غزل ۔ رات درکار تھا سنبھالا مجھے ۔ رسا چغتائی

[محمداحمد]

غزل​

​

رات درکار تھا سنبھالا مجھے​

دیکھتا ہی رہا پیالہ مجھے​

​

جانے کس شام کا ستارہ ہوں​

جانے کس آنکھ نے اُجالا مجھے​

​

میرے دل سے اُتار دے نہ کہیں​

ایک دن یہ ترا حوالہ مجھے​

​

کس طرح میں زمیں کا رزق ہوا​

کس طرح اس زمیں نے پالا مجھے​

​

اور کتنی ہے زندگی میری​

اور کرنا ہے کیا ازالہ مجھے​

​

اس سے پہلے نظر نہیں آیا ​

اس طرح چاند کا یہ ہالا مجھے​

​

آدمی کس کمال کا ہوگا​

جس نے تصویر سے نکالا مجھے​

​

میں تجھے آنکھ بھر کے دیکھ سکوں​

اتنا کافی ہے بس اُجالا مجھے​

​

اُس نے منظر بدل دیا یکسر​

چاہیے تھا ذرا سنبھالا مجھے​

​

اور کچھ یوں ہوا کہ بچوں نے​

چھینا جھپٹی میں توڑ ڈالا مجھے​

​

یاد ہیں آج بھی رساؔ وہ ہاتھ​

اور روٹی کا وہ نوالہ مجھے​

​

رسا چغتائی​

​

 

[سید زبیر]

لا جواب کلام
کس طرح میں زمیں کا رزق ہوا
کس طرح اس زمیں نے پالا مجھے

 

[محمداحمد]

لا جواب کلام
کس طرح میں زمیں کا رزق ہوا
کس طرح اس زمیں نے پالا مجھے

بہت شکریہ زبیر صاحب۔۔۔۔۔!

 

[مدیحہ گیلانی]

اور کتنی ہے زندگی میری​

اور کرنا ہے کیا ازالہ مجھے
بہت خوب !​

 

[شیزان]

میرے دل سے اُتار دے نہ کہیں
ایک دن یہ ترا حوالہ مجھے
بہت خوب جناب

 

[محمداحمد]

اور کتنی ہے زندگی میری​

اور کرنا ہے کیا ازالہ مجھے​

بہت خوب !​

میرے دل سے اُتار دے نہ کہیں
ایک دن یہ ترا حوالہ مجھے
بہت خوب جناب

شکریہ انتخاب کی پسندیدگی اور پذیرائی کا۔۔۔۔!