جون ایلیا غزل - کسی سے عہد و پیماں کر نہ رہیو - جون ایلیا

[محمد وارث]

کسی سے عہد و پیماں کر نہ رہیو
تُو اس بستی میں رہیو پر نہ رہیو

سفر کرنا ہے آخر دو پلک بیچ
سفر لمبا ہے بے بستر نہ رہیو

ہر اک حالت کے بیری ہیں یہ لمحے
کسی غم کے بھروسے پر نہ رہیو

ہمارا عمر بھر کا ساتھ ٹھیرا
سو میرے ساتھ تُو دن بھر نہ رہیو

بہت دشوار ہو جائے گا جینا
یہاں تُو ذات کے اندر نہ رہیو

سویرے ہی سے گھر آجائیو آج
ہے روزِ واقعہ باہر نہ رہیو

کہیں چھپ جاؤ تہ خانوں میں جا کر
شبِ فتنہ ہے اپنے گھر نہ رہیو

نظر پر بار ہو جاتے ہیں منظر
جہاں رہیو وہاں اکثر نہ رہیو

(جون ایلیا)

 

[الف عین]

شکریے کا بٹن میری طرف سے

 

[شمشاد]

بہت شکریہ وارث بھائی۔ جون ایلیا میرے پسندیدہ شاعروں میں سے ہیں۔

 

[زونی]

نظر پر بار ہو جاتے ہیں منظر
جہاں رہیو وہاں اکثر نہ رہیو



بہت شکریہ وارث بھائی ، جون ایلیا میرے بھی پسندیدہ شاعر ہیں

 

[فرحت کیانی]

تُو اس بستی میں رہیو پر نہ رہیو
بہت خوب۔۔۔ بہت شکریہ وارث

 

[زینب]

نظر پر بار ہو جاتے ہیں منظر
جہاں رہیو وہاں اکثر نہ رہیو

زبردست وارث بھائی

 

[محمد وارث]

آپ سب کا شکریہ، اعجاز صاحب، شمشاد صاحب، زونی، فرحت اور زینب، نوازش

 

[فرخ منظور]

بہت شکریہ وارث صاحب - لیکن جون ایلیا میرے پسندیدہ شاعر نہیں ہیں -

 

[محمد وارث]

شکریہ فرخ صاحب، پڑھا تو انہیں میں نے بھی زیادہ نہیں لیکن ان کی بعض غزلیں تو بس واہ واہ واہ کیا کہنے

 

[تفسیر]

بہت خوب

نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم

خموشی سے ادا ہو رسمِ دوری
کوئی ہنگامہ برپا کیوں کریں ہم

یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم

 

[محمد وارث]

شکریہ تفسیر صاحب، اور جون ایلیا کے جو اشعار آپ نے پیش کیئے ہیں واقعی لا جواب ہیں اور مجھے بھی بہت پسند۔

 

[ابوشامل]

بہت دشوار ہو جائے گا جینا
یہاں تُو ذات کے اندر نہ رہیو

کہیں چھپ جاؤ تہ خانوں میں جا کر
شبِ فتنہ ہے اپنے گھر نہ رہیو

نظر پر بار ہو جاتے ہیں منظر
جہاں رہیو وہاں اکثر نہ رہیو

یہ تین اشعار تو کمال کے ہیں، بہت اعلٰی۔ شکریہ وارث صاحب

 

[محمد وارث]

بہت شکریہ آپ کا فہد صاحب

 

[راہب]

خوب است و خوب است و خوب است

 

[محمد وارث]

بہت شکریہ راہب

 

[الف عین]

اور تفسیر وہ شعر بھول گئے
چبا لیں کیوں نہ خود اپنا ہی ڈھانچا
تمہیں راتب مہیا کیوں کریں ہم!!!
غزل کی مانوس فضا میں نہ ہوتے ہوئے بھی کیا طنزیہ شعر ہے۔۔

 

[محمد وارث]

واقعی اعجاز صاحب، کیا کمال شعر ہے

 

[یاسر شاہ]

کسی سے عہد و پیماں کر نہ رہیو
تُو اس بستی میں رہیو پر نہ رہیو

سفر کرنا ہے آخر دو پلک بیچ
سفر لمبا ہے بے بستر نہ رہیو

ہر اک حالت کے بیری ہیں یہ لمحے
کسی غم کے بھروسے پر نہ رہیو

ہمارا عمر بھر کا ساتھ ٹھیرا
سو میرے ساتھ تُو دن بھر نہ رہیو

بہت دشوار ہو جائے گا جینا
یہاں تُو ذات کے اندر نہ رہیو

سویرے ہی سے گھر آجائیو آج
ہے روزِ واقعہ باہر نہ رہیو

کہیں چھپ جاؤ تہ خانوں میں جا کر
شبِ فتنہ ہے اپنے گھر نہ رہیو

نظر پر بار ہو جاتے ہیں منظر
جہاں رہیو وہاں اکثر نہ رہیو

(جون ایلیا)

واہ محبی کیا ذوق سخن ہے۔ماشاء اللہ
میں بھی یہ غزل پیش کرنے لگا تھا پر آپ نے پہلے ہی کر رکھی ہے۔یعنی بقول اقبال:
تو جس کو سمجھتا ہے فلک اپنے جہاں کا
ممکن ہے زمیں ہو وہ کسی اور جہاں کی

اللہ تعالیٰ آپ کو صحت و عافیت سے رکھے۔آمین