غزل: کرو گے یاد تو ہر بات یاد آئے گی۔ بشر نواز

[لاريب اخلاص]

کرو گے یاد تو ہر بات یاد آئے گی
گزرتے وقت کی ہر موج ٹھہر جائے گی

یہ چاند بیتے زمانوں کا آئنہ ہوگا
بھٹکتے ابر میں چہرہ کوئی بنا ہوگا

اداس رہ ہے کوئی داستاں سنائے گی
کرو گے یاد تو ہر بات یاد آئے گی

برستا بھیگتا موسم دھواں دھواں ہوگا
پگھلتی شمع پہ چہرہ کوئی گماں ہوگا

ہتھیلیوں کی حنا یاد کچھ دلائے گی
کرو گے یاد تو ہر بات یاد آئے گی

گلی کے موڑ پہ سونا سا کوئی دروازہ
ترستی آنکھ میں رستہ کسی کا دیکھے گا

نگاہ دور تلک جا کے لوٹ آئے گی
کرو گے یاد تو ہر بات یاد آئے گی۔
بشر نواز​

 

[فرخ منظور]

بھپندر سنگھ کی آواز میں یہی غزل

 

[لاريب اخلاص]

بھپندر سنگھ کی آواز میں یہی غزل

بھپندر نے اسقدر خوبصورت غزل گا دی کہ لگتا ان سے اچھا کوئی گا ہی نہیں سکتا۔

 

[رومی]

بہت کمال کی غزل ہے