غزل ۔ دل نے اپنی زباں کا پاس کیا ۔ رسا چغتائی

[محمداحمد]

غزل ​

​

دل نے اپنی زباں کا پاس کیا​

آنکھ نے جانے کیا قیاس کیا​

​

کیا کہا بادِ صبح گاہی نے​

کیا چراغوں نے التماس کیا​

​

کچھ عجب طور زندگانی کی​

گھر سے نکلے نہ گھر کا پاس کیا​

​

عشق جی جان سے کیا ہم نے​

اور بے خوف و بے ہراس کیا​

​

رات آئی ادھر ستاروں نے​

شبنمی پیرہن لباس کیا​

​

سایۂ گل تو میں نہیں جس نے​

گُل کو دیکھا نہ گُل کو باس کیا​

​

بال تو دھوپ میں سفید کیے​

زرد کس چھاؤں میں لباس کیا​

​

کیا ترا اعتبار تھا تو نے​

کیا غضب شہرِ ناسپاس کیا​

​

کیا بتاؤں سبب اُداسی کا​

بے سبب میں اسے اُداس کیا​

​

زندگی اک کتاب ہے جس سے​

جس نے جتنا بھی اقتباس کیا​

​

جب بھی ذکرِ غزل چھڑا اُس نے​

ذکر میرا بطورِ خاص کیا​

​

رساؔ چغتائی​

 

[مدیحہ گیلانی]

واہ خوب ہے !
زندگی اک کتاب ہے جس سے
جس نے جتنا بھی اقتباس کیا
بال تو دھوپ میں سفید کیے
زرد کس چھاؤں میں لباس کیا
کیا بات ہے ! شکریہ محمداحمد ۔

 

[شیزان]

زندگی اک کتاب ہے جس سے
جس نے جتنا بھی اقتباس کیا
بہت عمدہ انتخاب احمد بھائی

 

[محمداحمد]

واہ خوب ہے !
زندگی اک کتاب ہے جس سے
جس نے جتنا بھی اقتباس کیا
بال تو دھوپ میں سفید کیے
زرد کس چھاؤں میں لباس کیا
کیا بات ہے ! شکریہ محمداحمد ۔

زندگی اک کتاب ہے جس سے
جس نے جتنا بھی اقتباس کیا
بہت عمدہ انتخاب احمد بھائی

بہت شکریہ۔۔۔۔!

میری پسند آپ کو پسند آئی ۔۔۔! اچھا لگا ۔

 

[سید زبیر]

خوش رہیں محمداحمد ! خوبصورت کلام شریک محفل کیا ، بہت شکریہ
عشق جی جان سے کیا ہم نے
اور بے خوف و بے ہراس کیا