غزل برائے اصلاح

[اشرف علی]

یہ آخری شعر مجھے درست لگ رہا ہے

الحمد للّٰہ غزل مکمل ہو گئی
آپ تمام اساتذۂ کرام کا شکر گزار ہوں ...
اللّٰہ آپ سب کو خوش رکھے ، آمین _

 

[اشرف علی]

غزل ( اصلاح کے بعد )

تخئیل اور فکر کو لفظوں میں ڈھال کر
مشقِ سخن سے شعر میں پیدا کمال کر

یہ ناقدوں کی بزم ہے ، اے شخص ! تو یہاں
لانا ہر ایک لفظ زباں پر سنبھال کر

وہ مجھ سے پیار کرتا ہے یا صرف دوست ہے
میں کیوں بتاؤں ، دَم ہے تو اس سے سوال کر

مجھ کو لگا تھا ، عشق مصیبت ہے ! لیکن اب
میں خوش بہت ہوں خود کو مصیبت میں ڈال کر

لے جائیں کفر تک نہ کہیں تجھ کو ایک دن
نومیدیوں کو پھینک دے ، دل سے نکال کر

کوئی نہیں ہے اس کا مکیں اب تِرے سوا
آ دیکھ لے ! خود آ کے مِرا دل کھنگال کر

مجھ کو بھُلا نہ پائے گا تو عمر بھر کبھی
میں تیرا پہلا پیار ہوں پیارے ! خیال کر

اشرف ! وہ جب ملول نہیں ہے تِرے بغیر
پھر تو بھی فالتو میں نہ اس کا ملال کر

 

[اشرف علی]

محترم الف عین صاحب
محترم محمد خلیل الرحمٰن صاحب
محترم سید عاطف علی صاحب
محترم یاسر شاہ صاحب
محترم محمّد احسن سمیع :راحل: صاحب
آداب !
آپ سے اصلاح کی درخواست ہے _


غزل

جذبات ، فکر ، تجربہ لفظوں میں ڈھال کر
مشقِ سخن طرازی میں پیدا کمال کر

یہ ناقدوں کی بزم ہے ، اے شخص ! تو یہاں
لانا ہر ایک لفظ زباں پر سنبھال کر

وہ مجھ سے پیار کرتا ہے یا صرف دوست ہے
میں کیوں بتاؤں ، دَم ہے تو اس سے سوال کر

اس نے کہا تھا ، عشق مصیبت ہے ! اور اب
پچھتا رہا ہوں خود کو مصیبت میں ڈال کر

ڈر ہے یہ کفر تک تجھے پہنچا نہ دے کہیں
نومیدیوں کو پھینک دے ، دل سے نکال کر

تیرے سوا کوئی نہیں رہتا ہے اس میں اب
آ دیکھ لے ! خود آ کے مِرا دل کھنگال کر

مجھ کو بھُلا نہ پائے گا تو عمر بھر کبھی
میں تیرا پہلا پیار ہوں پیارے ! خیال کر

آواز ہی سنا دے مجھے اس کی کم سے کم
بس ایک بار میرے لیے اس کو کال کر

اشرف ! وہ جب اداس نہیں ہے تِرے بغیر
پھر تو بھی جھوم ناچ گا یعنی دھمال کر

غزل کی پذیرائی کے لیے ممنون ہوں محمد عبدالرؤوف صاحب ، محمل ابراہیم صاحبہ ، زوجہ اظہر صاحبہ
اللّٰہ ہم سب کو شاد رکھے ، آمین _