ساغر صدیقی غزل ۔ اگرچہ ہم جا رہے ہیں محفل سے نالہ ء دل فگار بن کر ۔ ساغر صدیقی

[محمداحمد]

غزل​

​

اگرچہ ہم جا رہے ہیں محفل سے نالہ ء دل فگار بن کر​

مگر یقیں ہے کہ لوٹ آئیں گے نغمہ ء نو بہار بن کر​

​

یہ کیا قیامت ہے باغبانوں کے جن کی خاطر بہار آئی​

وہی شگوفے کھٹک رہے ہیں تمھاری آنکھوں میں خار بن کر​

​

جہان والے ہمارے گیتوں سے جائزہ لیں گے سسکیوں کا​

جہان میں پھیل جائیں گے ہم بشر بشر کی پکار بن کر​

​

بہار کی بدنصیب راتیں بُلا رہی ہیں چلے بھی آؤ​

کسی ستارے کا رُوپ لے کر، کسی کے دل کا قرار بن کر​

​

تلاشِ منزل کے مرحلوں میں یہ حادثہ اک عجیب دیکھا​

فریب راہوں میں بیٹھ جاتا ہے صورتِ اعتبار بن کر​

​

غرورِ مستی نے مار ڈالا وگرنہ ہم لوگ جی ہی لیتے​

کسی کی آنکھوں کا نُور ہو کر، کسی کے دل کا قرار بن کر​

​

دیارِ پیرِ مغاں میں آکر یہ اک حقیقت کھلی ہے ساغر​

خُدا کی بستی میں رہنے والے تو لوٹ لیتے ہیں یار بن کر​

​

ساغر صدیقی​

​

 

[سید شہزاد ناصر]

بہت خوب انتخاب
شاد و آباد رہیں

 

[محمداحمد]

بہت خوب انتخاب
شاد و آباد رہیں

بہت شکریہ سید شہزاد ناصر صاحب۔

 

[نایاب]

کیا ہی خوب انتخاب
تلاشِ منزل کے مرحلوں میں یہ حادثہ اک عجیب دیکھا
فریب راہوں میں بیٹھ جاتا ہے صورتِ اعتبار بن کر

 

[محمداحمد]

کیا ہی خوب انتخاب
تلاشِ منزل کے مرحلوں میں یہ حادثہ اک عجیب دیکھا
فریب راہوں میں بیٹھ جاتا ہے صورتِ اعتبار بن کر

بہت شکریہ نایاب بھائی۔۔۔!

 

[مدیحہ گیلانی]

یہ کیا قیامت ہے باغبانوں کے جن کی خاطر بہار آئی​

وہی شگوفے کھٹک رہے ہیں تمھاری آنکھوں میں خار بن کر۔
واہ واہ عمدہ انتخاب ۔۔خوب ہے​

 

[محمد وارث]

کیا ہی اچھی غزل ہے۔

شکریہ احمد صاحب ارسال فرمانے کیلیے

 

[محمداحمد]

یہ کیا قیامت ہے باغبانوں کے جن کی خاطر بہار آئی​

وہی شگوفے کھٹک رہے ہیں تمھاری آنکھوں میں خار بن کر۔​

واہ واہ عمدہ انتخاب ۔۔خوب ہے​

انتخاب کی پسندیدگی کا شکریہ ! مدیحہ صاحبہ

 

[محمداحمد]

کیا ہی اچھی غزل ہے۔

شکریہ احمد صاحب ارسال فرمانے کیلیے

بہت شکریہ وارث بھائی۔۔۔۔!

 

[کاشفی]

عمدہ جناب!