لیاقت علی عاصم غزل ۔ کشتِ اُمّید بارور نہ ہُوئی ۔ لیاقت علی عاصمؔ

[محمداحمد]

غزل

کشتِ اُمّید بارور نہ ہُوئی
لاکھ سورج اُگے سحر نہ ہُوئی

ہم مُسافر تھے دھوپ کے ہم سے
ناز برداریِ شجر نہ ہُوئی

مُجھ کو افسوس ہے کہ تیری طرف
سب نے دیکھا مِری نظر نہ ہُوئی

گھر کی تقسیم کے سِوا اب تک
کوئی تقریب میرے گھر نہ ہُوئی

نام میرا تو تھا سرِ فہرست
اتفاقاً مجھے خبر نہ ہُوئی

جانے کیا اپنا حال کر لیتا
خیر گُزری اُسے خبر نہ ہُوئی

لیاقت علی عاصمؔ​

 

[محمداحمد]

کل محفل پر سیاسی درجہ حرارت کافی زیادہ تھا، سو ہم نے ایک دو غزلیں لگائیں تھیں۔ لیکن چونکہ ماحول مشاعرے کے بجائے مناظرے کا سا تھا سو شاعری نے از خود گوشہ ء عافیت کو ترجیح دی۔

اب پھر ایک کوشش کر رہے ہیں۔

 

[نیرنگ خیال]

ہم مُسافر تھے دھوپ کے ہم سے
ناز برداریِ شجر نہ ہُوئی

مُجھ کو افسوس ہے کہ تیری طرف
سب نے دیکھا مِری نظر نہ ہُوئی

اعلیٰ۔۔۔ واہ۔۔۔

 

[نیرنگ خیال]

کل محفل پر سیاسی درجہ حرارت کافی زیادہ تھا، سو ہم نے ایک دو غزلیں لگائیں تھیں۔ لیکن چونکہ ماحول مشاعرے کے بجائے مناظرے کا سا تھا سو شاعری نے از خود گوشہ ء عافیت کو ترجیح دی۔

اب پھر ایک کوشش کر رہے ہیں۔

محفل پر آج کل یوں بھی مناظرے کا سماں رہتا ہے۔۔۔۔
ہر طرف مناظرے کی چادر تنی ہوئی
دیکھو ذرا تو شاعری ہے نکڑے لگی ہوئی

 

[محمداحمد]

ہم مُسافر تھے دھوپ کے ہم سے
ناز برداریِ شجر نہ ہُوئی

مُجھ کو افسوس ہے کہ تیری طرف
سب نے دیکھا مِری نظر نہ ہُوئی

اعلیٰ۔۔۔ واہ۔۔۔

محفل پر آج کل یوں بھی مناظرے کا سماں رہتا ہے۔۔۔ ۔
ہر طرف مناظرے کی چادر تنی ہوئی
دیکھو ذرا تو شاعری ہے نکڑے لگی ہوئی

واقعی اب تو یہ حال ہے کہ بندہ اور خود ہی اپنے من میں ڈوب کے پا لے سُراغِ زندگی

 

[فرحت کیانی]

ہم مُسافر تھے دھوپ کے ہم سے
ناز برداریِ شجر نہ ہُوئی

بہت خوب۔ واہ۔ شیئرنگ کے لئے بہت شکریہ محمداحمد ! ۔

 

[محمداحمد]

ہم مُسافر تھے دھوپ کے ہم سے
ناز برداریِ شجر نہ ہُوئی

بہت خوب۔ واہ۔ شیئرنگ کے لئے بہت شکریہ محمداحمد ! ۔

 

[طارق شاہ]

کشتِ اُمّید بارور نہ ہُوئی
لاکھ سورج اُگے سحر نہ ہُوئی
اچھا ہے !
۔۔۔۔۔۔۔۔۔۔۔۔
مُجھ کو افسوس ہے کہ تیری طرف
سب نے دیکھا مِری نظر نہ ہُوئی
کیا کہنے صاحب ، بہت ہی خُوب
۔۔۔۔۔۔۔۔۔۔۔۔
گھر کی تقسیم کے سِوا اب تک
کوئی تقریب میرے گھر نہ ہُوئی
کچھ یوں اور اچھا ہوتا کہ:
وقتِ تقسیم کے سِوا اب تک !
کوئی یکجائی میرے گھر نہ ہُوئی
۔۔۔۔۔۔۔۔۔۔۔۔
نام میرا تو تھا سرِ فہرست
اتفاقاً مجھے خبر نہ ہُوئی
جس کی مجھ کو ہی بس خبر نہ ہوئی
(اس سے اوروں کے علم میں ہونا اور آپ سے کہنے کا پتہ چلتا ہے ، اور تقریب کا ہونا بھی ظاہر ہوتا ہے )
۔۔۔۔۔۔۔۔۔۔۔۔
احمد صاحب ، ایک اچھی غزل شیئر کرنے کے لئے تشکّر !
بہت خوش رہیں صاحب

​

 

[محمد بلال اعظم]

ہم مُسافر تھے دھوپ کے ہم سے
ناز برداریِ شجر نہ ہُوئی
گھر کی تقسیم کے سِوا اب تک
کوئی تقریب میرے گھر نہ ہُوئی

واہہہہہہہہہہہہ
لاجواب اشعار

 

[محمداحمد]

بہت شکریہ طارق شاہ صاحب اور محمد بلال اعظم صاحب

 

[محمداحمد]

محترم محمد وارث صاحب ۔۔۔۔!

السلام علیکم،

کیا یہ ممکن ہے کہ لیاقت علی عاصم صاحب کا پری فکس بن جائے پسندیدہ کلام کے لئے؟

 

[نوید رزاق بٹ]

گھر کی تقسیم کے سِوا اب تک
کوئی تقریب میرے گھر نہ ہُوئی

نام میرا تو تھا سرِ فہرست
اتفاقاً مجھے خبر نہ ہُوئی

سبحان اللہ، بہت خوب۔ سادہ اور خوبصورت انداز۔

 

[محمد بلال اعظم]

بہت شکریہ طارق شاہ صاحب اور محمد بلال اعظم صاحب

احمد بھائی۔۔۔۔ باقی سب تو ٹھیک ہے مگر یہ "صاحب" کا لاحقہ میرے نام کے ساتھ آپ کی زبان سے اچھا نہیں لگتا
اچھے ہیں وہ لوگ جو تکلف نہیں کرتے
چھوڑیے ان تکلفات کو