رضا غم ہو گئے بے شمار آقا

[مہ جبین]

غم ہوگئے بے شمار آقا
بندہ تیرے نثار آقا

بگڑا جاتا ہے کھیل میرا
آقا آقا سنوار آقا

منجدھار پہ آکے ناؤ ٹوٹی
دے ہاتھ کہ ہوں میں پار آقا

ٹوٹی جاتی ہے پیٹھ میری
للہ یہ بوجھ اتار آقا

ہلکا ہے اگر ہمارا پلّہ
بھاری ہے تیرا وقار آقا

مجبور ہیں ہم تو فکر کیا ہے
تم کو تو ہے اختیار آقا

میں دور ہوں تم تو ہو مِرے پاس
سن لو میری پکار آقا

مجھ سا کوئی غم زدہ نہ ہوگا
تم سا نہیں غم گسار آقا

گرداب میں پڑ گئی ہے کشتی
ڈوبا ڈوبا ، اتار آقا

تم وہ کہ کرم کو ناز تم سے
میں وہ کہ بدی کو عار آقا

پھر منہ نہ پڑے کبھی خزاں کا
دے دے ایسی بہار آقا

جس کی مرضی خدا نہ ٹالے
میرا ہے وہ نامدار آقا

سویا کیےنابکار بندے
رویا کیے زار زار آقا

اُن کے ادنیٰ گدا پہ مٹ جائیں
ایسے ایسے ، ہزار آقا

اتنی رحمت رضا پہ کرلو
لا یَقرُبُہُ البَوار آقا

اعلیٰ حضرت الشاہ حضرت امام احمد رضا خان بریلوی رحمۃاللہ علیہ
ِِِ

 

[کامران]

جزاک اللہ

 

[مہ جبین]

کلام کی پسندیدگی کا بہت شکریہ کامران بھائی

 

[نایاب]

سبحان اللہ
جزاک اللہ خیراء

 

[چھوٹاغالبؔ]

سبحان اللہ سبحان اللہ
بہت اعلیٰ، نہایت عمدہ انتخاب آپی جی
بہت بہت زبردست

جزاک اللہ جزاک اللہ

 

[مہ جبین]

بہت شکریہ اویس اور نایاب بھائی
سدا خوش رہیں

 

[کامران]

مہ جبین بہن آپ کی تمام پوسٹ بہت اچھی ہوتی ہیں۔

 

[Rehmat_Bangash]

تم وہ کہ کرم کو ناز تم سے
میں وہ کہ بدی کو عار آقا

سبحان اللہ،ہزاروں لاکھوں کروڑوں درود و سلام ہوں، ہمارے آقا حضرت محمد صلی اللہ وعلیہ وسلم پر،

 

[مہ جبین]

الحمدللہ رب العالمین
یہ سب ربِّ کریم کی بے پایاں رحمت ہے ، سرکارِ دوعالم صل اللہ علیہ وسلم کی نظرِ کرم اور اولیاء کرام رضوان اللہ علیہم اجمعین کا فیضانِ عام ہے

میری حیثیت تو مکھی کے پر کی جتنی بھی نہیں ہے ۔۔۔!!!

​

یہ سب تمہارا کرم ہے آقا ( صلی اللہ علیہ وسلم )​

کہ بات اب تک بنی ہوئی ہے​

جزاک اللہ خیراً کامران بھائی اور رحمت بنگش بھائی !

 

[حسیب نذیر گِل]

نعت کا ایک ایک شعر میرے جیسے بےکس پر فٹ آتا ہے دل کرتا ہے بار بار پڑھوں۔
جزاک اللہ خیراً

 

[سید زبیر]

تم وہ کہ کرم کو ناز تم سے
میں وہ کہ بدی کو عار آقا
جزاک اللہ