نوشی گیلانی غزل

[ہارون اعجاز]

رُکتا بھی نہیں ٹھیک سے ، چلتا بھی نہیں ھے
یہ دل کہ تیرے بعد ، سنبھلتا بھی نہیں ھے

اک عمر سے ھم اُس کی تمنا میں ھیں بے خواب
وہ چاند جو آنگن میں ، اُترتا بھی نہیں ھے

پھر دل میں تیری یاد کے ، منظر ھیں فروزاں
ایسے میں کوئی ، دیکھنے والا بھی نہیں ھے

ھمراہ بھی خواھش سے ، نہیں رھتا ھمارے
اور بامِ رفاقت سے ، اُترتا بھی نہیں ھے

اِس عمر کے صحرا سے ، تری یاد کا بادل
ٹلتا بھی نہیں ، اور برستا بھی نہیں ھے

نوشی گیلانی

 

[صاحب عالم]

صنف نازک کی عکاسی کرتی ہے یہ غزل !
بہت خوب ۔صاحب عالم

 

[دائم]

بے حد خوب صورت غزل، ترنم اور نزاکت کی ملی جلی کیفیات اور رنگِ یاس و قنوط میں گُندھی ہوئی شاندار غزل

 

[سردار محمد نعیم]

عمدہ انتخاب