محمد تابش صدیقی
منتظم
دادا مرحوم کی ایک غزل احباب کے ذوق کی نذر
نیا سلسلہ آئے دن امتحاں کا
ہے دستورِ پارینہ بزمِ جہاں کا
کرے سامنا پھر اس ابرو کماں کا
یہ دیدہ تو دیکھیں دلِ نیم جاں کا
کبھی تو وہ ہو گا جفاؤں سے تائب
ہے اک واہمہ میرے حسنِ گماں کا
سرشکِ مژہ سے کب اندازۂ غم
کسے حال معلوم سوزِ نہاں کا
زمیں دوز ہو کر رہی برقِ سوزاں
پڑا صبر آخر مرے گلستاں کا
نہ مہکے ہیں گل ہی نہ چہکے عنادل
گماں ہے بہاروں پہ دورِ خزاں کا
سنا غم کے ماروں کا قصہ کبھی جب
لگا مجھ کو ٹکڑا مری داستاں کا
جو خود کٹ گیا رہبرِ کارواں سے
خدا ہی محافظ ہے اس کارواں کا
نہ پورا ہو ہرگز نظرؔ زندگی بھر
خسارہ کہ ہے لحظۂ رائیگاں کا
محمد عبدالحمید صدیقی نظر لکھنوی
ہے دستورِ پارینہ بزمِ جہاں کا
کرے سامنا پھر اس ابرو کماں کا
یہ دیدہ تو دیکھیں دلِ نیم جاں کا
کبھی تو وہ ہو گا جفاؤں سے تائب
ہے اک واہمہ میرے حسنِ گماں کا
سرشکِ مژہ سے کب اندازۂ غم
کسے حال معلوم سوزِ نہاں کا
زمیں دوز ہو کر رہی برقِ سوزاں
پڑا صبر آخر مرے گلستاں کا
نہ مہکے ہیں گل ہی نہ چہکے عنادل
گماں ہے بہاروں پہ دورِ خزاں کا
سنا غم کے ماروں کا قصہ کبھی جب
لگا مجھ کو ٹکڑا مری داستاں کا
جو خود کٹ گیا رہبرِ کارواں سے
خدا ہی محافظ ہے اس کارواں کا
نہ پورا ہو ہرگز نظرؔ زندگی بھر
خسارہ کہ ہے لحظۂ رائیگاں کا
محمد عبدالحمید صدیقی نظر لکھنوی
