فقط

[راجہ صاحب]

وصالِ یار بڑی چیز ہے مگر ہمدم
وصالِ یار فقط آرزو کی بات نہیں

 

[شمشاد]

حشرؔ میری شعر گوئی ہے فقط فریاد شوق
اپنا غم دل کی زباں میں، دل کو سمجھاتا ہوں میں
(آغا حشر)

 

[راجہ صاحب]

مدّتوں اُن کو فقط اُن کو سنانے کے لئے
گیت گائے دلِ آشفتہ نوا نے اے دوست

 

[شمشاد]

غمِ فراق ہے دُنبالہ گردِ عیشِ وصال
فقط مزہ ہی نہیں عشق میں بَلا بھی ہے
(میر تقی میر)

 

[راجہ صاحب]

بے ترتیبی میں ترتیب ڈھونڈتے ہیں
جینے کی کوئی ترکیب ڈھونڈتے ہیں
اس سے بے وفائی کا گلہ کوئی نہیں ہے
ہم تو فقط اپنا رقیب ڈھونڈتے ہیں‌

 

[شمشاد]

پامال ہم نہ ہوتے فقط جورِ چرخ سے
آئی ہماری جان پر آفت کئی طرح
(مومن خان مومن)

 

[راجہ صاحب]

بہتے دریا کو اماں بھی چاہیے
اِک سمندر ہی فقط پیاسانہیں

نامعلوم

 

[شمشاد]

اک دھندلا سا تصور ہے کہ دل بھی تھا یہاں
اب تو سینے میں فقط اک ٹیس سی پاتا ہوں میں
(آغا حشر)

 

[راجہ صاحب]

فقط نگاہ سے ھوتا ھے فیصلہ دل کا
نہ ھو شوخی نگاہ میں تو دلبری کیا ھے

اقبال

 

[شمشاد]

شکوہ عيد کا منکر نہيں ہوں ميں، ليکن
قبول حق ہيں فقط مرد حر کي تکبيريں
(علامہ محمد اقبال)

 

[راجہ صاحب]

فقط ایک جام پہ گفتگو مری شان میں
سرِ شام ایسی منافقت نہیں چاہتا

منصور آفاق

 

[محمد یعقوب آسی]

کچھ نہیں مانگتا شاہوں سے یہ شیدا تیرا

اس کی دولت ہے فقط نقشِ کف پا تیرا​

جناب الف نظامی صاحب۔
قاسمی صاحب کی اس نعت کا ایک شعر ہے:

پورے قد سے میں کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

یا

پورے قد سے جو کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

میں ۔۔۔ اور ۔۔۔ جو
کوئی صورت ہو کہ ہم حتمی متن کو پا لیں! میرے ایک دوست ہیں پروفیسر اختر شاد|۔ بنیادی طور پر یہ سوال ان کی طرف سے ہے۔
توجہ فرمائیے گا۔ میں نے انٹرنیٹ پر تلاش کی تو مجھے یہ دونوں متن ملے ہیں۔
پورے قد سے جو کھڑا ہوں ۔۔۔ پورے قد سے میں کھڑا ہوں ۔۔۔ تو یہ ہے تیرا کرم

 

[الف نظامی]

جناب الف نظامی صاحب۔
قاسمی صاحب کی اس نعت کا ایک شعر ہے:

پورے قد سے میں کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

یا

پورے قد سے جو کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

میں ۔۔۔ اور ۔۔۔ جو
کوئی صورت ہو کہ ہم حتمی متن کو پا لیں! میرے ایک دوست ہیں پروفیسر اختر شاد|۔ بنیادی طور پر یہ سوال ان کی طرف سے ہے۔
توجہ فرمائیے گا۔ میں نے انٹرنیٹ پر تلاش کی تو مجھے یہ دونوں متن ملے ہیں۔
پورے قد سے جو کھڑا ہوں ۔۔۔ پورے قد سے میں کھڑا ہوں ۔۔۔ تو یہ ہے تیرا کرم

یا استاذی۔
"میں" اور "مجھ کو "اکٹھا کیا جانافصیح نہیں ہوگا۔
یہ خیال ہے کہ درست شعر یہ ہے۔

پورے قد سے جو کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

 

[محمد یعقوب آسی]

یا استاذی۔
"میں" اور "مجھ کو "اکٹھا کیا جانافصیح نہیں ہوگا۔
یہ خیال ہے کہ درست شعر یہ ہے۔

پورے قد سے جو کھڑا ہوں تو یہ ہے تیرا کرم
مجھ کو جھکنے نہیں دیتا ہے سہارا تیرا​

میری جستجو کا حاصل ملاحظہ ہو:

جناب الف عین

 

[سیما علی]

میں کہاں اور کہاں شاعری میں نے تو فقط
مجلس شعر بپا کی تو تمہارے لیے کی

 

[سیما علی]

آئنے میں ہے فقط آپ کا عکس
آئنہ آپ کی صورت تو نہیں

حنیف اخگر​

 

[سیما علی]

فقط ملنا ملانا کم ہوا ہے
ہماری دوستی ٹوٹی نہیں ہے
مصداق اعظمیٰ

 

[سیما علی]

خرابی ہو رہی ہے تو فقط مجھ میں ہی ساری
مرے چاروں طرف تو خوب اچھا ہو رہا ہے
ظفر اقبال

 

[سیما علی]

بھری دنیا میں فقط مجھ سے نگاہیں نہ چرا
عشق پر بس نہ چلے گا تری دانائی کا!!!!
احمد ندیم قاسمی

 

[سیما علی]

تو جگنو ہے فقط راتوں کے دامن میں بسیرا کر
میں سورج ہوں تو مجھ سے آشنائی کر نہیں سکتا
افضل الہ آبادی