غزل - خوش جو آئے تھے پشیمان گئے - زہرہ نگاہ

[محمد وارث]

خوش جو آئے تھے پشیمان گئے
اے تغافل تجھے پہچان گئے

خوب ہے صاحبِ محفل کی ادا
کوئی بولا تو برا مان گئے

کوئی دھڑکن ہے نہ آنسو نہ امنگ
وقت کے ساتھ یہ طوفان گئے

اس کو سمجھے کہ نہ سمجھے لیکن
گردشِ دہر تجھے جان گئے

تیری اک ایک ادا پہچانی
اپنی اک ایک خطا مان گئے

اس جگہ عقل نے دھوکا کھایا
جس جگہ دل ترے فرمان گئے


(زہرہ نگاہ)

 

[فرخ منظور]

بہت اچھی غزل ہے - بہت شکریہ وارث صاحب!

 

[فاتح]

خوبصورت کلام شیئر کرنے پر شکریہ!
خصوصآ یہ شعر تو انتہائی خوبصورت ہے:
اس کو سمجھے کہ نہ سمجھے لیکن
گردشِ دہر تجھے جان گئے

 

[امیداورمحبت]

بہت خوب ۔ ۔

 

[زرقا مفتی]

بہت خوب
شکریہ وارث صاحب

 

[سارہ خان]

بہت اچھا انتخاب وارث بھائی شکریہ ۔۔۔:clapp:

 

[محمد وارث]

فرخ صاحب، فاتح صاحب، امید اور محبت صاحبہ، زرقا مفتی صاحبہ اور سارہ خان، آپ سب کا بہت شکریہ

 

[مغزل]

کیا کہنے وارث صاحب، واہ واہ ، کیا عمدہ کلام ہے اور حسنِ انتخاب کی بھی داد ، سبحان اللہ۔

 

[محمداحمد]

بہت خوب وارث بھائی عمدہ انتخاب ہے۔

واہ واہ ۔۔۔