غزل: وفا کا اعلیٰ نصاب رستے

[محمد تابش صدیقی]

ایک کاوش احبابِ محفل کی بصارتوں کی نذر:

وفا کا اعلیٰ نصاب رستے
صعوبتوں کی کتاب رستے

ہیں سہل الفت کے رہرووں کو
ہوں چاہے جتنے خراب رستے

جو عذر ڈھونڈو، تو خار ہر سو
ارادہ ہو تو، گلاب رستے

چمک سے دھندلا گئی ہے منزل
بنے ہوئے ہیں سراب رستے

رہِ عزیمت کے راہیوں کو
گناہ مسکن، ثواب رستے

کمی ہے تیرے جنوں میں تابشؔ
جو بن گئے ہیں عذاب رستے
٭٭٭
محمد تابش صدیقی​

 

[محمد عدنان اکبری نقیبی]

جو عذر ڈھونڈو، تو خار ہر سو
ارادہ ہو تو، گلاب رستے

واہ کیا خوب ارشاد فرمایا ،
بہت شاندار غزل ،
اللہ کریم ذوق سخن میں حرارت پیدا فرمائے۔آمین

 

[امان زرگر]

آہا۔۔۔۔۔ کیا روانی ہے۔ بہت خوبصورت بہت اعلٰی، لطف آگیا

 

[اے خان]

عمدہ

 

[کاشف اختر]

سبحان اللہ! منفرد قافیہ کی بہت منفرد اعلیٰ غزل ہوئی ہے ماشاء اللہ! ہر شعر عمدہ ہے! بہت لطف آیا آپ کی اس غزل کو پڑھ کر!

 

[یوسف سلطان]

جو عذر ڈھونڈو، تو خار ہر سو
ارادہ ہو تو، گلاب رستے

بہت خوب۔

 

[ہادیہ]

جو عذر ڈھونڈو، تو خار ہر سو
ارادہ ہو تو، گلاب رستے

چمک سے دھندلا گئی ہے منزل
بنے ہوئے ہیں سراب رستے

واہ۔اعلٰی

 

[فرقان احمد]

ہیں سہل الفت کے رہرووں کو
ہوں چاہے جتنے خراب رستے

جو عذر ڈھونڈو، تو خار ہر سو
ارادہ ہو تو، گلاب رستے

چمک سے دھندلا گئی ہے منزل
بنے ہوئے ہیں سراب رستے

رہِ عزیمت کے راہیوں کو
گناہ مسکن، ثواب رستے

بہترین!

مطلع کی مکمل تفہیم نہ ہو سکی، لگتا ہے، اپنا مطالعہ بڑھانا پڑے گا۔

 

[عرفان سعید]

سبحان اللہ! سبحان اللہ! کیا ندرت ہے قوافی و ردیف میں، لطف آ گیا۔چھوٹی بحر میں سونامی اٹھا دیا جناب نے۔

جو عذر ڈھونڈو، تو خار ہر سو
ارادہ ہو تو، گلاب رستے

اس کی کیا بات ہے!

 

[محمد تابش صدیقی]

واہ کیا خوب ارشاد فرمایا ،
بہت شاندار غزل ،
اللہ کریم ذوق سخن میں حرارت پیدا فرمائے۔آمین

بہت شکریہ عدنان بھائی۔
تابش تو پہلے ہی غزل میں موجود ہے، اور کتنی حرارت چاہیے۔

 

[محمد تابش صدیقی]

آہا۔۔۔۔۔ کیا روانی ہے۔ بہت خوبصورت بہت اعلٰی، لطف آگیا

بہت شکریہ امان بھائی۔

 

[محمد تابش صدیقی]

عمدہ

شکراً

 

[محمد تابش صدیقی]

سبحان اللہ! منفرد قافیہ کی بہت منفرد اعلیٰ غزل ہوئی ہے ماشاء اللہ! ہر شعر عمدہ ہے! بہت لطف آیا آپ کی اس غزل کو پڑھ کر!

ممنون ہوں کاشف بھائی۔

 

[محمد تابش صدیقی]

بہت خوب۔

شکریہ یوسف بھائی

 

[محمد تابش صدیقی]

واہ۔اعلٰی

بہت شکریہ ہادیہ بہن

 

[محمد وارث]

خوبصورت غزل ہے صدیقی صاحب، کیا کہنے۔ لاجواب!

 

[محمد تابش صدیقی]

بہترین!

شکریہ فرقان بھائی۔

مطلع کی مکمل تفہیم نہ ہو سکی، لگتا ہے، اپنا مطالعہ بڑھانا پڑے گا۔

ارے فرقان بھائی کیوں شرمندہ کرتے ہیں۔ کمی ضرور میرے بیانیہ میں ہے، جو ربط واضح نہ ہو سکا۔
پہلے مصرع میں جو بات کہی ہے، دوسرے میں اس کی وضاحت ہے۔
وفا کا بہترین نصاب رستے ہیں
کیوں؟
وفا کے رستے میں لوگوں نے جو مصائب جھیلے ہیں، وہ رستوں پر ہی تو رقم ہیں۔

شاید، پھر بھی نہ سمجھ آئے تو یقیناً شعر میں بہتری کی ضرورت ہے۔

 

[محمد تابش صدیقی]

سبحان اللہ! سبحان اللہ! کیا ندرت ہے قوافی و ردیف میں، لطف آ گیا۔چھوٹی بحر میں سونامی اٹھا دیا جناب نے۔

اس کی کیا بات ہے!

محبت ہے آپ کی عرفان بھائی۔

 

[محمد تابش صدیقی]

خوبصورت غزل ہے صدیقی صاحب، کیا کہنے۔ لاجواب!

آپ کو پسند آ گئی، تو گویا محنت وصول ہوئی۔

 

[ظہیراحمدظہیر]

واہ واہ!! بہت خوب تابش بھائی !
کیا اچھا شعر ہے !

جو عذر ڈھونڈو، تو خار ہر سو
ارادہ ہو تو، گلاب رستے

کیا بات ہے گلاب رستے کی ! اللہ کرے زورِ قلم اور زیادہ !