غصہ دلِ حزین پہ اور گھونٹ صبر کے (قطعہ)

[محمد اسامہ سَرسَری]

غصہ دلِ حزین پہ اور گھونٹ صبر کے
کیوں ہجر میں پئیں یہی دو آتشہ شراب
وصلِ خدا کی آؤ پئیں صبح و شام ہم
یہ فجر و ظہر و عصر ، یہ مغرب ، عشا شراب​

 

[مہدی نقوی حجاز]

اچھا قطعہ ہے۔ بس فارسی ترکیب بناتے ہوئے اس بات کی طرف دھیان دینا ضروری ہے کہ ن کا اعلان نہیں ہوتا۔ "دلِ حزیں" درست ترکیب اور تلفظ ہے۔

 

[محمد اسامہ سَرسَری]

اچھا قطعہ ہے۔ بس فارسی ترکیب بناتے ہوئے اس بات کی طرف دھیان دینا ضروری ہے کہ ن کا اعلان نہیں ہوتا۔ "دلِ حزیں" درست ترکیب اور تلفظ ہے۔

مہدی بھائی! "حزیں" کے بجائے "ملول" کردوں؟ کیا خیال ہے؟

 

[مہدی نقوی حجاز]

مہدی بھائی! "حزیں" کے بجائے "ملول" کردوں؟ کیا خیال ہے؟

پہ کو ہٹا کر ملول کے ساتھ کا لگا دیں، ایک اور بدیعی خوبی پیدا ہو جائے گی، آخر میں "کے" کی مناسبت سے:
غصہ دلِ ملول کا اور گھونٹ صبر کے

لیکن چوں کہ یہ غم و غصہ والا غصہ معلوم ہوتا ہے، لہٰذا ملول یا حزیں یہ دونوں تکرار موضوع ہیں، غصے کو بھی تبدیل کردیں تو مزید حسین ہو جائے گا مصرع۔

 

[محمد اسامہ سَرسَری]

پہ کو ہٹا کر ملول کے ساتھ کا لگا دیں، ایک اور بدیعی خوبی پیدا ہو جائے گی، آخر میں "کے" کی مناسبت سے:
غصہ دلِ ملول کا اور گھونٹ صبر کے

لیکن چوں کہ یہ غم و غصہ والا غصہ معلوم ہوتا ہے، لہٰذا ملول یا حزیں یہ دونوں تکرار موضوع ہیں، غصے کو بھی تبدیل کردیں تو مزید حسین ہو جائے گا مصرع۔

غصہ دلِ جوان کا اور گھونٹ صبر کے

 

[مہدی نقوی حجاز]

غصہ دلِ جوان کا اور گھونٹ صبر کے

یہ خوب ہے۔

 

[محمد یعقوب آسی]

ایک بڑا موضوع تراکیب کے بوجھ تلے دب گیا ۔

 

[محمد اسامہ سَرسَری]

ایک بڑا موضوع تراکیب کے بوجھ تلے دب گیا ۔

استاد جی! مقصود صرف موضوع نہیں ، بلکہ مشہور موضوع کو نئے انداز میں پیش کرنا ہے۔

 

[شیرازخان]

بہت اعلیٰ جی۔۔۔۔!!!

 

[محمد یعقوب آسی]

استاد جی! مقصود صرف موضوع نہیں ، بلکہ مشہور موضوع کو نئے انداز میں پیش کرنا ہے۔

جو مزاجِ یار میں آئے!

 

[محمد اسامہ سَرسَری]

بہت اعلیٰ جی۔۔۔۔!!!

بہت شکریہ بھائی۔