غزل ۔۔۔ ایک لمحے کو ٹھیر کر سوچیں۔۔۔ والد گرامی جناب نصراللہ مہر صاحب

[متلاشی]

ایک لمحے کو ٹھہر کر سوچیں​

کھو گئی ہے کہاں سحر سوچیں​

​

کن علاقوں سے ہو کے آتی ہیں​

یہ ہوائیں ذرا شجر سوچیں​

​

ہاتھ تھامے گذشتہ لمحوں کا​

گھومتی ہیں نگر نگر سوچیں​

​

سرد لہجوں کے برف زاروں پر​

منجمد ہیں تمام تر سوچیں​

​

کوئی نزدیک آتا جاتا ہے​

ہوتی جاتیں ہیں معتبر سوچیں​

​

ایک لمحے کی بھول ہوتی ہے​

پھر ستاتی ہیں عمر بھر سوچیں​

​

والد گرامی جناب نصراللہ مہر صاحب​

 

[زبیر مرزا]

واہ بہت عمدہ کلام

 

[الف عین]

بہت خوب، پسند آئی۔

 

[محمد وارث]

واہ بہت خوب۔

شکریہ جناب پوسٹ کرنے کیلیے۔

 

[امیداورمحبت]

بہت خوب ۔۔۔۔۔۔۔۔۔۔

 

[محمداحمد]

خوبصوت غزل ہے بھائی!

 

[متلاشی]

سب کا شکریہ پسندیدگی کے لئے ۔۔۔!

 

[ام نور العين]

بہت عمده !

 

[محمود احمد غزنوی]

سرد لہجوں کے برف زاروں پر​

منجمد ہیں تمام تر سوچیں​

کوئی نزدیک آتا جاتا ہے​

ہوتی جاتیں ہیں معتبر سوچیں​

ایک لمحے کی بھول ہوتی ہے​

پھر ستاتی ہیں عمر بھر سوچیں​

واہ بہت خوب۔۔۔​

 

[متلاشی]

التباس مزمل شیخ بسمل محمد یعقوب آسی امجد علی راجا نایاب ابن سعید نیرنگ خیال محمد اسامہ سَرسَری فرخ منظور سید شہزاد ناصر سید زبیر مہ جبین مقدس مغزل فاتح

 

[مزمل شیخ بسمل]

خوب کلام ہے ماشا اللہ۔ بہت شکریہ شریکَ محفل فرمانے کا۔ جناب دیوانِ مہر کی بھی کوئی سافٹ کاپی شائع کریں تو ہمیں بھی یاد رکھئے گا۔

 

[نیرنگ خیال]

کوئی نزدیک آتا جاتا ہے​

ہوتی جاتیں ہیں معتبر سوچیں​

واہ کیا کہنے۔۔ لاجواب۔ بہت عمدہ ​

 

[محمد یعقوب آسی]

عمد ہے جناب متلاشی صاحب۔
کہ چھوٹی بحر میں لکھنا جتنا مشکل ہے، لکھ لیا جائے تو اتنا ہی چست ہوتا ہے!
یہاں بھی ایک دو گزارشات ہیں، قابلِ اعتناء ٹھہریں تو زہے عز و شرف ۔۔۔

 

[محمد یعقوب آسی]

ایک لمحے کو ٹھہر کر سوچیں
کھو گئی ہے کہاں سحر سوچیں

’’ٹھہرنا‘‘ (فعولن) کے وزن پر ہے، جب کہ ’’ٹھہرو، ٹھہریں‘‘ میں ہاے ہوز پر جزم آ جاتا ہے، جیسے ’’سڑک‘‘ میں ڑاے متحرک ہے، ’’سڑکوں، سڑکیں‘‘ میں ساکن ہے۔ اور بہت مثالیں ہیں: ’’تڑپنا، تڑپ، تڑپتا‘‘ لیکن ’’تڑپو، تڑپیں، تڑپی‘‘۔
بعض جگہ دیکھا ہے کہ حسبِ ضرورت ٹھہر، ٹھہرنا کی ہاے ہوز کو ساکن کرنے کی بجائے یاے سے بدل دیتے ہیں۔ ’’ٹھیرنا، ٹھیر جا‘‘ وغیرہ۔ قریب قریب وہی بات ہے کہ ’’نہ‘‘ نافیہ میں ہاے کا اعلان مقصود ہوتا ہے تو اس کو یاے سے بدل کر ’’نے‘‘ بنا لیتے ہیں۔

 

[محمد یعقوب آسی]

سرد لہجوں کے برف زاروں پر
منجمد ہیں تمام تر سوچیں

برف زاروں پر؟ ۔۔۔۔۔۔ یا ۔۔۔۔۔۔۔ برف زاروں میں؟
اس کو دیکھ لیجئے گا۔

 

[محمد یعقوب آسی]

ما شاء اللہ خوب ہے جناب، جیسے میں نے پہلے عرض کیا۔
ان کے ہاں تازہ کاری کمال کی ہے!

 

[محمد یعقوب آسی]

ریڈیو پر سنی بھی تھی ایک غزل کسی زمانے میں ۔۔۔۔۔۔۔۔
ع: ’’ٹھیر جا، چلنے ہار ہم بھی ہیں‘‘
بعد میں بھول بھال گیا، اُس کا مکمل حوالہ مل سکے تو کتنا اچھا ہو!۔

 

[محمد یعقوب آسی]

یہاں دونوں ہجے لکھے ہوئے ہیں ۔۔۔
https://ur.wiktionary.org/wiki/ٹھہرنا
اور ’’ٹھیرنا‘‘ کو متغیرات میں شمار کیا گیا ہے۔


ٹھَہَرْنا {ٹھَہَر + نا} (ہندی)
ٹھََہر، ٹھَہَرْنا
ہندی زبان سے ماخوذ اردو میں مستعمل لفظ ٹھہر کے ساتھ اردو لاحقۂ مصدر نا لگنے سے ٹھہرنا بنا۔ اردو میں بطور مصدر مستعمل ہے۔ 1500ء میں "معراج العاشقین" میں مستعمل ملتا ہے۔
متغیّرات

ٹھَیرْنا {ٹھََیر + نا} ٹَہَرنا {ٹَہَر + نا}
فعل لازم

 

[سید شہزاد ناصر]

واہ واہ
بہت خوب کلام
مختصر بحر میں بہت اچھی غزل ہے
شریک محفل کرنے کا شکریہ
شاد و آباد رہیں

 

[مہ جبین]

ایک لمحے کو ٹھہر کر سوچیں
کھو گئی ہے کہاں سحر سوچیں
بہت خوب ہے