فرمان علی ارمان : وہ چاند نگر کی شہزادی

[سید زبیر]

وہ چاند نگر کی شہزادی​

​

وہ چاند نگر کی شہزادی​

خوشبو کی باتیں کرتی تھی​

رنگوں کو پہنا کرتی تھی​

خوابوں سے کھیلا کرتی تھی​

پھولوں میں مہکا کرتی تھی​

اک رات ، جو راتوں جیسی تھی​

چاہت کی باتوں جیسی تھی​

اس رات خیالوں کی چادر​

میں تنہا اوڑھے بیٹھا تھا​

کچھ زخم پرانی یادوں کے​

میں چاند سے جوڑے بیٹھا تھا​

تب دل نے تھوڑی سی ضد کی​

چل چاند نگر پر چلتے ہیں​

میں دل کی بات یہ رکھنے کو​

جب چاند نگر پر پہنچا​

اک دنیا تھی آباد وہاں​

کچھ آنسو نوحے سپنے تھے​

کچھ یار پرانے اپنے تھے​

کچھ آہیں تھیں دیوانوں کی​

خواہش کا جال بھی پھیلا تھا​

کچھ باتیں تھی فرزانوں کی​

جو میں نے ہجر میں کھوئی تھیں​

وہ نیندیں تنہا بیٹھی تھیں​

لکھے تھے جو بھی چاہت میں​

وہ باب آوارہ پھرتےے تھے​

کچھ خواب آوارہ پھرتے تھے​

جانے میں کب، کس عالم میں​

خوابوں کے پیچھے بھاگا تو​

وہ چاند نگر کی شہزادی​

اس چاند نگر پر اتری​

پھر۔۔۔۔۔۔۔۔۔۔​

جانے کتنا وقت لگا​

اور جانے کیا کچھ بیت گیا​

بس اتنا یاد ہے مجھ کو​

جب ساری دنیا سوتی ہے​

میں چاند نگر پر جاتا ہوں​

وہ چاند نگر پر ہوتی ہے​

وہ چاند نگر پر ہوتی ہے​

​

فرمان علی ارمان​

بشکریہ اردو پوائنٹ ڈاٹ کام ​

 

[فارقلیط رحمانی]

ان شاء اللہ ہم بھی چاند نگر پر جائیں گے۔
بہت خوب!

 

[نایاب]

سچ کہا کہنے والے نے ۔۔۔۔۔۔۔۔۔۔۔
جب ساری دنیا سوتی ہے
میں چاند نگر پر جاتا ہوں
وہ چاند نگر پر ہوتی ہے

 

[فرحت کیانی]

واہ۔ حسبِ روایت بہترین انتخاب۔ بہت شکریہ سید زبیر انکل
زبیر انکل اس نظم کا آغاز پڑھتے ہوئے مجھے آپ کی بیٹی آمنہ کا خیال آیا تھا اور اختتام پڑھتے ہوئے بھی۔

 

[سید زبیر]

جیتی رہیں بیٹا فرحت کیانی ہمیشہ خوش رہیں ، میں آپ کو بہنا لکھوں یا بیٹا ۔۔ آپ رہیں گی بیٹا ہی اللہ آپ کو ڈھیروں سعادتیں نصیب فرمائے (آمین)

 

[سید شہزاد ناصر]

رُلا دیا شاہ جی
بہت ہی خوبصورت نظم
اللہ آپ کو ہر دکھ اور پریشانی سے محفوظ رکھے اور ڈھیر ساری خوشیاں عطا فرمائے آمین

 

[سید زبیر]

سید شہزاد ناصر سرکار آپ کی محبتوں کا مقروض ہوں

 

[سید زبیر]

رُلا دیا شاہ جی
بہت ہی خوبصورت نظم
اللہ آپ کو ہر دکھ اور پریشانی سے محفوظ رکھے اور ڈھیر ساری خوشیاں عطا فرمائے آمین

سرکار ! ایسے رلانے والے بندے کو تو محفل میں نہیں آنا چاہئیے ، مگر کیا کروں سکوں بھی یہیں ملتا ہے ، محبتوں کے دامن میں ۔۔۔ برداشت کریں
جزاک اللہ

 

[سید شہزاد ناصر]

سرکار ! ایسے رلانے والے بندے کو تو محفل میں نہیں آنا چاہئیے ، مگر کیا کروں سکوں بھی یہیں ملتا ہے ، محبتوں کے دامن میں ۔۔۔ برداشت کریں
جزاک اللہ

کبھی مل کر رو لینے سے دل کا بوجھ ہلکا ہو جاتا ہے
اور اب مجھے تو محفل پر آپ کی عادت پڑ گئی ہے
اللہ آپ کو شاد و آباد رکھے آمین

 

[محمود احمد غزنوی]

آج سے کوئی اکیس سال قبل، میں نے بھی کچھ اسی قسم کی ایک نظم لکھی تھی۔۔۔لیکن چاند نگر میں اپنا مستقل گذارہ نہیں ہوسکا

 

[سید زبیر]

آج سے کوئی اکیس سال قبل، میں نے بھی کچھ اسی قسم کی ایک نظم لکھی تھی۔۔۔ لیکن چاند نگر میں اپنا مستقل گذارہ نہیں ہوسکا

اگر شریک محفل کردیں تو شکر گزار ہوں گا

 

[محمود احمد غزنوی]

اگر شریک محفل کردیں تو شکر گزار ہوں گا

لیجئے سرکار۔۔۔
ایک کہانی بہت پرانی۔۔۔

 

[نیرنگ خیال]

بہت اعلیٰ انتخاب۔۔۔ حسبِ روایت