فریاد

[محمل ابراہیم]

یہ تو ٹھیک ہو گیا ۔

پہلے مصرع میں دل کی موت کا ذکر نہیں کہ دوسرے میں دل کو جلا دینے کی بات ہو۔

موزوں تو ہیں پر ان میں بھی خاص کوئی نکتہ نہیں۔

اللہ تعالیٰ آپ کا حامی و ناصر ہو۔آمین

وہ جِلا (زندہ کرنا) نہیں ہے۔جِلا(آب و تاب)ہے

 

[الف عین]

مجھے وہ حدیث یاد آئی کہ گناہوں سے دل پر سیاہ دھبہ پر جاتا ہے، شاید اسی طرف محمل کااشارہ ہے، اس لحاظ سے دل کو جِلا دینے کی دعا درست لگی۔دھبے میں بدل جانا دل کی موت ہی تو ہے یاسر شاہ
سنگ بنانے پر میں نے اتنی توجہ نہیں دی تھی، اس سے پیشتر، "پیشتر" نے ہی قلم روک لیا تھا؟ بہر حال اب تو اسے شہر بدر کر دیا ہے!

 

[محمل ابراہیم]

الف عین یاسر شاہ
آداب
نظر ثانی کی درخواست گزار ہوں ۔۔۔

مانگنے کے مجھے آداب سکھا دے مولا
سیدھے رستے پہ قدم میرے جما دے مولا

بس کہ اب صبر کا پیمانہ چھلک جانے کو ہے
قوت ضبط مری اور بڑھا دے مولا

کب تلک درد سہیں،آہ بھریں،روئیں ہم
راہ پر خار پہ اب پھول کھلا دے مولا

جس جگہ دل تھا وہاں اب ہے لہو کا دھبا
قوت عشق سے پھر اس کو جِلا دے مولا

زندگی اتنی نہ دشوار کبھی پہلے تھی
اس کو دشوار سے آسان بنا دے مولا

تیری بندی ہوں تجہی سے ہے جڑی ہر امید
میری امید کی امید بڑھا دے مولا

کاٹنے سے کہاں کٹتی ہے شبِ غم یارب
آج تو چین بھری نیند سلا دے مولا

 

[الف عین]

روئیں ہم.... کو میں نے "اشک بہائیں" تجویز کیا تھا، کیا پسند نہیں آیا؟
درست لگ رہی ہے نظم

 

[محمل ابراہیم]

روئیں ہم.... کو میں نے "اشک بہائیں" تجویز کیا تھا، کیا پسند نہیں آیا؟
درست لگ رہی ہے نظم

سر میں سمجھ نہ سکی
کب تلک درد سہیں،آہ بھریں ،اشک بہائیں
سر یہ خارج البحر نہیں؟؟؟

یا پھر ترکیب کچھ اور ہوگی مصرعے کی ؟؟
سر میں نے غور کیا لیکن سمجھ نہ آیا۔آپ ہی مدد کریں

 

[صریر]

یہ خارج البحر نہیں؟؟؟

نہیں ، 'ئیں' کی چھوٹی آواز بحر میں آجائے گی۔
جیسے 'بہائیں' کی جگہ 'بہار' ہوتا ، تو ' بہار' کی 'ر' وزن میں آجاتی اسی طرح 'بہائیں' کی 'ئیں' وزن میں آجائے گی ۔

 

[الف عین]

سر میں سمجھ نہ سکی
کب تلک درد سہیں،آہ بھریں ،اشک بہائیں
سر یہ خارج البحر نہیں؟؟؟

یا پھر ترکیب کچھ اور ہوگی مصرعے کی ؟؟
سر میں نے غور کیا لیکن سمجھ نہ آیا۔آپ ہی مدد کریں

جیسا صریر نے بتایا ہے مگر بہائیں کی ی کو مختصر کر کے پڑھنا ہے۔ بہائیں فعولن کے وزن پر نہیں، محض فعو کے وزن پف

 

[محمل ابراہیم]

نہیں ، 'ئیں' کی چھوٹی آواز بحر میں آجائے گی۔
جیسے 'بہائیں' کی جگہ 'بہار' ہوتا ، تو ' بہار' کی 'ر' وزن میں آجاتی اسی طرح 'بہائیں' کی 'ئیں' وزن میں آجائے گی

متشكرم

 

[محمل ابراہیم]

جیسا صریر نے بتایا ہے مگر بہائیں کی ی کو مختصر کر کے پڑھنا ہے۔ بہائیں فعولن کے وزن پر نہیں، محض فعو کے وزن پف

جی شکریہ سر