حسان خان
لائبریرین
مرے سخن کی بہاروں کا لطف اٹھاؤ۔۔ مگر
مرے نصیب کی فصلِ خزاں سے دور رہو
مرے دیارِ طرب کے شگفتہ سیاحو
مرے محلِّ غمِ جاوداں سے دور رہو
مری زبورِ ترنم پہ جھومنے والو
مرے تنورِ دلِ نوحہ خواں سے دور رہو
مرے تخیلِ گوہر فشاں کے مداحو
مرے تسلسلِ اشکِ رواں سے دور رہو
سخن کے راگ کی جوئے دواں کے پیراکو
سخن کی آگ کے رقصِ دخاں سے دور رہو
کڑک رہی ہے جو میری حیات کے سر پر
مبصرانِ سخن، اُس کماں سے دور رہو
مرے نفس کی کھنکتی صدا کے متوالو
مرے جگر کی کھٹکتی سناں سے دور رہو
تمام شورش و طوفاں، تمام برق و شرار
مری زمیں سے، مرے آسماں سے دور رہو
جو گامزن ہے پئے جستجوئے "ذات و صفات"
مرے خیال کے اُس کارواں سے دور رہو
بھرا ہوا ہے یہاں مالِ صرصر و سیلاب
مرے جہاز، مرے بادباں سے دور رہو
یہاں دیارِ یخ و زمہریر میں بھی آگ
مرے تامّلِ دوزخ چکاں سے دور رہو
یہاں سُرور سے بڑھتا ہے اور سوزِ شعور
مری صراحیِ آتش فشاں سے دور رہو
ہنوز تم کو میسر نہیں سبک روحی
مری امانتِ رطلِ گراں سے دور رہو
ابھی ہے تم سے بہت دور کعبۂ وحدت
مرے طوافِ حریمِ بتاں سے دور رہو
ارے یہ نہرِ تنک موجِ سلسبیل نہیں
مرے شعور کے سیلِ رواں سے دور رہو
فقط نگاہ میں رکھو مری برآمدِ سود
مری درآمدِ جنسِ زیاں سے دور رہو
مرے شعارِ تواضع کے پوجنے والو
مرے نیاز کے نازِ شہاں سے دور رہو
بھرا ہوا ہے جو میرے جھکے ہوئے سر میں
اُس انکسارِ غرور آشیاں سے دور رہو
جس احتسابِ زمان و مکاں میں غرق ہے جوش
اُس احتسابِ زمان و مکاں سے دور رہو
(جوش ملیح آبادی)
مرے نصیب کی فصلِ خزاں سے دور رہو
مرے دیارِ طرب کے شگفتہ سیاحو
مرے محلِّ غمِ جاوداں سے دور رہو
مری زبورِ ترنم پہ جھومنے والو
مرے تنورِ دلِ نوحہ خواں سے دور رہو
مرے تخیلِ گوہر فشاں کے مداحو
مرے تسلسلِ اشکِ رواں سے دور رہو
سخن کے راگ کی جوئے دواں کے پیراکو
سخن کی آگ کے رقصِ دخاں سے دور رہو
کڑک رہی ہے جو میری حیات کے سر پر
مبصرانِ سخن، اُس کماں سے دور رہو
مرے نفس کی کھنکتی صدا کے متوالو
مرے جگر کی کھٹکتی سناں سے دور رہو
تمام شورش و طوفاں، تمام برق و شرار
مری زمیں سے، مرے آسماں سے دور رہو
جو گامزن ہے پئے جستجوئے "ذات و صفات"
مرے خیال کے اُس کارواں سے دور رہو
بھرا ہوا ہے یہاں مالِ صرصر و سیلاب
مرے جہاز، مرے بادباں سے دور رہو
یہاں دیارِ یخ و زمہریر میں بھی آگ
مرے تامّلِ دوزخ چکاں سے دور رہو
یہاں سُرور سے بڑھتا ہے اور سوزِ شعور
مری صراحیِ آتش فشاں سے دور رہو
ہنوز تم کو میسر نہیں سبک روحی
مری امانتِ رطلِ گراں سے دور رہو
ابھی ہے تم سے بہت دور کعبۂ وحدت
مرے طوافِ حریمِ بتاں سے دور رہو
ارے یہ نہرِ تنک موجِ سلسبیل نہیں
مرے شعور کے سیلِ رواں سے دور رہو
فقط نگاہ میں رکھو مری برآمدِ سود
مری درآمدِ جنسِ زیاں سے دور رہو
مرے شعارِ تواضع کے پوجنے والو
مرے نیاز کے نازِ شہاں سے دور رہو
بھرا ہوا ہے جو میرے جھکے ہوئے سر میں
اُس انکسارِ غرور آشیاں سے دور رہو
جس احتسابِ زمان و مکاں میں غرق ہے جوش
اُس احتسابِ زمان و مکاں سے دور رہو
(جوش ملیح آبادی)
