہنے میں حق کی باتیں
میں جھوٹ کے لئے اک تلوار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو بات دل میں ہے لے آؤں گا زباں پر
ڈر جاؤں میں کیوں کیا بدکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باتوں کو پا لیا جب جو تھا کسی کے دل میں
ان کے لئے میں کچھ پُراسرار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب سے جھکا ہوں ارشد اپنے خدا کے در پر
دنیا کے واسطے میں بیکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

جب سے کسی کا میں بھی دلدار ہو گیا ہوں
میں عشق میں اسی کے سرشار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ میں بھی! میرے علاوہ اور کون؟
جب سے کہ میں کسی کا
بہتر ہو گا
دوسرے مصرعے میں بھی 'میں' کو 'بس' سے بدل دیں

تیری وفا نے مجھ کو جینا سکھا دیا ہے
تیری وفا کا اب میں حقدار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست اگرچہ وفا دونوں مصرعوں میں اچھی نہیں لگ رہی

طاقت ملی ہے مجھ کو اس راہِ حق پہ چل کر
دشمن کے واسطے میں انگار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

میں نے خدا کو اپنا ساتھی بنا لیا ہے
دنیا کی محفلوں سے بیزار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست ویسے دوسرے مصرعے میں 'بھی ' کی کمی لگتی ہے شاید اس طرح بہتر ہو
ہر بزم سے جہاں کی......

ڈرتا نہیں کسی سے کہنے میں حق کی باتیں
میں جھوٹ کے لئے اک تلوار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

جو بات دل میں ہے لے آؤں گا زباں پر
ڈر جاؤں میں کیوں کیا بدکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ بات پھر منقسم ہو رہی ہے، بد کاری کا تعلق بھی سمجھنے میں نہیں آتا
پہلے مصرع کو اس طرح کہہ سکتے ہیں
جو بات بھی ہے جی میں لے آؤں گا زباں پر
افسوس اس بات کا ہے کہ اکثر مبتدی اتنا وقت نہیں لگاتے اپنی شاعری پر کہ خود ہی متبادل مصرع سوچیں اور جو بہترین ہو اسے پیش کریں اصلاح کے لیے

باتوں کو پا لیا جب جو تھا کسی کے دل میں
ان کے لئے میں کچھ پُراسرار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پر .... اسرار ٹوٹ گیا نا!

جب سے جھکا ہوں ارشد اپنے خدا کے در پر
دنیا کے واسطے میں بیکار ہو گیا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست