منیر نیازی غزل-ہیں رواں اس راہ پر جس کی کوئی منزل نہ ہو -منیر نیازی

[پیاسا صحرا]

غزل

ہیں رواں اس راہ پر جس کی کوئی منزل نہ ہو
جستجو کرتے ہیں اسکی جو ہمیں حاصل نہ ہو

وہم یہ عجب ہے تجھ کو اے جمالِ کم نما
جیسے سب کچھ ہو مگر تو دید کے قابل نہ ہو

دشتِ نجد یاس میں دیوانگی ہو ہر طرف
ہر طرف محمل کا شک ہو اور کہیں محمل نہ ہو

چاہتا ہوں میں منیر اس عمر کے انجام پر
ایک ایسی زندگی جو اس طرح مشکل نہ ہو

منیر نیازی​

 

[محمد وارث]

شکریہ جناب شیئر کرنے کیلیے

 

[شاہ حسین]

اچھا انتخاب ہے شریک محفل کرنے کا بہت شکریہ ۔