غزل

[ذیشان خالق]

یہ میری پہلی غزل ہے آپ سب سے اصلاح کی درخواست ہے

کبھی جو تھے ہمدم ہمارے وہ پیارے کہاں گئے
مسیحا تھے میرے درد کے وہ سہارے کہاں گٰئے
عمر دراز سے ھیں پڑے اسی دشت جنون میں
اترے جہاں سے تھے یہاں وہ کنارے کہاں گٰئے
نہٰیں جانتے اب کیسے ہو گا زندگی کا سفر رواں
رہنما تھے بنے جو میرے وہ ستارے کہاں گئے
کبھی جھکتی ہوئی نظریں کبھی اٹھتی ہوئی پلکیں
تری مست نظروں کے جاناں وہ اشارے کہاں گئے
حال دل اپنا سنا کر محبت سے جو روکتے تھے
قیس، رانجھا اور مجنوں وہ بیچارے کہا ں گئے
ہاں رنگینیوں سے شانی نہیں دنیااب بھی خالی
مگر اس میں محبت کے وہ اشارے کہاں گئے

 

[نایاب]

واہہہہہہہہہہہ
عمر دراز سے ھیں پڑے اسی دشت جنون میں
اترے جہاں سے تھے یہاں وہ کنارے کہاں گٰئے
بہت خوب بہت دعائیں

 

[ذیشان خالق]

واہہہہہہہہہہہ
عمر دراز سے ھیں پڑے اسی دشت جنون میں
اترے جہاں سے تھے یہاں وہ کنارے کہاں گٰئے
بہت خوب بہت دعائیں

بہت شکریہ

 

[محمد یعقوب آسی]

جنابِ ذیشان خالق ۔
آپ کو دو مشورے دوں گا۔
اول: شاعری ضرور کیجئے گا مگر تعلیم پہلے! رسمی یا غیر رسمی جو بھی ہو جیسی بھی ہو، وہ آپ بہتر جانتے ہیں۔
دوم: شعر میں آہنگ بہت بنیادی اہمیت رکھتا ہے۔ آپ ناصر کاظمی اور احمد فراز کی غزلیں پڑھئے، اور بار بار پڑھئے۔ پڑھتے میں آپ کی آواز اتنی ضرور ہو کہ آپ خود اس کو سن سکیں۔ پڑھنے میں کوشش کیجئے کہ ایک غزل کا ہر مصرع ایک سے اتار چڑھاؤ کے ساتھ ادا ہو۔ جب آپ یہ سمجھ لیں کہ آپ اپنے الفاظ میں یا شعر کہنے کی کوشش میں اس اتار چڑھاؤ کو قائم رکھ لیں گے، تب شعر کہئے اور جی بھر کر کہئے۔
آہنگ، لحن، سُر، لے، وزن، وغیرہ ۔۔۔ ایک ہی چیز ہے۔

جاری ہے ۔۔۔

 

[محمد یعقوب آسی]

مثال کے طور پر ہم یہ چند شعر پڑھتے ہیں۔

میں نے روکا بھی نہیں اور وہ ٹھہرا بھی نہیں
حادثہ کیا تھا جسے دل نے بھلایا بھی نہیں
جانے والوں کو کہاں روک سکا ہے کوئی
تم چلے ہو تو کوئی روکنے والا بھی نہیں
وہ تو صدیوں کا سفر کر کے یہاں پہنچا تھا
تو نے جس شخص کو منہ پھیر کے دیکھا بھی نہیں

ان کو پڑھنے میں ہم ایسا کریں گے کہ لکھے ہوئے الفاظ میں الف، واو، یے، اور چھوٹی ’’ے‘‘ کو ہر جگہ نہیں بلکہ جہاں ضروری محسوس ہو اس قدر تھوڑا ٹائم دیں کہ وہ الف واو یے کی بجائے زبر پیش اور زیر لگے تاکہ شعر کے اندر الفاظ کی ادائیگی میں ایک جیسا تموج پیدا ہو سکے۔ یاد رہے کہ نون غنہ صوتی لحاظ سے کچھ بھی نہیں سوائے اس کے کہ آواز ناک سے نکلتی ہے۔ ہم جس انداز میں ان شعروں کو پڑھیں گے اس کی فرض کیجئے املا بنائی جائے تو چلئے اس کو ’’املائے اصوات‘‘ کا نام دے لیجئے۔ وہ کچھ ایسی ہو گی:

مے نِ رو کا بھِ ن ہی او ر وُ ٹھہ را بھِ ن ہی

حا د ثہ کا تھ ج سے دل نِ بھ لا یا بھِ ن ہی

الفاظ ٹوٹ کر اجزا میں تقسیم ہو گئے۔ اس کو تقطیع کا نام دے لیتے ہیں۔

اب ان کا تجزیہ کیجئے: مے (دو حرف جو آپس میں جڑ کر ایک آواز بناتے ہیں)، نِ (اکیلا حرف)، رو (دو جڑے ہوئےحرف)، کا (دو جڑے ہوئے حرف)، بھِ ن (دو الگ الگ حرف)، ہی (دو جڑے ہوئے حرف)، او (دو جڑے ہوئے حرف)، ر وُ (دو الگ الگ حرف)، ٹھہ (دو جڑے ہوئے حرف)، را (دو جڑے ہوئے حرف)، بھِ ن (دو الگ الگ حرف)، ہی (دو الگ الگ حرف)۔ بالکل آخر میں ہی سے پہلے جو دو الگ الگ حرف ہیں ان کے مقابل دو جڑے ہوئے حرف آ سکتے ہیں۔

مزید تفصیلات کسی اور وقت پر اٹھائے رکھتے ہیں۔

 

[محمد یعقوب آسی]

ارکان کیا ہیں، بحر کا نام کیا ہے وغیرہ وہ بہت اہم ہے مگر یہاں تک ہم صرف ادائیگی کی بات کر رہے ہیں۔ دیے گئے سب مصرعوں کو اسی طرح ادا کیجئے۔ یہ سب اس آہنگ یا وزن پر پورے اترتے ہیں۔

اس طرح غزلوں کی غزلیں پڑھتے چلے جائیے۔ آپ کے اندر ’’وزن‘‘ کا ادراک پختہ ہو جائے گا۔ پھر آپ شعر کہیں تو الفاظ اور ان کی ترتیب ایسی رکھئے کہ وہ اپنی اکائی کے اندر کسی نہ کسی ایسی، اس سے ملتی جلتی، یا مختلف ترتیب میں ہوں مگر آپس میں ان کی یہ ترتیب مکمل طور پر ایک سی ہو۔

 

[محمد یعقوب آسی]

مزید جاننا چاہیں تو راقم کی کتاب ’’آسان عروض کے دس سبق‘‘ میں پہلے سبق کا مطالعہ کیجئے۔

 

[محمد یعقوب آسی]

مشق کے لئے انہیں دیے گئے شعروں کو پڑھئے اور بار بار پڑھئے۔

 

[محمد یعقوب آسی]

مثال کے طور پر ہم یہ چند شعر پڑھتے ہیں۔
۔۔۔ ۔۔۔ ۔۔۔
ان کو پڑھنے میں ہم ایسا کریں گے کہ لکھے ہوئے الفاظ میں الف، واو، یے، اور چھوٹی ’’ے‘‘ کو ہر جگہ نہیں بلکہ جہاں ضروری محسوس ہو اس قدر تھوڑا ٹائم دیں کہ وہ الف واو یے کی بجائے زبر پیش اور زیر لگے تاکہ شعر کے اندر الفاظ کی ادائیگی میں ایک جیسا تموج پیدا ہو سکے۔ ۔۔۔ ۔۔۔ ۔۔۔
مزید تفصیلات کسی اور وقت پر اٹھائے رکھتے ہیں۔

ہر جگہ نہیں بلکہ جہاں ضروری محسوس ہو
یہ وہ ’’احساس‘‘ ہے جو بندے کے اندر یا تو موجود ہوتا ہے یا نہیں ہوتا۔ اور اسی کی بنا پر کہا جاتا ہے کہ:
شاعر یا تو ہوتا ہے یا نہیں ہوتا
اور یہ کہ
آپ کسی غیرشاعر کو شاعر بنا نہیں سکتے، ایک کمزور شاعر کو اچھا شاعر بنا سکتے ہیں۔

 

[ذیشان خالق]

جی بہت بہتر میں عمل کروں گا اپ کی ہدایات راور بہت پیاری بات کہی ھے اپ نے کہ
یہ وہ ’’احساس‘‘ ہے جو بندے کے اندر یا تو موجود ہوتا ہے یا نہیں ہوتا۔ اور اسی کی بنا پر کہا جاتا ہے کہ:
شاعر یا تو ہوتا ہے یا نہیں ہوتا
اور یہ کہ
آپ کسی غیرشاعر کو شاعر بنا نہیں سکتے، ایک کمزور شاعر کو اچھا شاعر بنا سکتے ہیں۔

 

[محمد اسامہ سَرسَری]

بہت ہی عمدہ انداز میں سمجھاتے ہیں آپ ماشاءاللہ۔۔۔۔۔
جزاکم اللہ خیرا۔

 

[ملائکہ]

اچھی غزل لکھی ہے

 

[ذیشان خالق]

شکریہ ملائکہ