میر غزل-وہ جو پی کر شراب نکلے گا- میر تقی میر

[پیاسا صحرا]

غزل-وہ جو پی کر شراب نکلے گا- میر تقی میر

وہ جو پی کر شراب نکلے گا
کس طرح آفتاب نکلے گا

محتسب میکدہ سے جاتا نہیں
یاں سے ہو کر خراب نکلے گا

یہی چپ ہے تو دردِ دل کہتے
منہ سے کیونکر جواب نکلے گا

جب اٹھے گا جہان سے یہ نقاب
تب ہی اس کا حجاب نکلے گا

عرق اس کا بھی مونہہ کا بو کیجو
گر کبھو یہ گلاب نکلے گا

آؤ بالیں تلک نہ ہو کے دیر
جی ہمارا شتاب نکلے گا

دفترِ داغ ہے جگر اس میں
کسو دن یہ حساب نکلے گا

تذکرے سب کے پھر رہیں گے دھرے
جب مرا انتخاب نکلے گا

میر دیکھو گے رنگ نرگس کا
اب وہ مست خواب نکلے گا

میر تقی میر​

 

[شاہ حسین]

بہت خوب جناب پیاسا صحرا صاحب اچھا انتخاب ہے ۔

 

[فاتح]

واہ کیا عمدہ انتخاب ہے۔ بہت شکریہ پیاسا صحرا صاحب۔

محتسب میکدہ سے جاتا نہیں
یاں سے ہو کر خراب نکلے گا
​

 

[فرخ منظور]

واہ کیا عمدہ انتخاب ہے۔ بہت شکریہ پیاسا صحرا صاحب۔

محتسب میکدہ سے جاتا نہیں
یاں سے ہو کر خراب نکلے گا
​

عجیب بات یہ ہے کہ مجھے بھی صرف یہی ایک شعر پسند آیا ہے۔ آپ کا بھی شکریہ!

 

[محمد وارث]

لاجواب، بہت خوبصورت غزل ہے میر کی۔ شکریہ جناب شیئر کرنے کیلیے!

 

[عمران شناور]

بہت خوب۔ شیئر کرنے کے لیے شکریہ!