غزل برائے اصلاح

[نورالحسن جوئیہ]

مشعل بکف نجوم کا نوحہ اتار کر
وہ خوش ہے میرے پاؤں میں رستہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دستار اگر نہیں تو شہنشہ کے پاؤں میں
رکھ دیجئے گا آپ لبادہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
دستک کو اس کے بعد ترستے ہیں در مرے
غمگین ہو گیا ہوں میں قرضہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔
عہدِ ہوس گزر گیا اور ساتھ لے گیا
چہروں سے ایک عمر کا غازہ اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس سے کہو کہ یا تو مکمل ہی پہن لے
یا جائے مجھ کو سارے کا سارا اتار کر
۔۔۔۔۔۔۔۔۔۔۔۔۔۔۔۔۔۔۔۔۔۔
اس نے لباس ہی نہیں آنکھیں بھی چھین لیں
ہم ساکنانِ شب پر اجالا اتار کر
۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

درست بلکہ اچھی ہے غزل۔ بس مطلع کچھ دو لخت لگ رہا ہے مجھے۔

 

[نورالحسن جوئیہ]

درست بلکہ اچھی ہے غزل۔ بس مطلع کچھ دو لخت لگ رہا ہے مجھے۔

اللہ آپ کو سلامت رکھے
میں مطلع کا کچھ کرتا ہوں

 

[شہنواز نور]

عمدہ غزل بہت خوب