محمد احسن سمیع راحلؔ
محفلین
ایک نئی غزل آپ سب کی بصارتوں کی نذر۔ آپ سب کی قیمتی آرا کا انتظار رہے گا۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خموش، سوختہ، آزردہ، غم گزیدہ ہے
غمِ فراق کی شدت سے دل دریدہ ہے
یہ سوزِ ہجر کریں دور کس طرح دل سے
جسے بہ ہوش و رضا ہم نے خود خریدا ہے
وہ کلبلاتی سی، معصوم حسرتِ ممنوع
گو اب بھی دل میں کہیں ہے، پہ سر بریدہ ہے
اسے خیال ہے میرا، کروں یہ کیوں ثابت؟
یہ میری خام خیالی نہیں، عقیدہ ہے!
خزاں رسیدہ ہے مدت سے یوں تو نخلِ امید
بس اک کلی ہے کہیں، اب بھی جو دمیدہ ہے
ہمیں پہ کیوں ہیں عنایاتِ کاتبِ تقدیر؟
بس ایک نام ہمارا ہی خط کشیدہ ہے؟
تماشا اس کو نہ کہیے اگر تو کیا کہیے؟
خوشی پڑی ہے جو پہلو میں، نارسیدہ ہے!
شجر جو ہم پہ کبھی تن کے سایہ افگن تھا
پلٹ کے آج جو دیکھا تو کچھ خمیدہ ہے
میں دشتِ عشقِ میں آ تو گیا، مگر راحلؔ
جنوں ہی مثلِ غزال اب کہیں رمیدہ ہے!
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خموش، سوختہ، آزردہ، غم گزیدہ ہے
غمِ فراق کی شدت سے دل دریدہ ہے
یہ سوزِ ہجر کریں دور کس طرح دل سے
جسے بہ ہوش و رضا ہم نے خود خریدا ہے
وہ کلبلاتی سی، معصوم حسرتِ ممنوع
گو اب بھی دل میں کہیں ہے، پہ سر بریدہ ہے
اسے خیال ہے میرا، کروں یہ کیوں ثابت؟
یہ میری خام خیالی نہیں، عقیدہ ہے!
خزاں رسیدہ ہے مدت سے یوں تو نخلِ امید
بس اک کلی ہے کہیں، اب بھی جو دمیدہ ہے
ہمیں پہ کیوں ہیں عنایاتِ کاتبِ تقدیر؟
بس ایک نام ہمارا ہی خط کشیدہ ہے؟
تماشا اس کو نہ کہیے اگر تو کیا کہیے؟
خوشی پڑی ہے جو پہلو میں، نارسیدہ ہے!
شجر جو ہم پہ کبھی تن کے سایہ افگن تھا
پلٹ کے آج جو دیکھا تو کچھ خمیدہ ہے
میں دشتِ عشقِ میں آ تو گیا، مگر راحلؔ
جنوں ہی مثلِ غزال اب کہیں رمیدہ ہے!
آخری تدوین:
